Read NT LS 2005 – Инжил ЛС (2005 Irdın ırı 1 Bible Online

Irdın ırı 1 - NT LS 2005 – Инжил ЛС (2005 bible

Irdın ırı 1

¹«Al meni oozu menen öpsün! Antkeni senin süyüüŋ şaraptan artık.

²Senin jıpar jıttuu maylarıŋ kanday sonun jıttanat, senin atıŋ tögülgön mirraday, oşonduktan seni kızdar süyüşöt».

³«Meni özüŋö tart!» «Biz senin artıŋdan çurkaybız». «Padışa meni özünün içki bölmölörünö kirgizdi». «Biz saga suktanabız, saga kubanabız. Senin şaraptan artık süyüüŋdü maktaybız. Sen süyüügö tatıktuusuŋ!»

⁴«İerusalim kızdarı! Men kara torumun, birok Keydardın çatırınday, Sulaymandın pardasınday suluumun.

⁵Menin kara toruluguma karabagıla, antkeni men küngö küyüp kalgamın. Enemdin uuldarı maga açuulanıp, jüzümzarlardı kaytartıp koyuştu, oşonduktan özümdün jüzümzarımdı kaytargan jokmun.

⁶Aytçı maga, janım süygön jigitim, koyloruŋdu kaysı jerge jayasıŋ? Tüştö kayda es alasıŋ? Koylorun kaytargan joldoştoruŋdun janında jüzün japkan ayal sıyaktuu jürö berembi?»

⁷«Ayaldardın eŋ suluusu, egerde sen munu bilbeseŋ, anda koylordun izi menen bar, ulaktarıŋdı koyçulardın çatırlarının janına kaytar.

⁸Süygön kızım, men seni paraondun arabasına çegilgen baytalga okşoşturam.

⁹Taajı aldındagı jüzüŋ, monçok tagılgan moynuŋ kanday sonun.

¹⁰Biz saga kümüş menen jeektelgen altın taajı jasap berebiz».

¹¹«Padışa dastorkon üstündö oturganda, menin jıpar jıttuu mayımdın jıtı aŋkıp turdu.

¹²Menin süygön jigitim töşümdö jürgön bir tutam mirraday.

¹³Menin süygön jigitim Eyin-Gedi jüzümzarlarındagı kiperdin sabagınday».

¹⁴«Oo, kanday suluusuŋ, süygön kızım, kanday suluusuŋ, senin közüŋ kögüçköndün közündöy».

¹⁵«Oo, kanday suluusuŋ, süygön jigitim, özüŋö tartıp turasıŋ! Töşögübüz kök şiber,

¹⁶üyübüzdün çatırı kedr jıgaçınan, üyübüzdün şıbı kiparis taktayınan».