Read NT LS 2005 – Инжил ЛС (2005 Işaya 22 Bible Online

Işaya 22 - NT LS 2005 – Инжил ЛС (2005 bible

Işaya 22

¹Ayan öröönü tuuraluu paygambarçılık. Saga emne boldu? Emne üçün senin büt eliŋ üydün töbösünö çıgıp aldı?

²Baka-şaka tüşkön, tolkundangan şaar, şaŋduu şaar! Senin ölgön eliŋ kılıçtan ölgön jok, soguştan kırılgan jok.

³Senin jol başçılarıŋdın baarı birge kaçıştı, birok alar jaasız ele kolgo tüşüştü. Kançalık alıs kaçışpasın, senin jookerleriŋdin bardıgı baylanuu.

⁴Oşonduktan men: «Meni jayıma koygula, men katuu ıylaym. Elimdin kızının başına alaamat tüşköndö, meni soorotom dep araket kılbagıla», – dep aytıp jatam.

⁵Antkeni Egederden, Sebayot Teŋirden, Ayan öröönünö alaamat tüşürgön, adam ukugun tebelegen, dürbölöŋ salgan kün keldi. Dubaldardı uratıp, kıykırıp jatışat. Alardın kıykırıgı toogo jetip jatat.

⁶Eylam saadak kötörüp bara jatat. Arabada oturgan adamdar, atçandar kele jatışat, Kir kalkanın koluna aldı.

⁷Mına, senin eŋ sonun örööndörüŋ maydan arabalarına toldu, atçandar darbazanın tuşuna katarga tizilip turuştu.

⁸Alar Jüyüttün jabuusun sıyrıp alıp jatışat. Oşol künü sen kedr jıgaçınan jasalgan üydö saktalıp turgan kuralga köz jiberesiŋ.

⁹Birok siler Dööttün şaarının dubalında teşikter köp ekenin körüp turasıŋar jana tömönkü kölmögö suu toptop jatasıŋar.

¹⁰Siler İerusalimdegi üylördü belgilep jatasıŋar, dubaldardı bekemdeş üçün, üylördü uratıp jatasıŋar.

¹¹Eki dubaldın ortosuna eski kölmönün suuları üçün suu saktagıç kurup jatasıŋar. Birok munu Jasap Jatkandı körböy jatasıŋar, munu ebak ele Çeçip Koygondu karabay jatasıŋar.

¹²Oşonduktan Teŋir, Sebayot Teŋir, uşul künü silerdi ıylaganga, kaygırganga, çaçıŋardı julganga, beliŋerge zumbal baylaganga çakırat.

¹³Birok mına, şattık jana kubanıç! Ögüzdördü da, koylordu da soyup jatışat. Et jep, şarap içip: «Bügün içip-jeyli, antkeni erteŋ ölöbüz!» – dep jatışat.

¹⁴Sebayot Teŋir menin kulagıma munu açtı: «Bul mıyzamsızdıgıŋar siler ölgöngö çeyin keçirilbeyt», – dedi Teŋir, Sebayot Teŋir.

¹⁵Teŋir, Sebayot Teŋir, mınday dedi: «Jönö, padışa sarayının kızmatçısı, saray başçısı Şebnaga barıp, mınday dep ayt:

¹⁶“Bul jerde senin emneŋ bar, bul jerde senin kimiŋ bar? Emne üçün sen özüŋö bul jerge, askanın booruna mürzö oyup jatasıŋ?” Al özünö biyik jerge, askanın booruna mürzö oyup jatat, özünö askaga turak jay oyup jatat».

¹⁷Mına, Teŋir seni alp kişi ırgıtkanday ırgıtıp jiberet, togoloktop, mıkçıp salat.

¹⁸Seni tüyünçökkö tüyüp, keŋ jerge toptoy kılıp ırgıtıp jiberet. Sen oşol jerde ölösüŋ, oşol jerde eŋ sonun maydan arabalarıŋ mırzaŋdın üyü üçün şıldıŋ bolot.

¹⁹«Oşentip, seni turgan jeriŋden türtüp jiberem, seni darajaluu jeriŋden kulatışat.

²⁰Oşol künü Özümdün kulum Hilkiyanın uulu Eliyakimdi çakıram.

²¹Aga senin kiyimderiŋdi kiygizem, belin senin kuruŋ menen kurçaym, senin biyligiŋdi anın koluna ötkörüp berem. Oşondo al İerusalimdin turgundarı üçün da, Jüyüt üçün da ata bolup kalat.

²²Anan Dööttün açkıçın anın iynine salam; Al açat, eç kim jappayt, al bekitet, eç kim açpayt.

²³Anı bekem jerge kagılgan mıktay kılam. Oşondo al atasının üyü üçün atak-daŋktın tagı bolot.

²⁴Aga atasının üyünün, baldarının jana neberelerinin büt daŋkı ilinet, üy buyumunan tartıp akırkı muzıkalık aspaptarına çeyin ilinet.

²⁵Oşol künü, – deyt Sebayot Teŋir, – bekem jerge kagılgan mık boşop, suurulup, jerge tüşöt, aga ilingen jüktün baarı tüşöt». Antkeni Teŋir uşintip aytıp jatat.