Read NT LS 2005 – Инжил ЛС (2005 Işaya 51 Bible Online

Işaya 51 - NT LS 2005 – Инжил ЛС (2005 bible

Işaya 51

¹Çındıkka umtulgandar, Teŋirdi izdegender, Maga kulak salgıla! Özüŋör çabılıp alıngan askanı, özüŋör suurulup alıngan çuŋkurdun tereŋin karagıla.

²Ataŋar Ibrayımdı jana silerdi törögön Saaranı karagıla, antkeni Men jalgız anı çakırdım, aga batamdı berip, anı köböyttüm».

³Teŋir Siondu uşintip soorotot, anın büt urandıların soorotot, anın çöldörün beyiştey kılat, een talaaların Teŋirdin bagınday kılat. Al jerde kubanıç jana şattık bolot, daŋktoo sözdör jana ırlar bolot.

⁴«Elim, Meni uk! Uruum, Maga kulak sal! Antkeni mıyzam Menden çıgat, Özümdün akıykattıgımdı elder üçün jarık kılıp koёm.

⁵Menin çındıgım jakın. Menin kutkaruum çıgıp kele jatat. Menin karuu-bulçuŋum elderdi sottoyt. Araldar Menden ümüttönüşöt, Menin karuu-bulçuŋuma tayanışat.

⁶Başıŋardı kötörüp, asmandı karagıla, tömön jaktagı jerdi karagıla, antkeni asman tütündöy bolup jok bolup ketet, jer kiyimdey eskiret, anın turgundarı da ölüp jok boluşat. Al emi Menin kutkaruum tübölük turat, Menin çındıgım jok bolboyt.

⁷Çındıktı bilgender, jürögündö Menin mıyzamımdı saktagan el, Maga kulak salgıla! Adamdardın akarat aytkanınan korkpogula, alardın jaman sözdörünön üröyüŋör uçpasın.

⁸Antkeni kübö alardı kiyim jegendey jeyt, kurt alardı jün jegendey jeyt. Al emi Menin çındıgım tübölük turat, Menin kutkaruum kılımdan kılımga turat».

⁹Tur, tur, Teŋirdin karuu-bulçuŋu, küç menen kurçan! Bayırkı kündördögüdöy, bayırkı tukumdardın ubagındagıday tur! Raaptı jara çapkan sen emes beleŋ? Ajıdaardı öltürgön sen emes beleŋ?

¹⁰Deŋizdi, zor tuŋguyuktun suuların kurgatkan, kutkarılgandar ötsün dep, deŋiz tereŋdikterin jolgo aylantkan sen emes beleŋ?

¹¹Teŋir kutkargan adamdar kayrılıp kelişet, Siongo ır menen kelişet, alardın başında tübölük kubanıç bolot, alar kubanışat jana şattanışat, kaygı menen üşkürük jogolot.

¹²«Men, Men Özüm silerdin Soorotuuçuŋar bolom. Ölö turgan adamdan, çöptön ayırması jok adam balasınan korkkon sen kimsiŋ?

¹³Asmandı jaygan, jerdi negizdegen özüŋdün Teŋiriŋdi, Jaratkanıŋdı, sen esiŋden çıgarıp jatasıŋ. Ezüüçü jok kılganga dayar turgansıp, dayıma, kün sayın anın kaarınan korkosuŋ. Birok ezüüçünün kaarı kana?

¹⁴Jakında tutkun erkindikke çıgarılat, çuŋkurda ölböyt, nanga muktaj bolboyt.

¹⁵Men senin deŋizdi tolkutkan Kuday-Teŋiriŋmin, oşonduktan anın tolkundarı şarpıldap jatat. Anın ısımı – Sebayot Teŋir.

¹⁶Asmandı jaygaştırış üçün, jerdi negizdeş üçün, Siongo: “Sen Menin elimsiŋ!” – deş üçün, Men Özümdün sözdörümdü senin oozuŋa salam, Özümdün kolumdun kölökösü menen seni jabam».

¹⁷Oygon, oygon, İerusalim, tur, sen Teŋirdin kolunan Anın kaarına tolgon çöyçöktü içtiŋ, mas kıluuçu çöyçöktü tübünö çeyin kaltırbay içtiŋ!

¹⁸Andan törölgön uuldardın içinen anı alıp jürüügö eç kim çıkkan jok, al östürgön uuldardın içinen anı kolunan karmap jürüügö eç kim bolgon jok.

¹⁹Seni eki kırsık bastı, seni kim ayayt? Talkalanuu, kırgın, açarçılık jana kılıç: seni kim soorotot?

²⁰Senin uuldarıŋ alsırap kalıştı, bardık köçölördün buluŋ-burçunda Teŋirdin kaarına, Kudayıŋdın açuusuna tolgon torgo tüşkön jeyrenderdey bolup jatışat.

²¹Oşonduktan, azap çegüüçü jana şarap içpey mas bolgon adam, munu uk.

²²Senin Teŋiriŋ, Öz eli üçün öç aluuçu Kudayıŋ jana Teŋiriŋ mınday deyt: «Men senin koluŋdan mas kıluuçu çöyçöktü, Menin kaarıma tolgon çöyçöktögü açıtkını alıp jatam: sen emi alardı içpeysiŋ.

²³Men al çöyçöktü seni kıynooçulardın koluna berem. Alar saga: “Tömön jıgıl, biz senin üstüŋön ötölü”, – deşken. Sen özüŋdün kır arkaŋdı narı-beri ötköndör üçün jerdey jana köçödöy kılgansıŋ».