Read NT LS 2005 – Инжил ЛС (2005 Işaya 40 Bible Online

Işaya 40 - NT LS 2005 – Инжил ЛС (2005 bible

Işaya 40

¹«Menin elimdi soorotkula, soorotkula, – deyt silerdin Kudayıŋar.

²İerusalimdin jürögünö aytkıla, aga anın küröşüü mezgili ayaktaganın jarıya kılgıla, anın künöösü keçirilgenin kabarlagıla, antkeni al Teŋirdin kolunan özünün künöösü üçün eki ese jaza aldı».

³Een talaada jar salgan adamdın ünü: «Teŋirge jol dayardagıla, talaaga bizdin Kudayga tüz jol jasagıla.

⁴Oyduŋdun baarı tolturulsun, toolor menen döŋdördün baarı tekşilensin, iyri-buyru jerler tüzdölsün, öŋgül-döŋgül joldor tegizdelsin.

⁵Oşondo Teŋirdin daŋkı kelet, ar bir adam Kudaydın kutkaruusun köröt, antkeni munu Teŋir Öz oozu menen ayttı».

⁶In mınday deyt: «Kabarla!» Men: «Emneni kabarlayın?» – dep suradım. Ar bir adam – çöp, anın suluulugu talaa güldörü sıyaktuu.

⁷Çöp kuurayt, gül sooluyt, Teŋirdin demi eldi üylögöndö, al da çöpkö okşop sooluyt.

⁸Çöp kuurayt, gül sooluyt, al emi bizdin Kudayıbızdın sözü tübölük turat.

⁹Jakşı kabar taratuuçu Sion, biyik toogo çık! Jakşı kabar taratuuçu İerusalim, ünüŋdü katuu çıgar! Inüŋdü çıgar, korkpo, Jüyüt şaarlarına: «Silerdin Kuday mına!» – dep ayt.

¹⁰Mına, Kuday-Teŋir küç menen, Anın karuu-bulçuŋu biylik menen kele jatat. Anın belegi Özü menen, Anın jazası da Özünün aldında.

¹¹Al Özünün koylorun koyçu sıyaktuu kaytarat, kozuların koluna alıp, booruna kısıp kötörüp jüröt, saandarın jetelep alat.

¹²Kim suunu koçuştap ölçödü? Kim asmandı kadamdap çenedi? Kim jer topuragın idişke batırdı? Kim toolordu tarazaga tarttı? Kim adırlardı çöyçökkö salıp, tarazaga tarttı?

¹³Kim Teŋirdin ruhun tüşündü? Kim Aga keŋeşçi boldu? Kim Aga akıl üyröttü?

¹⁴Al kim menen keŋeşet? Anı kim akılga salat? Kim Anı çındıktın joluna salıp, Aga akıl-nasaat aytat? Kim Aga bilim beret? Kim Aga akılmandıktın jolun körsötöt?

¹⁵Mına, elder çakadan tamgan tamçıday, tarazadagı çaŋdın bir bürtügündöy bolup eseptelinet. Mına, Al araldardı topuraktın kükümündöy sapırıp jatat.

¹⁶Kurmandık çalınuuçu jaydın otuna Lebanon da azdık kılat, anın janıbarları bütündöy örttölüüçü kurmandıkka azdık kılat.

¹⁷Anın aldında bardık elder eç nerse emes. Alar Al üçün sanda joktuktan da, jok nerseden da tömön bolup eseptelişet.

¹⁸Oşonduktan siler Teŋirdi kimge okşoşturasıŋar? Anı kaysı beynege salıştıra alasıŋar?

¹⁹Burkandı sürötçü kuyat, zerger anı altın menen kaptayt, kümüş çınjırlardı koşo jasayt.

²⁰Al emi mınday tartuu alıp kele albagan adam bekem tura turgan burkandı jasatış üçün, çiribes jıgaçtı tandap alıp, mıktı sürötçünü izdeyt.

²¹Çın ele, siler bilbeysiŋerbi? Çın ele, siler ukkan jok beleŋer? Çın ele, silerge başınan aytılgan jok bele? Çın ele, siler jerdin negizderin tüşüngön jok beleŋer?

²²Al – jer şarının üstündö oturgan Teŋir, al emi jerdin üstündö jaşagandın bardıgı Anın aldında çegirtke sıyaktuu. Al asmandı juka kezdemedey jazdı, anı turak jay üçün çatırday kılıp jaydı.

²³Törölördü jok nersege, başkaruuçulardı sanda joktukka aylandırgan – Al.

²⁴Alar jaŋı ele tigilip, jaŋı ele sebilgende, alardın özögü jerge jaŋı ele tamır jayganda, Teŋir alardı üylöp koyso, alar kurgap kalat, alardı kuyun samanday uçurup ketet.

²⁵«Meni kimge okşoşturup, kimge salıştırıp jatasıŋar?» – deyt Iyık.

²⁶Başıŋardı kötörüp, asmandı karagıla, anı kim jarattı? Kim Anın koşuundarın esebi menen çıgarıp turat? Al alardın bardıgın öz atı menen atayt: Anın kudureti küçtüü bolgonduktan, küç-kubatı zor bolgonduktan, eç nerse jogolup ketpeyt.

²⁷Anan sen kantip: «Menin jolum Teŋirden jaşıruun, Kuday menin işimdi unutup koygon», – dep aytıp jatasıŋ, Jakıp, Israyıl, sen uşunday sözdü kantip aytıp jatasıŋ?

²⁸Çın ele, sen bilbeysiŋbi? Çın ele, sen büt jer jüzün jaratkan tübölüktüü Kuday-Teŋir çarçabas jana alsırabas ekenin ukkan jok beleŋ? Anın akılı izildengis.

²⁹Al çarçaganga küç beret, alsıraganga kubat beret.

³⁰Ulandar da çarçaşat, alsıraşat, jaş adamdar da müdürülüşöt.

³¹Al emi Teŋirden ümüttöngöndör kayradan küçkö toluşat, bürküttöy bolup kanattarın kötörüşöt, çurkaşat, birok çarçaşpayt, jönöşöt, birok alsıraşpayt.