Read NT LS 2005 – Инжил ЛС (2005 Irdın ırı 4 Bible Online

Irdın ırı 4 - NT LS 2005 – Инжил ЛС (2005 bible

Irdın ırı 4

¹«Oo, kanday suluusuŋ, süygön kızım, kanday suluusuŋ! Tarmal çaçıŋdın astındagı közüŋ kögüçköndün közündöy. Çaçıŋ Gilat toosunan tüşüp kele jatkan eçkilerdey.

²Tişteriŋ suudan çıgıp kele jatkan kırkılgan koylordoy, alardın ar birinin egiz kozuları bar, alardın arasında kısır kalganı jok.

³Erdiŋ kızıl tasmaday, oozuŋ tatınakay, tarmal çaçtarıŋdın astındagı eki betiŋ ekige bölüngön anarday.

⁴Moynuŋ Dööttün kural-jaraktar üçün kurulgan munarasınday, aga baatırlardın miŋdegen kalkandarı ilingen.

⁵Töşüŋ liliya güldörünün arasında ottop jürgön egiz jaş jeyrendey.

⁶Taŋ agarıp, kölökölör kaça baştaganga çeyin, mirra toosuna, fimiam adırına barayın.

⁷Büt turpatıŋ kelişken, süygön kızım, sende eç kanday kemçilik jok!

⁸Koluktum, jür meni menen, Lebanondon keteli! Jür, Lebanondon keteli, Amana toosunan, Senir menen Hermon toosunan, arstandardın üŋkürünön, ilbirsterdin toosunan ketkenge şaşıl!

⁹Sen menin jürögümdü tutkundap aldıŋ, karındaşım, koluktum! Sen menin jürögümdü köz karaşıŋ menen ele, moynuŋdagı şuruŋ menen ele tutkundap aldıŋ.

¹⁰Oo, senin süyüüŋ teŋdeşsiz, karındaşım, koluktum! Senin süyüüŋ şaraptan tattuu, senin aŋkıgan jıtıŋ bardık jıpar jıttuu zattardan jıttuu!

¹¹Oo koluktum, oozuŋdan tartılbagan bal tamat, tiliŋdin astı – bal menen süt. Kiyimiŋdin aŋkıgan jıtı Lebanondun aŋkıgan jıtınday!

¹²Karındaşım, koluktum, kulpulangan baksıŋ, bekitilgen kuduksuŋ, möör basılgan bulaksıŋ.

¹³Senin köçöt oturguzulgan bagıŋ – sonun mömölüü anar bagı,

¹⁴şiŋgil mömölüü kiper badamı, nard, zaaparan, ayir, darçin, ar kıl jıpar jıttuu bak-daraktar, mirra, aloy, ar kanday, eŋ sonun jıpar jıttuu ösümdüktör öskön bak.

¹⁵Sen bak içindegi bulaksıŋ – tirüü suusu bar kuduksuŋ, Lebanon toosunan agıp tüşkön suusuŋ.

¹⁶Oygon, tündük şamalı, kel, tüştük şamalı! Menin bagıma sok, oşondo anın jıpar jıtı aŋkıyt!» «Süygön jigitim özünün bagına kelsin, anın şirin mömölörünön jesin!»