Read NT LS 2005 – Инжил ЛС (2005 Işaya 19 Bible Online

Işaya 19 - NT LS 2005 – Инжил ЛС (2005 bible

Işaya 19

¹Misir jönündö paygambarçılık. Mına, Teŋir jeŋil bulutka oturup alıp, Misirge kele jatat jana Anın jüzünön Misir burkandarı titireyt, Misirdin jürögü tüşöt.

²«Men misirlikterdi özdörünö karşı kuraldandıram. Oşondo bir tuugan bir tuuganga karşı, dos dosko karşı, şaar şaarga karşı, padışa padışaga karşı salgılaşat.

³Oşondo Misirdin ruhu alsırayt, alardın keŋeşin buzam. Oşondo alar burkandarga, sıykırçılarga, ölgöndördü çakırgandarga, tölgöçülörgö kayrılışat.

⁴Misirlikterdi ırayımsız ökümdardın koluna salıp berem, alarga kataal padışa biylik kılat», – deyt Teŋir, Sebayot Teŋir.

⁵Deŋiz suuları sooluyt, darıya kakşıyt.

⁶Özöndör sasıyt, Misirdin kanaldarı kakşıyt, jılgındar menen kamıştar kuurayt.

⁷Darıyanın boyundagı talaalar, darıyanın jeekteri, darıyanı boyloto egilgendin baarı kuurayt, şamal uçurup jok bolot.

⁸Balıkçılar ıylaşat, darıyaga kayırmak salgandardın baarı bozdoşot, suuga tor jaygandardın ındını öçöt.

⁹Zıgır iştetkenderdin, ak kezdeme tokuuçulardın aylası ketet.

¹⁰Tosmolordun negizi talkalanat, tirüü balık karmagan toru bar adamdardın baarının köŋüldörü çögöt.

¹¹Soan başçıları akılınan ajıraştı. Paraondun akılduu keŋeşçileri bergen keŋeş maanisiz keŋeş bolup kaldı. Siler paraongo: «Men akılmandardın uulumun, bayırkı padışalardın uulumun», – dep, kantip aytasıŋar?

¹²Emi alar kana? Kana senin akılmandarıŋ? Alar saga aytışsın, Sebayot Teŋirdin Misir jönündö kanday çeçim çıgarganın bilişsin.

¹³Soan başçıları akıldan adaşıştı, Nop mırzaları aldanıp kalıştı, anın uruu başçıları Misirdi teskeri jolgo salıştı.

¹⁴Teŋir aga mas kıluuçu ruhtu jiberdi. Öz kusundusuna oonagan mastay kılıp, alar Misirdi bardık işinde adaştırıştı.

¹⁵Misirde baş da, kuyruk da, palma butagı da, kamış da eç nerse kıla albayt.

¹⁶Oşol künü misirlikter ayaldarga okşop kalışat, Sebayot Teŋirdin alarga kötörülgön kolunan korkup titireşet.

¹⁷Jüyüt jeri Misirdin üröyün uçurgan jer bolup kalat. Jüyüt jönündö estegen adam Sebayot Teŋirdin Misirge çıgargan ökümünön titireyt.

¹⁸Oşol künü Misir jerindegi beş şaar kanaan tilinde süylöp, Sebayot Teŋir menen ant beret. Alardın biri Kün şaarı dep atalat.

¹⁹Oşol künü Teŋirge arnalgan kurmandık çalınuuçu jay Misirdin ortosunda bolot jana Teŋirge arnalgan estelik anın çek arasında bolot.

²⁰Al Misir jerinde Sebayot Teŋir jönündö eskertken belgi jana kübölöndürüü bolot. Antkeni alar Teŋirge ezüüçülördün ayınan kayrılışat, oşondo Teŋir alarga kutkaruuçu menen araçını jiberip, alardı kutkarıp alat.

²¹Oşondo Misirde Teŋir Özün körsötöt, oşol künü misirlikter Teŋirdi taanışat, kurmandıktardı çalışat, tartuulardı alıp kelişet, Teŋirge ubadalardı berişet, alardı atkarışat.

²²Oşentip, Teŋir Misirdi urat da ayıktırat. Alar Teŋirge kayrılışat, Teŋir alardı ugup, ayıktırat.

²³Oşol künü Misir menen Aşurdun ortosuna çoŋ jol salınat, oşondo aşurluktar Misirge, misirlikter Aşurga kelip turuşat. Misirlikter aşurluktar menen birge Teŋirge kızmat kılışat.

²⁴Oşol künü Israyıl Misir menen Aşurdan kiyin üçünçü bolot, Kudaydın batası jerdin ortosunda bolot.

²⁵Antkeni Sebayot Teŋir al jerge: «Menin elim – misirlikter bataluu, Menin kolumdun işi – aşurluktar bataluu, Menin murasım – Israyıl eli bataluu», – dep bata beret.