Read NT LS 2005 – Инжил ЛС (2005 Işaya 55 Bible Online

Işaya 55 - NT LS 2005 – Инжил ЛС (2005 bible

Işaya 55

¹«Suusagandar, baarıŋar suuga kelgile! Atügül, kümüşü joktor, siler da kelgile, satıp alıp jegile. Kelgile, kümüşsüz satıp algıla, şarap menen süttü beker algıla!

²Siler emnege nan emes nersege kümüş tartıp berip jatasıŋar, emnege toyguzbagan nersege emgek akıŋardı berip jatasıŋar? Meni kunt koyup ukkula, jakşı nerseni jegile, silerdin janıŋar maydan ırakat alsın.

³Kulak töşöp, Maga kelgile. Meni ukkula, oşondo janıŋar tirüü bolot. Men silerge Döötkö ubada kılgan tübölük kelişimimdi, özgörülbös ırayımdarımdı berem.

⁴Mına, Men Anı elder üçün kübö kılıp berdim, elderge jol başçı jana nasaatçı kılıp berdim.

⁵Mına, sen özüŋ bilbegen eldi çakırıp alasıŋ, seni bilbegen elder da senin Kuday-Teŋiriŋ üçün, Israyıldın Iyıgı üçün, saga kelgenge şaşılışat. Antkeni Al seni daŋktadı».

⁶Teŋirdi tapkanga mümkün bolup turganda, Anı izdegile. Al jakın turganda, Anı çakırgıla.

⁷Künöökör öz jolun, mıyzamsız jaman oylorun taştap, Teŋirge kayrılsın. Oşondo Al aga ırayım kılat, bizdin Kudayga kayrılsın, antkeni Al ötö ırayımduu.

⁸«Menin oylorum silerdin oyloruŋar emes, Menin joldorum silerdin joldoruŋar emes, – deyt Teŋir.

⁹Asman jerden kançalık biyik bolso, Menin joldorum silerdin joldoruŋardan oşonçoluk biyik, Menin oylorum silerdin oyloruŋardan biyik.

¹⁰Antkeni jamgır menen kar asmandan tüşöt, asmanga kaytpayt, jerdi sugarat, anı öndürgöngö jana östürgöngö jöndömdüü kılat, oşondo al ürön sepken adamga ürön, jey turgan adamga nan beret.

¹¹Oşol sımal Menin oozumdan çıkkan söz da kayra Özümö beker kayrılıp kelbeyt. Men emneni kaalasam, oşonu atkarat, Men anı emnege jibersem, oşonu jüzögö aşırat».

¹²Oşentip, siler kubanıç menen çıgasıŋar, silerdi tınçtık menen uzatışat. Silerdin aldıŋarda toolor jana adırlar ırdayt, talaadagı bardık bak-daraktar silerge kol çabat.

¹³Tikenektin orduna kiparis ösöt, çalkandın orduna mirt ösöt. Bul Teŋirdin daŋkı üçün, tübölüktüü, kıyragıs jışaan üçün bolot.