Read NT LS 2005 – Инжил ЛС (2005 Nasaatçı 10 Bible Online

Nasaatçı 10 - NT LS 2005 – Инжил ЛС (2005 bible

Nasaatçı 10

¹Ölgön çımındar jıpar jıttuu maydın jıtın buzat, kadır-barktuu adamdın kiçine akılsızdıgı da anın akılmanduulugu menen kadır-barkına şek keltiret.

²Akılduu adamdın jürögü oŋgo, akılsızdın jürögü solgo jeteleyt.

³Akılsız kaysı jol menen bara jatsa da, aga akıl jetişpeyt, al özünün akılsız ekenin ar kimge ele ayta beret.

⁴Eger başkaruuçuŋ saga kaardansa, orduŋdu taştap ketpe, antkeni sabırduuluk çoŋ kılmıştardı da jaap koёt.

⁵Men kün astınan dagı bir jamandıktı kördüm, al – ökümdardan ketken jaŋılıştık:

⁶akılsızdardı ötö biyik orunga oturguzuşat, al emi baylar tömönkü orunda oturuşat.

⁷Men at üstündö jürgön kuldardı, al emi törölördün kuldarga okşop jöö jürgönün kördüm.

⁸Or kazgan adam kazgan oruna özü tüşöt. Dubaldı uratkan adamdı jılan çagat.

⁹Taştı ordunan jıldırgan adam bir jerin mertintip alışı mümkün. Otun jargan adam bir jerin kokustatıp alışı mümkün.

¹⁰Egerde balta mokop kalsa, anın mizi kurçutulbasa, anda küçkö saluuga tuura kelet, birok akılmandık munu oŋdoy alat.

¹¹Egerde jılan darımdaganga çeyin çagıp alsa, anda darımdooçudan eç kanday payda jok.

¹²Akılduu adamdın oozunan çıkkan söz – ırayım, al emi akılsızdın oozunan çıkkan söz özün öltüröt.

¹³Anın oozunan çıkkan sözdün başı – akılsızdık, anın oozunan çıkkan sözdün ayagı – akıldan adaşkandık.

¹⁴Adam aldıda emne bolorun bilbegenine karabastan, akılsız adam oozuna kelgendi süylöy beret. Özünön kiyin emne bolorun aga kim aytıp beret?

¹⁵Emgek akılsızdı alsıratat, antkeni al şaarga bara turgan joldu da bilbeyt.

¹⁶Ölkö, padışaŋ jaş bala bolso, saga kaygı! Törölörüŋ taŋ atpay tamak içe baştasa, saga kaygı!

¹⁷Ölkö, padışaŋ tektüü tukumdan bolso, saga jakşı! Törölörüŋ tamaktı aşıra toyuş üçün emes, kubattanış üçün öz ubagında jese, saga jakşı!

¹⁸Jalkooluktan şıp salaŋdap kalat, şaldayıp otura berse, üydün çatırınan suu ötöt.

¹⁹Toydu ırakattanış üçün ötkörüşöt, şarap jaşoonu şattandırat. Birok bardıgın kümüş çeçet.

²⁰Padışanı oyuŋda da jamandaba, baydı uktooçu bölmöŋdö da jamandaba, antkeni asman kuştarı sözüŋdü jetkirip barışı mümkün, kanattuu kuştar süylögön sözüŋdü aytıp barışı mümkün.