Read NT LS 2005 – Инжил ЛС (2005 Nakıl 22 Bible Online

Nakıl 22 - NT LS 2005 – Инжил ЛС (2005 bible

Nakıl 22

¹Köp baylıkka karaganda jakşı attuu bolgon artık; altın menen kümüşkö karaganda urmatka ee boluu artık.

²Bay menen kedey kezigişpey koyboyt, eköönü teŋ Teŋir jaratkan.

³Akılduu adam kırsıktı körüp jaşınat, al emi tajrıybasızdar tüz barıp kırsıkka uçuraşat.

⁴Moyun sunuudan kiyin, Teŋirden korkuu, baylık, atak-daŋk jana ömür kelet.

⁵Tikenek menen tuzak buzukunun jolunda, kim janın saktagısı kelse, alardan oolak bolsun.

⁶Balanı başınan tüz jolgo sal, oşondo al oşol joldon karıganda da çıkpayt.

⁷Bay adam kedeyge üstömdük kılat, karız bolgon adam karız bergendin kulu bolup kalat.

⁸Jalgandı sepken adam jamandıktı orup alat, anın kaar tayagı da jok bolot.

⁹Kayrımduu adam bata alat, antkeni al jakırga öz nanınan berip jatat.

¹⁰Şıldıŋçıldı kuup jiber, oşondo talaş-tartış toktoyt, çır-çatak da, uruş da basılat.

¹¹Jüröktün tazalıgın süygön adamdın oozunan çıkkan sözdör jagımduu, aga padışa – joldoş.

¹²Teŋirdin közü bilimdi saktap turat, al emi mıyzamdı buzgan adamdın sözün Al çetke kagat.

¹³Jalkoo adam: «Köçödö arstan jüröt! Ayantta meni öltürüp koyuşat!» – dep aytat.

¹⁴Buzulgan ayaldardın oozu – tereŋ aŋ. Teŋir kimge kaardansa, al oşol aŋga tüşöt.

¹⁵Öspürümdün jürögünö akılsızdık jabışsa, tarbiyalooçu çıbık andagı akılsızdıktı jok kılat.

¹⁶Özünün baylıgın köböytüş üçün, jakırdı kordogon adam, oşondoy ele bayga bir nerse bergen adam jakırdanat.

¹⁷Kulagıŋdı töşöp, akılduu adamdardın sözdörün uk, jürögüŋdü menin bilimime bur.

¹⁸Egerde sen alardı jürögüŋö saktasaŋ, alar oozuŋda bolso, anda alar seni soorotot.

¹⁹Teŋirge tayanışıŋ üçün, men seni bügün da üyrötüp jatam, munu esiŋe tut.

²⁰Keŋeşterim menen akıl-nasaattarımda saga üç mertebe jazgan jok belem?

²¹Saga çındıktın tak sözdörün üyrötüü üçün, seni jibergen adamdarga çındıktın sözdörün aytıp turuşuŋ üçün jazgam.

²²Jakırdı tonobo, antkeni al jakır. Baktısız adamga darbaza aldında kısım körsötpö.

²³Antkeni alardın işine Teŋir kiyligişet, alardı talap-tonogondordun janın alat.

²⁴Açuuluu adam menen dostoşpo, açuusu çukul adam menen baylanışpa,

²⁵bolboso anın jolun üyrönüp alasıŋ jana öz janıŋa sıyırtmak salasıŋ.

²⁶Ortogo tüşüp, karızdın mildetin alba.

²⁷Egerde tölöy turgan eç nerseŋ jok bolso, özüŋdü astıŋdagı töşögüŋdü aldırganga çeyin jetkirüünün kanday kajeti bar?

²⁸Ata-babalarıŋ ötkörgön murunku çek aranı jıldırba.

²⁹Öz işin jakşı bilgen adamdı kördüŋ bele? Al jönököy adamdardın aldında emes, padışalardın aldında turat.