Read NT LS 2005 – Инжил ЛС (2005 Işaya 58 Bible Online

Işaya 58 - NT LS 2005 – Инжил ЛС (2005 bible

Işaya 58

¹«Katuu kıykır, toktobo, ünüŋdü surnayday biyik çıgar, Menin elime öz mıyzamsızdıgın körsöt, Jakıpka öz künöölörün körsöt.

²Alar adilettüü iş kılgan, öz Kudayının mıyzamdarın taştabagan el sıyaktanıp, kün sayın Meni izdeşet, Menin joldorumdu bilgileri kelet. Alar Menden adilettüü sot tuuraluu suraşat, Kudayga jakındagıları kelet:

³“Emne üçün biz orozo tuttuk? Sen bolso körböysüŋ. Emne üçün biz janıbızdı kıynadık? Sen bolso bilbeysiŋ”. Siler orozo karmagan künü öz erkiŋerdi atkarasıŋar, başkalardan oor jumuştardı talap kılasıŋar.

⁴Siler talaş-tartış, uruş-çatak üçün, başkalardı kılmıştuu koluŋar menen uruş üçün orozo karmap jatasıŋar. Uşul uçurda siler ünüŋör asmanga uguluş üçün orozo karmap jatkan joksuŋar.

⁵Men tandap algan orozo uşunday bele? Men tandap algan kün uşunday bele? Al künü adam öz janın kıynayt, başın kamıştay şılkıytat, özünün aldına zumbal jana kül töşöyt. Uşunu Kudayga jakkan orozo dep, Kudayga jakkan kün dep ayta alasıŋbı?

⁶Men tandap algan orozo mınday: kalptın kişenderin boşot, ezüünün kişenderin çeç, ezilgenderdi erkindikke çıgar, ar kanday moyunturuktu alıp sal.

⁷Açka kişi menen nanıŋdı bölüş, tentip jürgön jakırlardı üyüŋö kirgiz, jılaŋaçtı körsöŋ, aga kiyim kiygiz, kanı bir jakınıŋdan jaşınba».

⁸Oşondo senin jarıgıŋ taŋ şoolasınday tögülöt, ayıguuŋ tez arada kelet, çındıgıŋ aldıŋda jüröt, Teŋirdin daŋkı seni koştop jüröt.

⁹Oşondo sen çakırasıŋ, Teŋir ugat. Iylaysıŋ, Al: «Men mına!» – deyt. Sen öz çöyröŋdön ezüünü jogotkonuŋda, söömöyüŋdü kötörgönüŋdü, jaman süylögöndü koygonuŋda,

¹⁰açkaga nanıŋdı bergeniŋde, kıynalgandardın janın toyguzganıŋda, senin jarıgıŋ karaŋgıda jarkırayt, karaŋgılıgıŋ çak tüştöy bolot.

¹¹Oşondo Teŋir ar dayım senin jol başçıŋ bolot, kurgakçılıkta janıŋdı toyguzat, sööktörüŋdü çıŋdayt. Oşondo sen sugarılgan baktay, suusu eç kaçan soolubagan bulaktay bolosuŋ.

¹²Kılımdar boyu een jatkan çöldörgö senin tukumdarıŋ oturuktaşat, sen köp muundardın negizin kalıbına keltiresiŋ. Seni urandılardı kalıbına keltirüüçü, jaşoo üçün joldordu jaŋırtuuçu dep ataşat.

¹³«Egerde sen işembide, Menin ıyık künümdö, özüŋdün işteriŋdi atkaruudan butuŋdu toktoto turgan bolsoŋ, işembini kubanıçtuu kün dep, Teŋirdin ıyık künü dep atay turgan bolsoŋ, ıyık tuta turgan bolsoŋ, kündölük işteriŋdi kılbay, al kündü urmattay turgan bolsoŋ, öz kaalooloruŋdu atkarbay turgan bolsoŋ, kurulay sözdördü süylöböy turgan bolsoŋ,

¹⁴anda sen Teŋirden kubanıç alasıŋ. Men seni jerdin biyik jerine çıgaram. Saga ataŋ Jakıptın murasınan jedirem. Bul sözdü Teŋirdin Öz oozu aytıp jatat.