Read NT LS 2005 – Инжил ЛС (2005 Işaya 36 Bible Online

Işaya 36 - NT LS 2005 – Инжил ЛС (2005 bible

Işaya 36

¹Hiskiya padışanın padışaçılıgının on törtünçü jılında Aşur padışası Sanheyrip Jüyüttün çeptüü şaarlarının baarına kol salıp, alardı basıp aldı.

²Aşur padışası İerusalimge, Hiskiya padışaga Lakişten Rapşaktı köp asker menen jönöttü. Al juuguçtun talaasına ketken joldogu jogorku kölmönün suu tütügünün janına kelip toktodu.

³Anı ak saray başçısı Hilkiyanın uulu Eliyakim, katçı Şebna, tarıhçı Asap uulu Jaah tosup çıktı.

⁴Alarga Rapşak mınday dedi: «Hiskiyaga aytkıla: Uluu padışa, Aşur padışası, mınday deyt: Sen degi emnege tayanıp jatasıŋ?

⁵Munun baarı kuru söz dep oyloym, soguş üçün keŋeş jana küç kerek. Sen kimge tayanıp jatasıŋ? Menden emnege bölünüp çıktıŋ?

⁶Sen uşul sıngan tayakka – Misirge tayanam dep oyloysuŋ. Aga kim tayansa, al anın koluna kirip, kolun teşip ketet! Misir padışası paraongo tayangandarga mına uşunday bolot.

⁷Egerde sen maga: “Biz Kuday-Teŋiribizge tayanabız”, – deseŋ, anda Kudayıŋardın biyik jerleri menen kurmandık çalınuuçu jayların Hiskiya alıp taştap, Jüyüt menen İerusalimge: “Mına uşul kurmandık çalınuuçu jaylardın aldında gana tabıngıla”, – debedi bele, oşol Kudayıŋarga tayanıp jatasıŋarbı?

⁸Oşonduktan menin mırzam Aşur padışası menen kelişim tüz. Men saga eki miŋ at berem, alarga mine turgan kişilerdi taba alasıŋbı?

⁹Maydan arabaları menen attarı üçün Misirge tayanıp, sen menin mırzamdın kiçine kuldarının biri bolgon jol başçını artka çeginüügö kantip majbur kılasıŋ?

¹⁰Men bul jerdi kıyratkanı Kudaydın erkisiz keldim bele? Teŋir maga: “Uşul ölkögö bar, anı kıyrat”, – dep aytkan».

¹¹Oşondo Eliyakim, Şebna jana Jaah Rapşakka: «Kuldarıŋa aramey tilinde süylö, antkeni biz tüşünöbüz, dubaldın üstündögü elge uguza biz menen jüyüt tilinde süylöşpö», – deşti.

¹²Rapşak alarga: «Mırzam meni uşul sözdü ayt dep, mırzaŋ ekööŋörgö ele jiberdi bele? Jok, dubaldın üstündö oturgan kişiler siler menen koşo öz zaŋın özdörü jesin, öz zaarasın özdörü içsin dep, meni oşolorgo da jibergen», – dedi.

¹³Anan Rapşak ordunan turup, jüyüt tilinde mınday dep katuu kıykırdı: «Uluu padışa Aşur padışasının sözün ukkula!

¹⁴Padışa mınday deyt: Hiskiya silerdi azgırbay ele koysun, antkeni al silerdi kutkara albayt.

¹⁵“Bizdi Teŋir kutkarat, bul şaar Aşur padışasının koluna salınıp berilbeyt”, – dep, Hiskiya silerdi Teŋir menen ümüttöndürböy ele koysun.

¹⁶Hiskiyanı ukpagıla, antkeni Aşur padışası mınday deyt: “Meni menen eldeşkile, meni tosup çıkkıla. Ar kim öz jüzüm sabagının jemişin, öz anjırın jesin, ar kim öz kudugunan suu içsin.

¹⁷Men kelip, silerdi özüŋördükündöy bolgon, egini, şarabı mol jerge, jemişke, jüzümzarga bay jerge alıp barmayınça, oşentkile”.

¹⁸Oşonduktan Hiskiya silerdi: “Bizdi Teŋir kutkarat”, – dep azgırbasın. Kaysı eldin kudayı öz jerin Aşur padışasının kolunan saktap kaldı ele?

¹⁹Hamat menen Arpattın kudayları kayda? Separbayımdın kudayları kayda? Alar menin kolumdan Samariyanı saktap kalıştı bele?

²⁰Bul jerlerdin kudaylarının kaysınısı öz jerin menin kolumdan saktap kaldı ele? Anan kantip Teŋir İerusalimdi menin kolumdan saktap kalsın?»

²¹Birok alar unçuguşkan jok, aga bir söz menen da joop berişken jok, antkeni padışanın «Aga joop berbegile» degen buyrugu bar ele.

²²Padışa sarayının başçısı Hilkiya uulu Eliyakim, katçı Şebna, tarıhçı Asap uulu Jaah Hiskiyaga ayrılgan kiyimderi menen kelişip, Rapşaktın sözdörün aytıp berişti.