Read NT LS 2005 – Инжил ЛС (2005 Nasaatçı 2 Bible Online

Nasaatçı 2 - NT LS 2005 – Инжил ЛС (2005 bible

Nasaatçı 2

¹Men jürögümdö: “Men seni şattık menen sınap köröyün, jakşı nerselerden ırakat al”, – dedim. Birok bul da kurulay ubarakerçilik eken!

²Men külkü tuuraluu: “Bul – akılsızdık», – dedim, al emi şattık tuuraluu: «Mından emne payda?” – dedim.

³Jürögümdö denemdi şarap menen ırakattandırayın degen oygo keldim. Birok jürögümdü akıl başkargandıktan, adam balası üçün emne jakşı ekenin, al özünün kıska ömüründö, asman astında emne kılış kerek ekenin bilüü üçün, akılsızdıktı sınap köröyün dedim.

⁴Men çoŋ işterdi jasadım: özümö üylördü, jüzümzarlardı oturguzdum,

⁵bakçalardı, seyil baktardı östürdüm, alarga mömölüü daraktardın türün oturguzdum.

⁶Tokoydo öskön bak-daraktardı sugarıp turuu üçün, kölmölördü kurdum.

⁷Kuldardı jana küŋdördü satıp aldım, menin üyümdö törölgön kuldar da bar bolçu. Oşondoy ele menin bodo jana mayda malım İerusalimde menden murun jaşagandardın baarınıkınan köp bolçu.

⁸Padışalardan jana duban başçılardan altın, kümüş, kımbat baaluu taştardı çogulttum. Köp ırçı kız-jigitterdi küttüm, adam balasının ırahatı bolgon ar türdüü muzıkalık aspaptarım bar ele.

⁹Oşentip, men İerusalimde menden murun jaşagandardın baarınan uluu jana bay adam boldum; akılmandıgım da maga jardam berdi.

¹⁰Közümdün bir da kaaloosun çetke kakkan jokmun. Jürögüm kaalagan kubanıçtı tıygan jokmun, antkeni jürögüm menin bardık işterime kubanıp turdu, bul menin bardık işterimden algan ülüşüm boldu.

¹¹Anan men öz kolum menen jasagan işterdin baarın jana özüm emgektengen emgegimdi karap, mınday çeçimge keldim: bardıgı kurulay ubarakerçilik jana ruhtun kıynaluusu, kün astında alardan payda jok!

¹²Oşondo men akılmandıkka da, akılsızdıkka da, türköylükkö da köz salıp köröyünçü dep kayrıldım. Padışadan kiyin kelgen adam emne kıla alat? Buga çeyin jasalıp kelgen nerseni ele kıla alat.

¹³Oşentip, men karaŋgılıktın janında jarık kanday artıkçılıkka ee bolso, akılsızdıktın janında akılmandık oşondoy artıkçılıkka ee ekenin kördüm.

¹⁴Akılmandın közü öz başında, al emi akılsız karaŋgılıkta jüröt. Birok baarının başına bir ele nerse tüşörün bildim.

¹⁵Anan jürögümdö mınday dedim: “Akılsızdın başına tüşkön nerse, menin başıma da tüşöt, anday bolso emne üçün men abdan akılduu boldum?” Oşondo: “Bul da – kurulay ubarakerçilik”, – dedim.

¹⁶Antkeni akılduunu dele akılsızday tübölükkö unutuşat, keleçekte bardıgı unutulat. Tilekke karşı, akılduu da akılsız sıyaktuu ele ölöt.

¹⁷Men ömürdü jek körüp kaldım, antkeni kün astında jasalıp jatkan işterdin bardıgı maga jakpay kaldı. Antkeni bardıgı kurulay ubarakerçilik jana ruhtun kıynaluusu eken!

¹⁸Oşentip, men kün astında jasagan emgegimdin bardıgın jek körüp kaldım, antkeni men anı özümdön kiyinki adamga kaltırışım kerek.

¹⁹Anın akılduu bolorun je akılsız bolorun kim bilet? Birok al menin kün astında akılmanduuluk kılıp emgektengen işterimdin baarına eelik kılat. Bul da kurulay ubarakerçilik eken!

²⁰Oşondo men jürögümdü kün astında kılgan bardık emgekterimden köŋül kaluuga burdum,

²¹antkeni kaysı bir adam akılın, bilimin koldonup, iygiliktüü emgektenip, anan bardıgın emgektenbegen adamga oşonun ülüşü bolgonsup kaltıruuga tiyiş. Bul da kurulay ubarakerçilik jana çoŋ jamandık eken!

²²Oşonduktan adam kün astında emgektengen bardık emgeginen, jürögünün tüyşüktörünön emne tabat?

²³Antkeni anın büt ömürü – kaygı, bardık emgegi – tınçsızdanuu. Atügül, tün içinde anın jürögü tınç albayt. Bul da kurulay ubarakerçilik eken!

²⁴İçip-jep jırgoo, öz emgeginen ırakat aluu da adamdın biyliginde emes. Men bul nerse da Kudaydın kolunda ekenin kördüm.

²⁵Antkeni Ansız kim içip-jep, ırakattana alat?

²⁶Antkeni Teŋir Özünö jakkan adamga akıl da, bilim da, kubanıç da beret, al emi künöökör adamga jıyuu, çogultuu tüyşügün beret. Anan anın jıygandarın Kuday Özünö jakkan adamga beret. Bul da kurulay ubarakerçilik jana ruhtun kıynaluusu eken!