Read NT LS 2005 – Инжил ЛС (2005 Işaya 52 Bible Online

Işaya 52 - NT LS 2005 – Инжил ЛС (2005 bible

Işaya 52

¹Tur, tur, küçtön, Sion! Iyık şaar İerusalim, özüŋdün uluuluguŋdun kiyimin kiy! Antkeni mından arı saga sünnötkö oturguzulbagandar, taza emester kirbeyt.

²Özüŋdön çaŋdı kübüp sal, tur, tutkun İerusalim! Siondun tutkun kızı, moynuŋdagı çınjırdı çeç!

³Antkeni Kuday-Teŋir mınday deyt: «Siler beker satıldıŋar, kayra kümüşsüz satılıp alınasıŋar».

⁴Antkeni Teŋir mınday deyt: «Murun Menin elim Misirge jaşap turuş üçün bargan, Aşur anı eç sebepsiz ezgen.

⁵Emi Menin bul jerde emnem bar? – deyt Teŋir. Menin elim beker alındı, anın başçıları kaardanıp jatışat, – deyt Teŋir. Menin ısımıma dayıma, kün sayın til tiygizip jatışat.

⁶Oşonduktan Menin elim Menin ısımımdı bilişet. Oşonduktan oşol künü “Men mına!” dep aytkan Men oşol ele Teŋir ekenimdi bilişet».

⁷Siongo: «Senin Kudayıŋ padışaçılık kılıp jatat!» – dep aytkan, kutkaruunu jar salgan, kubanıçtı süyünçülögön, tınçtıktı kabarlagan toodogu jakşı kabarçının buttarı kanday sonun!

⁸Senin küzötçülörüŋdün ünü çıgıp jatat, alar ünün katuu çıgarıştı, baarı birge kubanıp jatışat, antkeni alar Teŋirdin Siongo kaytıp kele jatkanın öz közdörü menen körüp jatışat.

⁹Şattangıla, İerusalimdin urandıları, çoguu ırdagıla, antkeni Teŋir Öz elin soorottu, İerusalimdi kun tölöp kutkardı!

¹⁰Teŋir Özünün ıyık karuu-bulçuŋun büt elderdin köz aldında körsöttü. Oşondo büt düynö jüzü Teŋiribizdin kutkaruusun köröt.

¹¹Ketkile, ketkile, al jerden çıkkıla, taza emes nerselerge tiybegile! Teŋirdin idişterin kötörüp jürgöndör, alardın çöyrösünön çıkkıla, özüŋördü tazalagıla.

¹²Antkeni siler şaşpay çıgasıŋar, çurkap ketpeysiŋer. Antkeni silerdin aldıŋarda Teŋir barat, artıŋarda Israyıldın Kudayı saktooçu bolot.

¹³«Menin kulum iygilikke jetişet, kötörülöt, kökölöyt, daŋazalanat!

¹⁴Seni körüp, köp adamdar uşunçalık taŋ kalıştı, antkeni eç bir adamdın jüzü Anın jüzündöy buzulgan emes, adam balasının öŋü Anın öŋündöy buzulgan emes.

¹⁵Al köp elderdi uşintip taŋ kaltırat. Padışalar Anın aldında oozdorun jabışat, antkeni alar özdörünö aytılbagan nerselerdi körüşöt, ukpagan nerselerin bilişet».