Read NT LS 2005 – Инжил ЛС (2005 Işaya 50 Bible Online

Işaya 50 - NT LS 2005 – Инжил ЛС (2005 bible

Işaya 50

¹Teŋir mınday deyt: «Silerdin eneŋerdi ketirgende, anın koluna bergen talak kat kayda? Je silerdi Men Özümdün karız berüüçülörümdün kimisine satıp jiberdim? Siler özüŋördün künööŋör üçün satılgansıŋar, silerdin kılmışıŋar üçün eneŋer koё berilgen.

²Men kelgende, emne üçün eç kim jok ele? Men çakırganda, emne üçün eç kim joop bergen jok? Çın ele, kutkarıp kaluu üçün Menin kolum kıskarıp kaldıbı? Je saktap kaluu üçün Menin küçüm jokpu? Men Özümdün kaarım menen deŋizdi kakşıtıp jatam, darıyalardı çölgö aylandırıp jatam. Alardın içindegi balıktar suu jetpegendikten çirişet, suusap ölüşöt.

³Men asmanga karaŋgılık kiygizip jatam, aga zumbaldı jabuu kılıp jatam».

⁴«Çarçaganga söz menen kubat berip turuşum üçün, Kuday-Teŋir maga akılmandardın tilin berdi. Al ar künü erteŋ menen oygotot, Men şakirtke okşop uguşum üçün, kulagımdı oygotot.

⁵Kuday-Teŋir Menin kulagımdı açtı, Men karşılık kılgan jokmun, artka ketençiktegen jokmun.

⁶Meni urup jatkandarga Men kır arkamdı tosup berdim, urup jatkandarga betimdi tosup berdim. Maskaralap, jaba tükürüşköndö, jüzümdü japkan jokmun.

⁷Kuday-Teŋir Maga jardam berip jatat, oşonduktan Men uyalbaym, oşonduktan Men jüzümdü ottuk taştay karmap turam, uyatka kalbasımdı da bilem.

⁸Meni aktooçu jakın: Meni menen kim tartışkısı kelet? Birge turalı. Meni menen kim sottoşkusu kelet? Al maga kelsin.

⁹Kuday-Teŋir Maga jardam berip jatat: Meni kim ayıptayt? Alardın bardıgı kiyimdey eskiret, alardı kübö jeyt.

¹⁰Silerdin araŋardan kim Kudaydan korkot? Kim Anın Kulunun ünün ugat? Jarık emes, karaŋgıda jürgön adam Teŋirinin ısımınan ümüt kılsın, Kudayına işensin.

¹¹«Mına, siler, baarıŋar, ot küygüzüp jatkandar, ottuu jebeler menen kuraldangandar, özüŋördün otuŋardın jalınına bargıla, özüŋör abdan ısıtkan jebelerge bargıla! Munu silerge Menin kolum kılat: siler kıynalıp ölösüŋör.