Read NT LS 2005 – Инжил ЛС (2005 Işaya 53 Bible Online

Işaya 53 - NT LS 2005 – Инжил ЛС (2005 bible

Işaya 53

¹Bizden ukkan kabarga kim işendi? Teŋirdin küçü kimge körsötüldü?

²Antkeni Al Anın aldında kurgak jerden ösüp çıkkan jaş butakka jana tamırga okşop çıktı. Anda kelişimdüü kelbet da, uluuluk da jok ele. Biz Anı kördük, birok Anın sırtkı körünüşündö bizdi Özünö tarta turgan eç nerse jok ele.

³Al jek köründü boldu, adamdardın aldında kemsintildi. Al – kaygı tartkan, oorunun emne ekenin bilgen adam, biz Andan jüzübüzdü ala kaçtık. Al jek köründü boldu, biz Anı urmattagan jokpuz.

⁴Birok Al bizdin keselderibizdi Özünö aldı, oorularıbızdı alıp ketti, biz bolso Anı Kuday urdu, jazaladı jana kemsintti dep oyloduk.

⁵Birok Al bizdin künöölörübüz üçün jaradar boldu, bizdin mıyzamsızdıktarıbız üçün kıynaldı. Bizge tınçtık boluş üçün, Al jazaga tartıldı, biz Anın jaraatı menen ayıktık.

⁶Biz baarıbız koylordoy bolup adaşıp jürdük, ar kimibiz öz jolubuzga burulup kettik, oşondo Teŋir baarıbızdın künöölörübüzdü Anın moynuna jüktödü.

⁷Anı katuu kıynaştı, birok Al kıynalganda, ün çıgargan jok. Al soyuluş üçün jetelenip kelgen kozu sıyaktuu, kırkmaçının aldında ünsüz jatkan koy sıyaktuu ün çıgargan jok.

⁸Al kamaktan jana sotton alındı, birok Anın sanjırasın kim aytıp bere alat? Antkeni Al tirüülördün jerinen bölünüp alındı, Menin elimdin kılmıştarı üçün ölüm jazasına tartıldı.

⁹Aga kılmışkerler menen birge mürzö dayardaştı, birok Al baydın mürzösünö koyuldu, antkeni Al künöö kılgan emes, Anın oozunan jalgan söz çıkkan emes.

¹⁰Birok Teŋir Anın kıynaluusun tuura kördü, oşonduktan Al Anı azapka saldı. Öz janın ayıp üçün çalınuuçu kurmandıkka çalgandan kiyin, Al uzak jaşagan ukum-tukumun köröt, oşondo Teŋirdin erki Özünün kolu menen iygiliktüü işke aşat.

¹¹«Al Öz janının erdigine ıraazı boluu menen karayt. Özünün taanıp bilüüsü arkıluu Menin adilet Kulum köp adamdardı aktayt, alardın künöölörün Öz moynuna kötöröt.

¹²Oşonduktan Men Aga uluulardın arasınan ülüş berem, Al küçtüülör menen oljo bölüşöt. Antkeni Al Öz janın ölümgö kıydı, kılmışker katarı esepteldi, köptördün künöösün Öz moynuna aldı, kılmışkerler üçün araçı boldu».