Read NT LS 2005 – Инжил ЛС (2005 Nasaatçı 5 Bible Online

Nasaatçı 5 - NT LS 2005 – Инжил ЛС (2005 bible

Nasaatçı 5

¹Süylögöngö şaşılba, jürögüŋ da Kudaydın aldında süylögöngö aşıkpasın, antkeni Kuday asmanda, sen bolso jerdesiŋ, oşonduktan az süylö.

²Tüştör tüyşüktün köptügünön kiret; akılsızdın ünü köp süylögönünön bilinet.

³Kudayga ubada berseŋ, anı keçiktirbey atkar, antkeni Al akılsızdarga ırayım kılbayt, bergen ubadaŋdı atkar.

⁴Ubada berip atkarbay koygondon körö, ubada berbegeniŋ jakşı.

⁵Tiliŋdin deneŋdi künöögö batıruusuna jol berbe. Kudaydın periştesinin aldında: “Bul – jaŋılıştık”, – debe. Bolboso Kuday senin sözüŋö kaardanıp, koluŋ menen kılgan işteriŋdi kıyratıp salat.

⁶Antkeni köp tüş körgöndön kurulay ubarakerçilik jana söz köp bolot, birok sen Kudaydan kork.

⁷Egerde sen kaysı bir dubanda kedeyler kısımga alınıp, adilettik menen çındık burmalanıp jatkanın körsöŋ, buga taŋ kalba, antkeni jogorkunun üstünön andan jogorku karap turat, anın üstünön eŋ jogorku köz salıp turat.

⁸Ölkönün artıkçılıgı bolso ölkösü üçün kam körgön padışa bolup eseptelet.

⁹Kümüştü süygön adam kümüşkö toyboyt. Baylıktı süygön adam andan payda tappayt. Bul da – kurulay ubarakerçilik!

¹⁰Mal-mülk köböygön sayın, anı paydalangandar da köböyöt. Aga eelik kılgandar anı karap turuudan bölök kaysı bakıttı tabışat?

¹¹Köp jeybi, az jeybi, emgekçinin uykusu tattuu. Al emi baydın aşıra toyup alganı özünö uyku berbeyt.

¹²Men kün astında kaygıluu nerse bar ekenin kördüm: baylık, saktap jürgön eesine zıyan keltiret.

¹³Al baylık kütülbögön kırsıktardan jok bolot: andan uul töröldü, birok anın kolunda eç nerse jok.

¹⁴Al enesinin kursagınan kanday jılaŋaç çıksa, oşondoy jılaŋaç ketet, öz emgeginen koluna eç nerse kötörüp kete albayt.

¹⁵Bul da kaygıluu nerse: al kanday kelse, oşondoy ketet. Tekke ketken emgeginen al emne payda taptı?

¹⁶Al bolso ömürü ötkönçö karaŋgıda, tutalanıp, kapalanıp, açuulanıp tamak jegen.

¹⁷Men jakşı jana jagımduu nerseni da taptım, bul – adamdın özünün Kuday bergen büt ömüründö kün astında kılgan bardık emgeginen ırakat aluusu, jep-içüüsü, antkeni bul – anın ülüşü.

¹⁸Egerde kaysı bir adamga Kuday baylık jana mal-mülk berse jana aga alardı paydalanuuga biylik berse, öz ülüşün alsa, emgeginin üzürün körsö, anda bul – Kudaydın belegi.

¹⁹Al öz jaşoosunun kıskalıgı jönündö köp oylonboyt, antkeni Kuday anın jürögün kubanıçka tolturgan.