Read NT LS 2005 – Инжил ЛС (2005 Işaya 39 Bible Online

Işaya 39 - NT LS 2005 – Инжил ЛС (2005 bible

Işaya 39

¹Oşol kezde Babıl padışası Baladan uulu Merodah-Baladan Hiskiyaga kat jana belekterdi jiberdi, antkeni Hiskiyanın oorup ayıkkanın ukkan.

²Hiskiya jiberilgen elçilerge kubanıp, alarga özünün kazına üyün: altın-kümüştörün, jıpar jıttuu zattarın, kımbat baaluu, jıpar jıttuu mayların, kural-jarak saktagan üyün, kampaların, alarda emne bolso, oşonun baarın körsöttü. Hiskiya öz üyündögü, öz padışaçılıgındagı bardık nerseni körsöttü, alarga körsötpögön eç nersesi kalgan jok.

³Oşondo Işaya paygambar Hiskiya padışaga kelip: «Bul kişiler emne deşti, alar saga kaydan kelişti?» – dep suradı. Hiskiya aga: «Alar maga alıs jaktan, Babıldan kelişti», – dep joop berdi.

⁴Işaya: «Alar senin üyüŋdön emneni körüştü?» – dep suradı. Hiskiya: «Alar menin üyümdö emne bolso, oşonun baarın körüştü. Menin kazınalarımda alarga körsötpögön eç nerse kalgan jok», – dep joop berdi.

⁵Oşondo Işaya Hiskiyaga mınday dedi: «Sebayot Teŋirdin sözün uk:

⁶“Senin üyüŋdö emne bolso, oşonun baarın, ata-babalarıŋ uşul küngö çeyin emne jıynap kelişse, oşonun baarın Babılga alıp ketçü kündör kelet. Eç nerse kalbayt, – deyt Teŋir.

⁷Senin tukumuŋdan, senin uuldarıŋdan alıp ketişet, alar Babıl padışasının padışa sarayında ebnuh boluşat”».

⁸Oşondo Hiskiya Işayaga: «Sen aytkan Teŋirdin sözü jakşı», – dedi. Al: «Menin ömürüm ötküçö tınçtık jana jırgalçılık bolot», – dep oylogonduktan uşintip ayttı.