Read NT LS 2005 – Инжил ЛС (2005 Işaya 37 Bible Online

Işaya 37 - NT LS 2005 – Инжил ЛС (2005 bible

Işaya 37

¹Hiskiya padışa munu ukkanda, kiyimin ayrıp, zumbal jamınıp, Teŋir üyünö bardı.

²Al padışa sarayının başçısı Eliyakimdi, katçı Şebnanı jana zumbal jamıngan başkı ıyık kızmat kıluuçulardı Amostun uulu Işaya paygambarga jönöttü.

³Alar aga kelip, mınday dep aytıştı: «Hiskiya mınday deyt: Bul kün – kaygı tarta turgan, jazalana turgan, maskaralana turgan kün, antkeni kursaktagı baldar jatındın oozuna kelip kalıştı, birok enelerdin törögöngö küçü jok.

⁴Tirüü Kudayga akarat keltirip, til tiygiziş üçün, mırzası, Aşur padışası jibergen Rapşaktın sözdörün Kuday-Teŋiriŋ ugup, uşul sözdördü aytkandıgı üçün, anı jazalasa eken. Tirüü kalgan el üçün sıyın».

⁵Hiskiya padışanın kızmatçıları Işayaga kelişti.

⁶Işaya alarga mınday dedi: «Mırzaŋarga mınday dep aytkıla: Teŋir mınday deyt: “Aşur padışasının kızmatçılarının Maga til tiygizip aytkan sözdörünön korkpo.

⁷Men aga bir ruh jiberem, al bir kabar ugup, öz jerine kaytat, oşondo Men anı öz jerinde kılıç menen öltüröm”».

⁸Rapşak Aşur padışasının Lakişten ketkenin ugup, kaytıp kelse, al Libna menen soguşup jatıptır.

⁹Aşur padışasına Etiopiya padışası Tirak jönündö «Al seni menen soguşuuga çıktı» degen kabar aytıştı. Al munu ugarı menen elçilerin Hiskiyaga jönötüp, mınday dep ayttırdı:

¹⁰«Jüyüt padışası Hiskiyaga mınday dep aytkıla: “Sen tayangan Kudayıŋ: "İerusalim Aşur padışasının koluna salınıp berilbeyt", – dep, seni aldabay ele koysun.

¹¹Aşur padışalarının başka jerlerdi emne kılganın, alardı talkalaganın ukkansıŋ da, anan sen aman kalmak beleŋ?

¹²Menin ata-babalarım bülüntkön elderdi kudayları saktap kaldı bele? Gozan, Haran jana Retsep Telasardagı Eden uuldarın saktap kalıştı bele?

¹³Hamat, Arpat, Separbayım, Eyna jana İba şaarlarının padışaları kana?”»

¹⁴Hiskiya elçilerdin kolunan kattı alıp okudu da, Teŋir üyünö barıp, anı Teŋirdin aldına jaydı.

¹⁵Anan Hiskiya Teŋirdin aldında mınday dep sıyındı:

¹⁶«Keruptardın üstündö oturgan Israyıldın Kudayı, Sebayot Teŋir! Jer jüzündögü bardık padışaçılıktardın Kudayı jalgız Sensiŋ, asman menen jerdi Sen jaratkansıŋ.

¹⁷Teŋir, kulak sala kör, Teŋir, közdörüŋdü açıp, nazar sala kör. Kişi jiberip, tirüü Kuday Saga til tiygizgen Sanheyriptin sözdörün uk.

¹⁸Oo Teŋir, Aşur padışalarının büt ölkölördü, alardın jerlerin kıyratışkanı çın.

¹⁹Alardın kudayların otko ırgıtışkan, birok alar kudaylar emes ele, adamdın kolu menen jasalgan buyum, jıgaç, taş bolçu. Oşonduktan alardı jok kılışkan.

²⁰Kuday-Teŋiribiz, emi bizdi anın kolunan saktay kör, oşondo, Teŋir, Senin jalgız Kuday ekeniŋdi bardık padışaçılıktar bilişet».

