Read NT LS 2005 – Инжил ЛС (2005 Işaya 23 Bible Online

Işaya 23 - NT LS 2005 – Инжил ЛС (2005 bible

Işaya 23

¹Tir jönündögü paygambarçılık: «Tarşıştın kemeleri, bozdop ıylagıla, antkeni al kıyradı. Iylör da jok, üylörgö kire turgan adam da jok». Alarga Kitim jerinen uşunday kabar keldi.

²Deŋizde jürüüçü Sidon soodagerlerine tolgon aral turgundarı, unçukpay kalgıla.

³Al jerge zor darıyalar arkıluu Şihordun üröndörü, çoŋ darıyanın tüşümü alıp kelinip turçu, al elderdin sooda kıla turgan jeri bolçu.

⁴Uyal, Sidon, antkeni deŋiz, küçtüü deŋiz, mınday dep aytıp jatat: «Men tolgoo tartıp törögön jokmun, uuldardı çoŋoytkon jokmun, kızdardı östürgön jokmun».

⁵Bul kabar misirlikterge jetkende, alar Tir tuuraluu ukkanda, titireşet.

⁶Tarşışka köçüp ketkile, araldın turgundarı, ıylagıla!

⁷Bayırkı kündördö ele negizdelip, kubanıp kelgen şaarıŋar uşubu? Buttarı anı alıskı ölködö tentip jürüügö alıp bara jatat.

⁸Taajı taratkan, köpöstörü törö bolgon, soodagerleri ölkönün ataktuu kişileri bolgon Tirge munu kim kün murun belgilep koydu?

⁹Ar kanday daŋktın tekeberdigin uyatka kaltırış üçün, jer üstündögü büt ataktuulardı basıntış üçün, munu Sebayot Teŋir kün muruntan belgilep koygon.

¹⁰Tarşış kızı, öz jeriŋdi darıyaday arala! Mından arı toskoolduk jok.

¹¹Teŋir Öz kolun deŋizge sunup, padışaçılıktardı silkildetti. Teŋir Kanaan jönündö, anın sepilderin kıyratuuga buyruk berdi.

¹²Al mınday dedi: «Maskara bolgon kız, Sidondun kızı, sen mından arı kubanbaysıŋ! Tur, Kitimge bar, birok saga al jerde da tınçtık bolboyt».

¹³Mına, Kazdim jeri. Bul el murun jok bolçu. Aşur anı çöldün turgundarınan baştagan. Alar özdörünün munaraların turguzup jatışat, anın sarayların buzup jatışat, anı urandıga aylantıp jatışat.

¹⁴Tarşıştın kemeleri, ıylagıla! Antkeni silerdin tiregiŋer kıyradı.

¹⁵Oşol künü Tir bir padışanın padışaçılık kündöründöy, jetimiş jılga unutulat. Jetimiş jıl ötköndön kiyin, buzulgan ayal jönündö kanday ırdaşsa, Tir jönündö da oşondoy ırdaşat:

¹⁶«Liraŋdı koluŋa al, şaardı aralap çık, unutulgan buzulgan ayal! Çeber oyno, köp ırda, sen jönündö esteşsin».

¹⁷Jetimiş jıl ötköndön kiyin Teŋir Tirdi esteyt. Oşondo al kayradan öz kireşesin taba baştayt, büt jer jüzündögü padışaçılıktardın baarı menen buzukuluk kılat.

¹⁸Birok anın soodası jana kireşesi Teŋirge arnalat, alardı kampalarga jıynaşpayt, saktaşpayt. Anın soodadan tüşkön kireşesi Teŋirdin aldında jaşagandarga ötöt, oşondo alar toё jeşet, jakşı kiyim kiyişet.