Read NT LS 2005 – Инжил ЛС (2005 Nasaatçı 3 Bible Online

Nasaatçı 3 - NT LS 2005 – Инжил ЛС (2005 bible

Nasaatçı 3

¹Bardık nersenin öz ubagı bar, asman astındagı ar bir nersenin öz ubagı bar.

²Törölö turgan ubak bar, ölö turgan ubak bar. Oturguza turgan ubak bar, jula turgan ubak bar.

³Öltürö turgan ubak bar, darılay turgan ubak bar. Buza turgan ubak bar, kura turgan ubak bar.

⁴Iylay turgan ubak bar, külö turgan ubak bar. Kaygıra turgan ubak bar, biyley turgan ubak bar.

⁵Taştardı çaça turgan ubak bar, taştardı jıynay turgan ubak bar. Kuçaktaşa turgan ubak bar, kuçaktaşpay turgan ubak bar.

⁶İzdey turgan ubak bar, jogoto turgan ubak bar. Saktay turgan ubak bar, taştay turgan ubak bar.

⁷Jırta turgan ubak bar, jamay turgan ubak bar. Unçukpay turgan ubak bar, süylöy turgan ubak bar.

⁸Süyö turgan ubak bar, jek körö turgan ubak bar. Soguşa turgan ubak bar, tınç jaşay turgan ubak bar.

⁹Jumuşçuga özünün iştegen işinen emne payda?

¹⁰Kuday adam balasına maşıksın dep bergen mına uşul tüyşüktü kördüm.

¹¹Adam Kudaydın jasap jatkan işterin başınan ayagına çeyin tüşünö albasa da, Al bardık nerseni öz ubagında sonun kılıp jasadı, alardın jürögünö tübölüktüülüktü saldı.

¹²Adamga öz ömüründö kubanuudan jana jakşılık kıluudan artık eç nerse jok ekenin tüşündüm.

¹³Egerde adam içip-jep, ar bir işinin üzürün körüp jatsa, anda bul – Kudaydın belegi.

¹⁴Kuday jasagandın bardıgı tübölüktüü ekenin tüşündüm, aga eç nerse koşuuga da, andan eç nerseni aluuga da bolboyt. Kuday Özünön korkup turuşu üçün uşunday kılıp jaratkan.

¹⁵Murun bolgon nerse azır da bar, bolo turgan nerse murun da bolgon. Kuday ötköndü kayra çakırat.

¹⁶Dagı men kün astınan adilettik bolo turgan jerde mıyzamsızdık bolup jatkanın kördüm, çındık bolo turgan jerde aldamçılık bolup jatkanın kördüm.

¹⁷Oşondo men jürögümdö mınday dep ayttım: “Adil adamdı da, mıyzamsız adamdı da Kuday sottoyt, antkeni ar bir nersenin öz ubagı bar, al jerde ar bir iştin üstünön sot bolot”.

¹⁸Men jürögümdö adam balası tuuraluu mınday dedim: “Alardı Kuday sınasın, alar özdörünün janıbar sıyaktuu ele ekenin körüşsün”.

¹⁹Antkeni adam balasının ülüşü menen janıbarlardın ülüşü bir. Adamdar ölgöndöy ele, bular da ölüşöt, bardıgı birdey dem alat, adamdın janıbardan eç kanday artıkçılıgı jok, antkeni bardıgı – kurulay ubarakerçilik!

²⁰Bardıgı bir jerge barat, bardıgı topuraktan jaralgan, bardıgı kayra topurakka aylanat.

²¹Adam balasının janı jogoru kötörülöbü, janıbarlardın janı tömön jakka tüşöbü, munu kim bilet?

²²Oşentip, men adam üçün öz işteri menen ırakattangandan artık eç nerse jok ekenin kördüm, antkeni bul – anın ülüşü. Özünön kiyin emne bolorun körgöngö anı kim alıp kelet?