Read NT LS 2005 – Инжил ЛС (2005 Işaya 38 Bible Online

Işaya 38 - NT LS 2005 – Инжил ЛС (2005 bible

Işaya 38

¹Oşol kündörü Hiskiya abdan katuu oorup kaldı. Oşondo aga Amostun uulu Işaya paygambar kelip: «Teŋir mınday deyt: “Öz tukumuŋa muras kagazın kaltır, antkeni sen ölösüŋ, ayıkpaysıŋ”», – dedi.

²Hiskiya jüzün dubalga burup, Teŋirge mınday dep sıyındı:

³«Oo Teŋir! Senin aldıŋda tuura jürgönümdü, Saga çın jürögümdön berilip, Saga jakkan işterdi kılganımdı estey kör». Anan Hiskiya katuu ıyladı.

⁴Oşondo Işayaga Teŋirden mınday söz aytıldı:

⁵«Hiskiyaga barıp, mınday dep ayt: Senin ataŋ Dööttün Kuday-Teŋiri mınday deyt: “Men senin sıyınuuŋdu uktum, köz jaşıŋdı kördüm, Men senin ömürüŋö dagı on beş jıl koşom.

⁶Seni jana bul şaardı Aşur padışasının kolunan saktaym, bul şaardı korgoym”.

⁷Teŋir Özü aytkan sözdü atkararın ırastaş üçün bergen jışaan bul:

⁸Ahazdın tepkiçteri menen ötüp ketken kündün kölökösün Men on tepkiç artka jıldıram». Oşondo kün özü ötüp ketken on tepkiçke artka jıldı.

⁹Jüyüt padışası Hiskiyanın oorup jatkandagı jana oorudan ayıkkandagı sıyınuusu:

¹⁰«”Jarım ömürüm ötköndö ölgöndör jatkan jayga baruum kerek. Men kalgan ömürümdön ajırap kaldım”, – degem.

¹¹Men mınday dep aytkan elem: “Emi men Teŋirdi körböym, Teŋirdi tirüülördün jerinen körböym, mından arı düynö jüzündö jaşagandardı körböym.

¹²Menin turak jayım turgan jerinen çeçilip, koyçunun alaçıgınday bolup uçup ketkeni jatat, tokuuçu jip keskendey, men öz ömürümdü kesüügö tiyişmin. Al meni tamırımdan keset. Sen maga jibere turgan ölümdü kün da, tün da küttüm.

¹³Men taŋ atkanga çeyin küttüm. Al arstanga okşop, menin sööktörümdü talkaladı. Sen maga jibere turgan ölümdü kün da, tün da küttüm.

¹⁴Men karkıra menen çabalekeydey bolup ün çıgarıp jattım, kögüçköndöy kusa bolup jattım. Közdörüm asmandı muŋaya karap jattı: Teŋir! Men kıynalıp turam, kutkar meni!

¹⁵Men emne dep ayta alam? Al maga aytkanın atkardı. Janımdın kıynalganına karabastan, büt ömürümdü tınç ötköröm.

¹⁶Teŋir! Uşintip jaşap jatışat, uşunun bardıgında menin ruhumdun jaşoosu bar. Sen meni ayıktırasıŋ, maga ömür beresiŋ.

¹⁷Katuu kaygı men üçün jakşı boldu. Sen menin janımdı ölüm orunan kutkarıp aldıŋ, menin künöölörümdün bardıgın Özüŋdün artıŋa taştadıŋ.

¹⁸Antkeni Seni ölgöndör jatkan jay daŋktabayt, Seni ölüm maktabayt, Senin çındıgıŋa mürzögö tüşköndör tayanışpayt.

¹⁹Azır men daŋktap jatkanday, Seni tirüü adam, tirüü adam gana daŋktayt. Atası baldarına Senin çındıgıŋdı kabarlayt.

²⁰Meni Teŋir kutkarat. Oşondo biz ömürübüz ötkönçö, küü aspaptardın koştoosunda Teŋirdin üyündö ırdaybız”».

²¹Anan Işaya: «Anjırdın kabıktarın alıp kelip, alardı jaraga jabışsın. Oşondo al ayıgat», – dedi.

²²Hiskiya bolso: «Teŋirdin üyünö bararıma kanday jışaan bolot?» – dedi.