²¹Amostun uulu Işaya Hiskiyaga mınday dep ayttırıp jiberdi: «Israyıldın Kuday-Teŋiri mınday deyt: “Men senin Aşur padışası Sanheyrip jönündögü sıyınuuŋdu uktum.

²²Teŋirdin al jönündö aytkan sözü mınday: Siondun erkek körö elek kızı seni jek köröt, seni şıldıŋdap külöt, İerusalim kızı artıŋdan başın çaykayt.

²³Sen kimge til tiygizdiŋ, kimdi şıldıŋdadıŋ? Kimge ünüŋdü kötördüŋ, kimge tekeberdenip karadıŋ? Israyıldın Iyıgına.

²⁴Kuldarıŋ arkıluu Teŋirge akarat keltirip: "Men özümdün köp sandagan maydan arabalarım menen toolordun çokusuna, Lebanondun eŋ biyik jerlerine çıktım. Emi anın biyik kedr daraktarın, eŋ sonun kiparisterin kıyam, anın eŋ alıskı jerlerine, eŋ jakşı tokoyuna kelem.

²⁵Kuduk kazıp, suu içtim. Emi Misirdin bardık darıyaların tamanım menen kakşıtam", – dediŋ.

²⁶Munu Men murun ele kılganımdı, bayırkı zamanda ele aldın ala belgilep koygonumdu ukkan jok beleŋ? Sen azır oşonu işke aşırdıŋ, çeptüü şaarlardı kıyratıp, üyülgön urandıga aylanttıŋ.

²⁷Alardın turgundarı kayratın jogotup, titirep, uyatka kalıp jatışat. Alar talaadagı çöptöy, nazik ösümdüktöy, çatırdın üstünö çıkkan çöptöy, baş algıça ele küyüp ketken egindey boluştu.

²⁸Men senin oturganıŋdı da, çıkkanıŋdı da, kirgeniŋdi da – baarın bilem. Maga tekeberdenip til tiygizgeniŋdi da bilem.

²⁹Maga tekeberdenip til tiygizgendigiŋ üçün, menmensingendigiŋ Menin kulagıma jetkendigi üçün, Men senin tanooŋo şakegimdi, oozuŋa oozdugumdu salıp, kelgen joluŋ menen artka ketirem.

³⁰Hiskiya, saga mınday jışaan berem: bul jılı tüşüp kalgan dandan ösüp çıkkanın, kiyinki jılı özü ösüp çıkkanın jegile, al emi üçünçü jılı aştık seep orup algıla, jüzüm oturguzup, mömösün jegile.

³¹Jüyüt tukumunun aman kalgandarı kayradan tamırın tömön jayıp, jogoru jagınan tüşüm beret.

³²Antkeni İerusalimden kaldık çıgat, Sion toosunan kutkarılgandar çıgat”. Munu Sebayot Teŋirdin kızganıçı işke aşırat.

³³Oşonduktan Teŋir Aşur padışası jönündö mınday deyt: “Al bul şaarga kirbeyt, al jakka bir da jebe atpayt, aga kalkan menen da jakın kelbeyt, aga karşı jal üyböyt.

³⁴Kelgen jolu menen artka kaytat, bul şaarga kirbeyt, – deyt Teŋir.

³⁵Men bul şaardı Özüm üçün, Özümdün kulum Dööt üçün kutkaram jana korgoym”».

³⁶Oşondo Teŋirdin periştesi çıgıp, Aşur koşuununan jüz seksen beş miŋ adamdı öltürdü. Erteŋ menen turup, ölüp jatkan adamdardı körüştü.

³⁷Oşondo Aşur padışası Sanheyrip artka çeginip, kelgen jolu menen artka kayttı. Al özü jaşagan Ninebige kaytıp bardı.

³⁸Al özünün kudayı Nisroh üyündö tabınıp jatkanda, anı uuldarı Adramelek menen Saretser kılıç menen öltürüp, Ararat jerine kaçıp ketişti. Anın orduna uulu Eysar-Hadon takka oturdu.