Read NT LS 2005 – Инжил ЛС (2005 Nakıl 20 Bible Online

Nakıl 20 - NT LS 2005 – Инжил ЛС (2005 bible

Nakıl 20

¹Şarap adamdı şıldıŋ kılat, küçtüü içkilik adamdı oolukturat, bularga berilgenderdin baarı akılsız.

²Padışanın kaarı arstandın aykırıgınday, anı kaardantkan adam özünö karşı künöö kılat.

³Çır-çataktan kaçuu – adam üçün abiyir, al emi akılsız adam jaŋjalçıl bolot.

⁴Jalkoo adam kışında jer aydabayt, oruu-jıyuu maalında izdep, eç nerse tappayt.

⁵Adamdın jürögündögü oylor – tereŋ suular, birok akılduu adam alardan suzup ala beret.

⁶Köptör adamdı ırayımduulugu üçün maktaşat, birok çınçıl adamdı kim tabat?

⁷Adil adam tüz jüröt, anın artında kalgan baldarı baktıluu!

⁸Sot tagında oturgan padışa köz karaşı menen bardık jamandıktı kubalayt.

⁹«Men jürögümdü tazaladım, men künöömdön tazamın», – dep, kim ayta alat?

¹⁰Birdey emes taraza, birdey emes çen-ölçöm Teŋirdin aldında jiyirkeniçtüü.

¹¹Öspürümdün jürüm-turumunun tuura je tuura emes ekenin kılgan işinen bilip aluuga bolot.

¹²Ukkan kulaktı, körgön közdü Teŋir jaratkan.

¹³Jakır bolboşuŋ üçün, uktagandı jakşı körbö. Közüŋdü açıp sergek bol, oşondo nandı toyguça jeysiŋ.

¹⁴Satıp aluuçu: «Jaman, jaman», – deyt, birok mınday baskanda: «Jakşı, jakşı», – dep maktanat.

¹⁵Altın da, köp bermet da bar, birok akılduu süylögön ooz alardan kımbat.

¹⁶Biröögö kepil bolgon adamdın köynögün alıp kal, çooçun biröö üçün kepil bolgon adamdan küröö al.

¹⁷Aldamçılık menen tabılgan nan tattuu, birok jegenden kiyin, ooz şagılga tolot.

¹⁸Oy-maksat keŋeş arkıluu bekemdelet, keŋeşip alıp soguş jürgüz.

¹⁹Söz taşıgan adam biröönün sırın açat. Oozun çoŋ açkan adam menen baylanışpa.

²⁰Atası menen enesine til tiygizgen adamdın çıragı koyuu karaŋgılıkta öçöt.

²¹Şaşılış tartılıp alıngan muras bata alıp kelbeyt.

²²«Jamandık üçün öç alam», – debe, Teŋirge koy, oşondo Al seni saktayt.

²³Tuura emes taraza taştarı Teŋirdin aldında jiyirkeniçtüü, tuura emes tarazalar jakşı emes.

²⁴Adamdın kadamın Teŋir bagıttayt, oşonduktan adam öz jolun kantip bile alat?

²⁵Şaşıp ubada berip koyup, andan kiyin oylonuu – adamga tuzak.

²⁶Akılduu padışa mıyzamsızdardı sapırat, alardı döŋgölök astında kaltırat.

²⁷Adamdın ruhu – Teŋirdin çıragı, al adamdın jürögünün tereŋin sınayt.

²⁸Padışanı kayrımduuluk menen akıykattık saktap turat, al öz tagın ırayımı menen karmap turat.

²⁹Jaştardın atak-daŋkı – alardın küçü, al emi karılardın söölötü – alardın ak çaçı.

³⁰Tayaktan algan jaraat – kıyanattıkka karşı daba, içti aralap ötkön sokkular – jamandıkka karşı daba.