Read NT LS 2005 – Инжил ЛС (2005 Nakıl 6 Bible Online

Nakıl 6 - NT LS 2005 – Инжил ЛС (2005 bible

Nakıl 6

¹Uulum! Egerde jakınıŋa kepil bolup, başka biröö üçün kol berseŋ,

²anda sen oozuŋdan çıkkan sözüŋ menen özüŋdü çırmap aldıŋ, öz oozuŋdan çıkkan sözdörüŋ menen karmaldıŋ.

³Uulum, mınday kıl: özüŋdü kutkar, antkeni sen jakınıŋdın koluna tüşüp kaldıŋ, bar, butuna jıgıl, jakınıŋa jalınıp-jalbar.

⁴Közüŋdü irmebe, kirpik kakpa.

⁵Mergençinin kolunan kutulgan jeyrendey, kuşçunun kolunan kutulgan kuştay kutul.

⁶Jalkoo, kumurskalardı kara, alardın iş-araketin kör, anan akılıŋa kel.

⁷Alardın başçısı da, közömölçüsü da, ökümdarı da jok.

⁸Birok alar özdörünün nanın jayında kamdap alışat, özdörünün azıgın oruu-jıyuu maalında jıynap alışat.

⁹Jalkoo, kaçanga çeyin uktay beresiŋ, kaçan oygonosuŋ?

¹⁰Bir az uktay tursaŋ, koluŋdu booruŋa alıp, ürgülöp, bir az jata tursaŋ,

¹¹jakırlıgıŋ jolooçuday, muktajdıgıŋ karakçıday kirip kelet.

¹²Antkor, mıyzamsız adam jalgan süylöyt.

¹³Közün kısat, butu menen süylöp, manjaları menen belgi beret.

¹⁴Anın jürögündö jüzü karalık, kaçan bolbosun, oylogonu jamandık, araga çagım salat.

¹⁵Oşon üçün al kütülbögön jerden ölöt, kapıstan talkalanat, ayıkpas dartka çaldıgat.

¹⁶Teŋir jek körgön altı nerse, atügül, Anın janına jiyirkeniçtüü bolgon jeti nerse:

¹⁷menmensingen közdör, jalgan til, jazıksız adamdın kanın tökkön kol,

¹⁸jamandık oylogon jürök, kıyanattık kılganga tez çurkagan buttar,

¹⁹jalgan jalaa japkan jalgan kübö, bir tuugandardın ortosuna ot jakkandar.

²⁰Uulum! Ataŋdın osuyattarın sakta, eneŋdin akıl-nasaatın çetke kakpa.

²¹Alardı jürögüŋö tübölükkö baylap al, moynuŋa tegerete baylap al.

²²Jolgo çıkkanıŋda, alar seni jetekteyt, uktap jatkanıŋda kaytarat, oygongonuŋda seni menen maekteşet.

²³Antkeni osuyat – çırak, akıl-nasaat – jarık, nasıyattı üyrönüü – ömürgö jol.

²⁴Alar seni buzulgan ayaldan, başka biröönün ayalının jasakerlenip süylögön sözünön saktayt.

²⁵Jürögüŋdö anın suluulugun kaalaba, al seni kirpigi menen özünö tartıp ketpesin.

²⁶Antkeni buzulgan ayaldın ayınan adam bir sındırım nanga jetpey kalat, biröönün ayalı kımbat jandı torgo tüşüröt.

²⁷Kim köynögün küygüzböy, ottu koltuguna katıp jürö alat?

²⁸Kim butun küygüzböy, küyüp turgan çoktun üstünön basıp jürö alat?

²⁹Jakınının ayalına kirgen adam oşondoy bolot, aga jakındagan adam künöögö batpay koyboyt.

³⁰Kursagın toyguzuş üçün, açkalıktın ayınan uuruga kirgen kişini jek körüşpöybü?

³¹Al karmalganda, jeti eselep tölöp beret, üyündögü bardık mal-mülkün beret.

³²Al emi biröönün ayalı menen oynoştuk kılgan adamdın akılı jok, mınday kılgan adam öz janın öltüröt.

³³Al tokmok da jeyt, abiyiri da ketet, maskara bolgonu unutulbayt.

³⁴Antkeni kızgançaaktık – küyöösünün kaarı, al öç algan künü ayabayt.

³⁵Eç kanday kun kabıl albayt, kançalık belek berseŋ da kanagattanbayt.