Read NT LS 2005 – Инжил ЛС (2005 Nakıl 25 Bible Online

Nakıl 25 - NT LS 2005 – Инжил ЛС (2005 bible

Nakıl 25

¹Bular da Jüyüt padışası Hiskiyanın kişileri jıynagan Sulaymandın nakıl sözdörü.

²Kudaydın daŋkı – işti jaşıruun karmoo, al emi padışalardın daŋkı – işti izildöö.

³Asmandın biyiktigi, jerdin tereŋdigi jana padışalardın jürögü izildengis.

⁴Kümüştön koşundunu ajırat, oşondo zergerdin kolunan idiş çıgat.

⁵Padışadan adiletsiz adamdı alıs kıl, oşondo anın tagı çındık menen bekemdelet.

⁶Padışalardın aldında özüŋdü jogoru kötörbö, uluu adamdardın orduna turba.

⁷Antkeni seni közüŋ körgön ataktuu adamdardın aldında kemsintişkenden körö, saga: «Kel bul jerge, jogoru öt», – dep aytışkanı jakşı.

⁸Talaşıp-tartışkanga şaşpa, ataandaşıŋ maskara kılsa emne bolot?

⁹Ataandaşıŋ menen talaşıp-tartış, birok ukkan adam seni jemelebeşi üçün,

¹⁰biröönün jaşıruun sırların açpa, bolboso ömür boyu maskara bolup ötösüŋ.

¹¹Orunduu söz – jarkıragan kümüş idiştegi altın alma.

¹²Akılduu aşkerelööçü – köŋül koyup ukkan kulak üçün altın söykö jana taza altından jasalgan jasalga.

¹³Oruu-jıyuu maalında kar koşulgan içimdik kanday bolso, işenimdüü elçi anı jibergen adam üçün oşondoy. Al mırzasının jürögün kubantat.

¹⁴Jalgan belek menen maktangan adam jamgırı jok bulut menen şamalday.

¹⁵Momunduk törönü ırayım kıluuga türtöt, jumşak til sööktü sındırat.

¹⁶Sen bal taap aldıŋbı? Kança kerek bolso, oşonço je, aşıra toyup alsaŋ, kusasıŋ.

¹⁷Dosuŋdun üyünö kayra-kayra ele bara berbe, bolboso al senden jadap, seni jek körüp kalat.

¹⁸Jakınına karşı jalgan kübögö ötüp, jalaa japkan kişi balkaday, kılıçtay, kurç jebedey.

¹⁹Başka müşkül tüşkön künü işenimsiz adamga tayanuu sıngan tişke, alsız butka tayanuuga barabar.

²⁰Kaygıluu jürökkö ırdoo suuk künü biröönün çapanın çeçip alganga, jarasına uksus kuyganga barabar.

²¹Duşmanıŋ açka bolso, nanga toyguz, suusap tursa, suusunun kandır.

²²Antkeni uşunday kıluu menen sen anın başına çok üyösüŋ. Oşondo Teŋir saga tieşeŋdi beret.

²³Tündüktön sokkon şamal jamgır jaadırat, al emi uşakçının sözü naarazı jüzdördü tuudurat.

²⁴Ajaan ayal menen zaŋgıragan üydö jaşagança, üydün çatırının bir burçunda jaşagan jakşı.

²⁵Alıskı ölködön kelgen jakşı kabar suusap alsıragan janga muzdak suu içirgenge barabar.

²⁶Mıyzamsızdın aldında adil adamdın jıgılışı – bulaktın ılaylanganınday, kuduktun buzulganınday.

²⁷Baldı köp jegen jakşı emes, oşol sıyaktuu ele saya kuup jetken atak-daŋk – atak-daŋk emes.

²⁸Öz ruhun başkara albagan adam talkalangan, çepsiz şaarga okşoş.