Read NT LS 2005 – Инжил ЛС (2005 Irdın ırı 7 Bible Online

Irdın ırı 7 - NT LS 2005 – Инжил ЛС (2005 bible

Irdın ırı 7

¹«Beri kara, beri kara, Şulamit, beri kara, beri kara, biz seni körölü». «Manayimdin ır-biylerin körgönsüp, Şulamitti körüp emne kılasıŋar?

²Oo ataktuu kız, sandal kiygen buttarıŋ kanday sonun! Butuŋdun suluulugu çeber ustanın kolunan çıkkan jasalgaday!

³Kindigiŋ jıpar jıttuu şarabı tügönbögön tegerek çöyçöktöy. İçiŋ liliya güldörü menen jeektelgen buuday boosunday.

⁴Töşüŋ eki ulaktay, egiz jeyrendey.

⁵Moynuŋ pildin söögünön jasalgan mamıday, közdörüŋ Bat-Rabimdin darbazasının janındagı Keşpon kölündöy, murduŋ Damasktı karagan Lebanon munarasınday.

⁶Başıŋ Karmel toosunday, başıŋdagı çaçıŋ koçkul kızıl jibektey. Tarmal çaçıŋ padışanı özünö tartıp turat.

⁷Özüŋdün süykümdüü kelbetiŋ menen kanday suluusuŋ, kanday jagımduusuŋ, süygön kızım!

⁸Senin bul kelbetiŋ kurma palmasına, töşüŋ jüzüm şiŋgiline okşoş.

⁹“Palmaga çıksam, anın butaktarın karmasam”, – dep oylodum. Töşüŋ men üçün jüzüm şiŋgilindey, tanooloruŋdan çıkkan jıt almanın jıtınday bolsun.

¹⁰Oozuŋ eŋ sonun şaraptay». «Al tüz ele dosumdun oozuna agıp jatat, çaŋkagandardı kandırat.

¹¹Men öz dosuma taandıkmın, anın eŋsegeni menmin.

¹²Kel, süygön jigitim, talaaga çıgalı, ayıl-kıştaktarda tünöylü.

¹³Erteŋ menen jüzümzarlarga baralı, jüzüm sabaktarı ösüp çıktıbı, büçürlörü açıldıbı, anar güldödübü, körölü. Oşol jerde men saga süyüümdü körsötöm.

¹⁴Mandragorlor aŋkıgan jıtın çıgarıştı, eşigibizdin aldında ar kanday sonun mömölör, jaŋısı da, eskisi da bar. Bulardı men sen üçün saktadım, süygön jigitim.