Read NT LS 2005 – Инжил ЛС (2005 Işaya 30 Bible Online

Işaya 30 - NT LS 2005 – Инжил ЛС (2005 bible

Işaya 30

¹«Baş iybegen uuldarga kaygı! – deyt Teŋir, – alar Mensiz keŋeş ötkörüşöt, Menin Ruhuma jakpagan kelişimderdi tüzüşöt. Alar künöönün üstünö künöö koşup jatışat.

²Özdörün paraondun küçü menen bekemdeş üçün, Misirdin kölökösünö kalkalanış üçün, Menden surabastan, Misirge bara jatışat.

³Birok siler paraondun küçünö tayangandıgıŋar üçün maskara bolosuŋar, Misirdin kölökösün baş paana kılgandıgıŋar üçün şıldıŋga kalasıŋar.

⁴Antkeni İerusalim törölörü Soanga ketip kalıştı, anın elçileri Haneske çeyin jetişti.

⁵Alardın baarı özdörünö paydası tiybegen elge tayanışkanı üçün uyat boluşat, uyat menen maskaraçılıktan başka al elden jardam da, payda da jok.

⁶Tüştükkö bara jatkan janıbarlarga artılgan jük urgaaçı arstandar, erkek arstandar, uuluu jılandar, uçuuçu jılandar çıkkan ezüüçülör menen kısımga aluuçulardın jerine bara jatat. Alar özdörünö payda keltirbey turgan elge eşekterdin kır arkasına baylık, töölördün örköçünö asıl buyum jüktöp bara jatışat.

⁷Antkeni Misirdin jardamı – paydasız, kuru jardam. Oşonduktan Men alarga: “Alardın küçü tınç oturuuda”, – dep aytkam.

⁸Emi bar, bul sözdü alardın taktayına jazıp koy, bul sözdü kitepke jazıp koy, al söz akırkı küngö çeyin, tübölükkö kalsın».

⁹Antkeni bul el – moyun sunbas el, baldarı – kalpıçı, Teŋirdin mıyzamın ukkusu kelbegen baldar.

¹⁰Alar körögöçtörgö: «Aldın ala körgönüŋördü toktotkula», paygambarlarga: «Bizge çındıktı aytpagıla, bizge jakkandı aytkıla, jagımduu nerselerdi aldın ala aytkıla.

¹¹Jolubuzga turbagıla, joldon çettegile, Israyıldın Iyıgın bizdin közübüzdön jogotkula», – deşet.

¹²Oşonduktan Israyıldın Iyıgı mınday deyt: «Siler bul sözdü çetke kagıp, aldamçılıkka işenip, jalganga tayanganıŋar üçün,

¹³bul mıyzamsızdık siler üçün kuloo korkunuçu aldında turgan biyik dubaldagı aŋırayıp açılıp turgan jarakaday bolot. Al dubaldın kıyraşı kütülbögön jerden, köz irmemde bolot».

¹⁴Çopo idişti bırın-çırının çıgarıp talkalaganday, Teŋir anı aёosuz talkalayt, anın sınıktarınan oçokton çok alganga je kuduktan suu suzup alganga sınık da tabılbay kalat.

¹⁵Antkeni Israyıldın Iyıgı, Kuday-Teŋir, mınday deyt: «Öz orduŋarda kalsaŋar jana tınçsızdanbasaŋar, kutkarılmaksıŋar. Silerdin küçüŋör tınçtıkta jana tayanuuda». Birok siler kaalagan joksuŋar:

¹⁶«Jok, biz atka minip kaçıp ketebiz», – dediŋer, oşon üçün kaçasıŋar. «Biz külük attarga minip çaap ketebiz», – dediŋer, oşon üçün silerdin artıŋardan kuugandar da külük boluşat.

¹⁷Bir adam korkutsa, miŋiŋer kaçasıŋar; beş adam korkutsa, kaçkanıŋardan kalganı biyik toonun başındagı kaskaktay, döbödögü tuuday bolot.

¹⁸Oşon üçün Teŋir silerge ırayım kıluusun sozdukturup jatat, silerge boorukerdik körsötüüsün toktotup jatat, antkeni Teŋir – akıykat Kuday. Anı kütköndördün baarı baktıluu!

¹⁹El Sion toosunda, İerusalimde jaşayt, sen köp ıylabaysıŋ, Al senin ıyıŋdın ünün ugup, saga ırayım kılat, Al saga ünüŋdü ugarı menen joop beret.

²⁰Teŋir silerge kaygırganıŋarda nan, muktaj bolgonuŋarda suu beret. Ustattarıŋar jaşınbay kalat, ustattarıŋdı körüp turasıŋ.

²¹Egerde oŋgo je solgo burulup ketseŋer, kulagıŋ artıŋdan «Jol mına, uşul jol menen jürgülö» degen sözdü ugat.

²²Oşondo kümüş menen kaptalgan jasalma kudaylarıŋdı jana altın menen kaptalgan burkandarıŋdı jiyirkeniçtüü dep esepteysiŋ. Sen alardı taza emes nerse katarı ırgıtasıŋ, alarga: «Jogol bul jerden», – dep aytasıŋ.

²³Oşondo Al senin talaaga sepken ürönüŋö jamgır beret, nanıŋ, jeriŋdin tüşümü mol jana şirelüü bolot. Oşol künü malıŋ kenen jayıttarga jayılat.

²⁴Jer aydagan ögüzdörüŋ da, eşekteriŋ da kürök menen, sapırgıç menen tazalangan tuzduu toyut jeyt.

²⁵Çoŋ kıyroo bolgon künü, munaralar kulaganda, ar bir biyik toodo, ar bir biyik döŋsöödö agın suular, özöndör agat.

²⁶Teŋir Öz elinin jaraatın taŋgan künü, dartın ayıktırgan künü ay jarıgı kün jarıgınday bolot, al emi kün jarıgı jeti ese jarık bolot, jeti kündün jarıgınday bolot.

²⁷Mına, Kudaydın ısımı alıstan kele jatat, Anın kaarı jalındap jatat, anın jalını küçtüü, Anın oozu jaalga tolgon, Anın tili bardıgın jalmap saluuçu ottoy.

²⁸Anın demi taşıgan suuday, al moyunga çeyin kötörülüp, elderdi alsırata sapırgan taşkın suuday. Oşondo elderdin oozdorunda adaşuuga bagıttagan oozduk bolot.

²⁹Al emi siler ıyık mayramdın tünündögüdöy ırdaysıŋar, jürögüŋör Teŋirdin toosuna, Israyıldın askasına çoor menen çıgıp bara jatkan adamdın jürögündöy kubanat.

³⁰Oşondo Teŋir Özünün uluu ünü menen kürküröyt, Özünün jazalooçu bulçuŋunun küçün katuu kaarı, baarın jalmagan ottun jalını, boroon, taşkın, taş möndür arkıluu körsötöt.

³¹Antkeni Teŋirdin ününön tayak menen talkalangan Aşur titireyt.

³²Al üçün belgilengen, Teŋirdin aga karşı jibergen tayagının ar bir kıymılı daptın jana liranın koştoosunda bolot. Al aga karşı bardıgın kıyratuuçu soguş menen barat.

³³Antkeni Topet murun ele kurulgan. Al padışa üçün da tereŋ, kenen dayardalgan. Oçogunda otu da, otunu da mol. Teŋirdin demi anı kükürttün agımınday küygüzüp ketet.