Read NT LS 2005 – Инжил ЛС (2005 Işaya 49 Bible Online

Işaya 49 - NT LS 2005 – Инжил ЛС (2005 bible

Işaya 49

¹Maga kulak salgıla, araldar, Meni ukkula, alıskı elder! Teŋir Meni enemdin kursagında jatkanda ele çakırıp aldı, enemdin kursagında jatkanda, Al Meni atımdan çakırdı.

²Menin oozumdu kurç kılıç kıldı, Meni Öz kolunun kölökösü menen kalkaladı, Meni kurçutulgan jebe kıldı, Meni Özünün saadagında saktap jürdü.

³Maga: «Sen Menin kulumsuŋ, Israyıl, Men sen arkıluu daŋktalam», – dedi.

⁴Men bolso: «Men kurulay emgektendim, küçümdü beker, kurulay ketirdim. Birok menin ukugum Teŋirimde, menin sıylıgım Kudayımda», – dep ayttım.

⁵Jakıptı Özünö buruş üçün, Israyıldı Özünö çogultuş üçün, Meni enemdin kursagında jatkanda ele Özünö kul kılıp jaratkan Teŋir azır mınday deyt: Teŋir Meni daŋktadı, Menin küçüm – Kudayım.

⁶Oşondo Al: «Jakıptın uruuların kalıbına keltiriş üçün, Israyıldın kaldıktarın kayrıp keliş üçün, Senin Maga kul bolgonuŋ azdık kılat. Menin kutkaruum jer kıyırına jetiş üçün, Men Seni elder üçün jarık kılam», – dep ayttı.

⁷Teŋir, Israyıldın Kutkaruuçusu, Iyıgı bardıgı jek körgön, elder akarat aytkan ökümdarlardın kuluna mınday deyt: «Padışalar körüp, orundarınan turuşat, törölör işenimdüü Teŋir üçün, Seni tandap algan Israyıldın Iyıgı üçün tabınışat».

⁸Teŋir mınday deyt: «Jakşı ubakta Men Seni uktum, kutkaruu künü Saga jardam berdim. Jerdi kalıbına keltiriş üçün, kıyragan murastı muraskerlerine kayrıp beriş üçün,

⁹tutkundarga: “Çıkkıla”, – dep, karaŋgıda jatkandarga: “Körüngülö”, – dep aytış üçün, Men Seni saktaym, Men Seni eldin kelişimi kılam. Alar joldordun boyuna mal jayışat, bardık döŋdördö alardın jayıttarı bolot.

¹⁰Alar açka boluşpayt, suusaşpayt, alarga aptap da, kün da zıyan keltirbeyt, antkeni alardı Irayım Kıluuçu alıp jüröt, alardı suu başattarına alıp barat.

¹¹Özümdün bardık toolorumdu jol kılam, Menin joldorumdun baarı kötörülöt.

¹²Biri alıstan, biri tündüktön, deŋiz taraptan kelet, al emi başkaları Sinim jerinen kelişet».

¹³Asman, kuban, jer, şattan, toolor, kubanıçtan kıykırgıla, antkeni Teŋir Öz elin soorottu, Özünün kıynalgandarına ırayım kıldı!

¹⁴Sion bolso: «Teŋir meni taştap koydu, Kudayım meni unuttu!» – dep aytkan ele.

¹⁵«Ayal emçektegi balasın unutmak bele? Özünün kursagınan çıkkan uulun ayabay koymok bele? Egerde al unutsa da, Men seni unutpaym.

¹⁶Antkeni Men seni Özümdün alakandarıma jazıp koydum. Senin dubaldarıŋ dayıma Menin köz aldımda.

¹⁷Uuldarıŋ saga şaşıp kelişet, al emi çapkınçılar menen taloonçular senden ketişet.

¹⁸Başıŋdı kötörüp, tegeregiŋdi kara: bardıgı çogulup, saga kele jatışat. Men tirüümün! – deyt Teŋir. – Sen alardı jasalga katarında kiesiŋ, alar menen koluktuday jasanasıŋ.

¹⁹Antkeni senin urandılarıŋ da, çöldörüŋ da, bülüngön jeriŋ da turgundar üçün ötö tardık kılat, seni jutkandar senden ketişet.

²⁰Murunku jogotkon baldarıŋdan kiyinki baldarıŋ senin kulagıŋa uguza: “Bul jer maga tar bolup jatat, maga jaşaganga jer ber”, – deşet.

²¹Oşondo sen jürögüŋdö: “Bulardı maga kim töröp berdi? Men balasız jana tukumsuz emes belem? Tutkunga tüşüp, alıska ketpedim bele? Bulardı kim çoŋoyttu? Men jalgız kalbadım bele. Oşondo bular kayda ele?” – deysiŋ».

²²Kuday-Teŋir mınday deyt: «Men kolumdu elderge kötöröm, tuumdu uruulardın aldında kötöröm. Senin uuldarıŋdı koldoruna salıp, kızdarıŋdı iyinderine salıp kötörüp kelişet.

²³Padışalar seni bagışat, hanışalar emçek eneleriŋ bolot. Saga jerge jete taazim kılışat, butuŋdagı çaŋdı jalaşat, sen oşondo Menin Teŋir ekenimdi, Menden ümüttöngöndör eç kaçan uyatka kalbasın bilesiŋ».

²⁴Küçtüünün oljosun tartıp aluu mümkünbü, jeŋüüçünün tutkundap algandarın tartıp aluu mümkünbü?

²⁵«Ooba! – deyt Teŋir. – Küçtüülördün tutkundap algandarı tartılıp alınat, ezüüçünün oljosu kutkarılat, antkeni senin duşmandarıŋ menen Men karmaşam, senin uuldarıŋdı Men kutkaram.

²⁶Seni kısımga algandardın öz etin özünö jedirem, alar öz kanın içip, jaŋı şarap içkendey mas boluşat. Oşondo ar bir adam Men senin Teŋiriŋ ekenimdi, senin Kutkaruuçuŋ jana Saktap Kaluuçuŋ ekenimdi, Jakıptın Küçtüüsü ekenimdi bilet».