Read NT LS 2005 – Инжил ЛС (2005 Irdın ırı 8 Bible Online

Irdın ırı 8 - NT LS 2005 – Инжил ЛС (2005 bible

Irdın ırı 8

¹Oo, sen menin enemdin emçegin emgen bir tuuganım bolsoŋ kana! Köçödön jolukkanımda, men seni öpkülömökmün, birok meni ayıptaşmak emes.

²Men seni enemdin üyünö jetelep kelmekmin. Sen meni okutmaksıŋ, men bolso saga jıttuu şaraptan jana özümdün anar şiremden içirmekmin.

³Süygön jigitimdin sol kolu başımdın astında bolsun, al emi oŋ kolu meni kuçaktap jatsın».

⁴«İerusalim kızdarı! Özü kaalamayınça, süygön kızımdı oygotpogula, tınçın albagıla!»

⁵«Özünün süygön jigitine jölönüp çöldön çıkkan bul kim?» «Men seni alma baktın tübünön oygottum, oşol jerde seni eneŋ törögön, seni törögön ayal oşol jerde törögön.

⁶Sen meni jürögüŋö möör baskanday basıp al, koluŋa şakektey kılıp salıp al. Antkeni süyüü ölümdöy küçtüü, kızganıç ölgöndör jatkan jayday korkunuçtuu, anın jebesi – ottuu jebe, al – ötö küçtüü jalın.

⁷Süyüünü çoŋ suular da öçürö albayt, darıyalar kaptay albayt. Adam süyüü üçün üyündögü büt baylıgın berse, al jek körünüü menen çetke kagılıp kalmak».

⁸«Bizdin bir karındaşıbız bar, al ali jaş, töşü da çıga elek. Karındaşıbızga juuçu tüşköndö, biz anı emne kılabız?

⁹Egerde al dubal bolso, anda biz anın üstünö kümüştön çatırlardı tikmekpiz. Egerde al eşik bolso, anda biz anı kedr taktayları menen kaptamakpız».

¹⁰«Men dubalmın, töştörüm munaraday, oşonduktan men anın közünö boygo jetken kızdaymın».

¹¹«Sulaymandın Baal-Amon jerinde jüzümzarı bar ele. Al bul jüzümzarın kaytaruuçularga bergen ele, ar bir kaytaruuçu anın jemişi üçün miŋden kümüş jetkirip turuşu kerek bolçu».

¹²«Al emi jüzümzarım menin aldımda. Sulayman, miŋi – saga, al emi eki jüzü – anın jemişin kaytargandarga».

¹³«Baktardın arasında jaşagan kız! Dostor ünüŋdü ugup jatışat, ünüŋdü maga da uguz».

¹⁴«Çurka, süygön jigitim! Balzam toolorundagı jeyrendey je jaş buguday bol!»