Read NT LS 2005 – Инжил ЛС (2005 Irdın ırı 6 Bible Online

Irdın ırı 6 - NT LS 2005 – Инжил ЛС (2005 bible

Irdın ırı 6

¹«Ayaldın suluusu, süygön jigitiŋ kayda ketti? Senin süygönüŋ kay tarapka bagıt aldı? Biz seni menen koşo izdeyli».

²«Menin süygön jigitim özünün koylorun bak içinde kaytarış üçün, liliya güldörün teriş üçün, özünün bagına, jıpar jıttuu gülzarına ketti.

³Men süygön jigitime taandıkmın, al maga taandık. Al liliya güldörünün arasında koy kaytarıp jüröt».

⁴«Süygön kızım, Tirsa sımal suluusuŋ! İerusalimdey tatınasıŋ, tuu kötörgön koşuunday sürdüüsüŋ!

⁵Menden közüŋdü al, antkeni közdörüŋ meni tolkundantıp jatat!

⁶Çaçıŋ Gilat toosunan tüşüp kele jatkan eçkilerdey. Tişteriŋ suudan çıgıp kele jatkan koylordoy. Alardın ar birinin egiz kozuları bar, alardın arasında kısır kalganı jok.

⁷Tarmal çaçıŋdın astındagı eki betiŋ ekige bölüngön anarday.

⁸Altımış hanışa, seksen küŋ ayal, san jetkis kız bar.

⁹Birok menin kögüçkönüm, taptazam – teŋdeşi jok kız. Al – enesinin jalgız kızı, törögön enesinin eŋ süyüktüü kızı. Kızdar anı körüp maktaştı, hanışalar jana küŋ ayaldar anı daŋktaştı».

¹⁰«Taŋ nurunday jarkıragan, ay sıyaktuu suykaygan, kün sıyaktuu jarık, tuu kötörgön koşuunday sürdüü bul kim?»

¹¹«Men örööndögü bak-daraktardın kögörgönün köröyün dep, jüzüm sabagı büçür aldı beken, anar güldödü beken dep jaŋgak bagına keldim.

¹²Elimdin ataktuu adamdarının arabalarına janım meni kantip alıp barganın bilbeym».