Read NT LS 2005 – Инжил ЛС (2005 Işaya 21 Bible Online

Işaya 21 - NT LS 2005 – Инжил ЛС (2005 bible

Işaya 21

¹Deŋiz jeegindegi çöl tuuraluu paygambarçılık. Tüştüktö uçup jürgön boroondoy bolup, al çöldön, korkunuçtuu jerden kele jatat.

²Maga korkunuçtuu körünüş körsötüldü: taloonçu talap jatat, kıyratuuçu kıyratıp jatat. Tur, Eylam! Maday, kurçoogo al! Men bardık muŋ-zardı toktotom!

³Oşonduktan bütkön boyum titirep jatat, men töröp jatkan ayalday tolgoo tartıp jatam, töröp jatkan ayalday kıynalıp jatam. Men emneni ugup jatsam, oşondon tolkundanıp jatam; men emneni körüp jatsam, oşondon korkup jatam.

⁴Jürögüm düküldöp, kaltırap korkup jatam. Men üçün kubanıçtuu bolgon tün korkunuçtuu tüngö aylandı.

⁵Istöl dayardap jatışat, dastorkon jayıp jatışat, içip-jep jatışat. Turgula, törölör, kalkanıŋardı maylagıla!

⁶Antkeni Teŋir maga: «Bar, küzöt koy. Al körgönün aytıp tursun», – dep ayttı.

⁷Oşondo al eki-ekiden bolup kele jatkan atçan, eşekçen, tööçön adamdardı kördü. Al köŋül koyup, büt ditin koyup kulak töşödü.

⁸Anan arstanday bolup mınday dep kıykırdı: «Mırzam, men küzöttö kün boyu turdum, tün boyu öz ordumda turdum.

⁹Mına, adamdar – eki-ekiden atçandar kele jatışat». Andan kiyin al mınday dep kıykırdı: «Kuladı, Babıl kuladı. Anın bardık jasalma kudayları jerde talkalanıp jatat».

¹⁰Oo, menin bastırılgan uulum, menin kırmanımdın uulu! Men Israyıl Kudayı Sebayot Teŋirden emneni uksam, oşonu silerge kabarladım.

¹¹Duma tuuraluu paygambarçılık. Maga Seirden: «Küzötçü! Tündün kançası kaldı? Küzötçü! Taŋ atkanga kança kaldı?» – dep kıykırıp jatışat.

¹²Küzötçü: «Taŋ sürüp kele jatat, birok ali tün. Egerde suragıŋar kelse, suragıla, kayra kelgile», – dep joop berdi.

¹³Arabiya tuuraluu paygambarçılık: «Dıdan kerbenderi, Arabiyanın tokoyuna tünögülö!

¹⁴Teyma jerinde jaşagandar! Suusagandardın aldınan suu kötörüp tosup çıkkıla, kaçkındardı nan menen tosup algıla.

¹⁵Antkeni alar sunulgan kılıçtan, tartılgan jaadan, soguştun kataaldıgınan kaçıp kele jatışat».

¹⁶Antkeni Teŋir maga mınday dep ayttı: «Jaldangan jıl boyunça eseptegende, bir jıldan kiyin Keydardın bütkül atak-daŋkı jok bolot.

¹⁷Oşentip, Keydardın taymanbas uuldarının jaaları da az kalat». Antkeni Israyıl Kudayı, Teŋir, uşintip ayttı.