Read NT LS 2005 – Инжил ЛС (2005 Işaya 54 Bible Online

Işaya 54 - NT LS 2005 – Инжил ЛС (2005 bible

Işaya 54

¹«Kuban, balası jok, töröbös ayal! Kubanıp kıykır, katuu ün sal, tolgoo tartıp kıynalbagan ayal! Antkeni küyöösü bar ayalga karaganda küyöösü taştap ketken ayaldın baldarı köp», – deyt Teŋir.

²Çatırıŋdın turgan ordun çoŋoyt, turak jayıŋdın jabuuların keŋeyt. Uyalba, arkandarıŋdı uzun taşta, kazıktarıŋdı ornot.

³Antkeni sen oŋgo da, solgo da jayılasıŋ, senin tukumuŋ elderdi karatıp alıp, boş kalgan şaarlarga oturuktaşat.

⁴Korkpo, antkeni uyatka kalbaysıŋ. Uyalba, antkeni maskara bolboysuŋ, jaş çagıŋda maskara bolgonuŋdu unutasıŋ, mından arı jesirligiŋdin ayınan jamanattı bolgonuŋdu estebeysiŋ.

⁵Antkeni senin Jaratkanıŋ – senin küyööŋ. Anın ısımı – Sebayot Teŋir, senin Kutkaruuçuŋ – Israyıldın Iyıgı. Al büt jer jüzünün Kudayı dep atalat.

⁶Antkeni Teŋir seni küyöösü taştap ketken, kaygıga batkan ayaldı çakırganday, jaş kezinde ayaldıkka alınıp, kiyin çetke kagılgan ayaldı çakırganday çakırıp jatat, – deyt senin Kudayıŋ.

⁷Men seni az ubakıtka taştagam, birok uluu ırayım menen kabıl alam.

⁸Kaarım kaynap turganda, Men senden Öz jüzümdü ubaktıluu jaşırdım, birok saga tübölüktüü ırayım menen ırayım kılam, – deyt senin Kutkaruuçuŋ, Teŋir.

⁹Antkeni bul Men üçün Nuhtun uçurundagı suularday: Men mından arı Nuhtun uçurundagıday suular jerdi kaptabayt dep ant bergendey, saga kaardanbaym, seni jemelebeym dep ant berdim.

¹⁰Toolor jılat, döŋsöölör solkuldayt, birok Menin ırayımım senden çettebeyt, Menin tınçtık kelişimim buzulbayt», – deyt saga ırayım kıluuçu Teŋir.

¹¹«Boroon uçurgan, soorotulbagan baykuş! Men senin taştarıŋdı kızıl laaldın üstünö koёm, paydubalıŋdı kök jakuttan turguzam.

¹²Terezeleriŋdi kızıl laaldan, darbazaŋdı bermetten, dubal-korgondoruŋdun baarın asıl taştardan jasaym.

¹³Senin uuldarıŋdın baarın Teŋir üyrötöt, uuldarıŋda uluu tınçtık bolot.

¹⁴Sen akıykattık menen bekemdelesiŋ, ezüüdön alıs bolosuŋ, antkeni sen korko turgan eç nerse jok, korkunuçtan da korkpoysuŋ, antkeni al saga jakın joloboyt.

¹⁵Saga karşı kuraldanıp çıgışat, birok Menden emes. Saga karşı kim kuraldanıp çıkpasın, al ölöt.

¹⁶Men temir ustanı jarattım, al ottogu çoktu üylöp, özünün işi üçün kural jasayt, kırış üçün Men kıruuçunu jarattım.

¹⁷Saga karşı jasalgan bir da kural seni jeŋe albayt, seni menen sotto talaşıp-tartışkan ar bir tildi sen ayıptaysıŋ. Bul – Teŋirdin kuldarına Men bergen muras jana adildik», – deyt Teŋir.