Read NT LS 2005 – Инжил ЛС (2005 Işaya 11 Bible Online

Işaya 11 - NT LS 2005 – Инжил ЛС (2005 bible

Işaya 11

¹Jışaydın tamırınan butak çıgat, anın tamırınan jaş butak ösüp çıgat.

²Anın üstünö Teŋirdin Ruhu, daanışmandık jana akılmandık ruhu, keŋeş jana küç ruhu, bilim jana Teŋirden korkuu ruhu tüşöt.

³Al Teŋirden korkuu ruhuna tolot, Özünün közü menen körgönü boyunça sottoboyt, Özünün kulagı menen ukkanı boyunça iş çeçpeyt.

⁴Al alsızdardı adilettik menen sottoyt, jerde azap çekkenderdin işin akıykattık menen çeçet. Al oozunun tayagı menen jerdi kıyratat, oozunun ruhu menen mıyzamsızdı öltüröt.

⁵Çındık Anın içinin kurçoosu bolot, akıykattık Anın belindegi kuru bolot.

⁶Oşondo karışkır kozu menen birge jaşayt, ilbirs ulak menen birge jatat. Muzoo, jaş arstan, ögüz birge boluşat, alardın baarın jaş bala jeteleyt.

⁷Uy urgaaçı ayuu menen birge jayılıp jüröt, alardın baldarı da birge jatışat. Arstan ögüzdöy bolup çöp jeyt.

⁸Emçektegi nariste uuluu jılandın iyninin üstündö oynoyt, emçekten çıkkan bala jılandın iynine kolun salat.

⁹Menin ıyık toomdun büt jerinde jamandık kılışpayt, zıyan keltirişpeyt, antkeni deŋiz suuga tolgonsup, jer Kudaydın bilimine tolot.

¹⁰Oşol künü mınday bolot: elder üçün belgi bolo turgan Jışaydın tamırına butparas elder kayrılışat, anın daŋkı tınçtık bolot.

¹¹Oşol künü mınday bolot: Aşurda, Misirde, Patrosto, Kuşta, Eylamda, Şinarda, Hamatta jana deŋiz araldarında kalgan Öz elinin kaldıgın kayrıp keliş üçün, Teŋir kayradan kolun sunat.

¹²Teŋir al butparas elderge belgi berip, Israyıldın kuulup ketkenderin çogultat, Jüyüttün çaçırap ketkenderin tögöröktün tört burçunan çakırıp alat.

¹³Eprayımdın köz artuusu jogolot, Jüyütkö karşı kastık kılgandar kırılat. Eprayım Jüyütkö köz artpay kalat, Jüyüt da Eprayımga kısım körsötpöy kalat.

¹⁴Alar peliştilikterdin jonuna minip, batışka uçup barışat, çıgıştın büt uuldarın talap-tonoşot. Edom menen Maapka kol salışat, Amondun uuldarı alardın kol astına ötöt.

¹⁵Anan Teŋir Misir deŋizinin buluŋun kurgatat, Özünün kolun sunup, Özünün katuu şamalı menen anı jeti özöngö bölöt, oşondo andan sandalın çeçpey ötö alışat.

¹⁶Oşondo Israyıl eli üçün Misir jerinen çıkkan künü çoŋ jol salınganday, Aşurda kalgan Öz elinin kaldıgı üçün çoŋ jol salınat.