Read NT LS 2005 – Инжил ЛС (2005 Işaya 6 Bible Online

Işaya 6 - NT LS 2005 – Инжил ЛС (2005 bible

Işaya 6

¹Uziya padışa ölgön jılı men biyik jana uluu taktıda oturgan Teŋirdi kördüm, Anın çapanının etegi iybadatkananı tolturup turdu.

²Anın tegereginde seraptar turgan, ar birinin altıdan kanatı bar, ar biri eki kanatı menen betin jaap, eki kanatı menen butun jaap, eki kanatı menen uçat.

³Alar birinin artınan biri: «Sebayot Teŋir ıyık, ıyık, ıyık! Büt jer jüzü Anın daŋkına bölönüp turat!» – dep jatıştı.

⁴Alardın katuu ününön darbazalardın kaşekteri titirep, üy jıpar jıttuu zattın tütününö tolup ketti.

⁵Oşondo men: «Kaygı maga! Öldüm! Antkeni men oozu taza emes adammın, oşondoy ele oozu taza emes eldin arasında jaşap jatam. Közdörüm bolso Padışa Sebayot Teŋirdi kördü», – dedim.

⁶Oşondo maga seraptardın biri uçup keldi, anın kolunda kurmandık çalınuuçu jaydan kıçkaç menen algan küyüp turgan çok bar ele.

⁷Al çoktu oozuma tiygizip: «Bul çok oozuŋa tiydi, senden mıyzamsızdık alındı, künöölörüŋ tazalandı», – dedi.

⁸Anan men Teŋirdin mınday dep aytkan ünün uktum: «Kimdi jibereyin? Biz üçün kim barat?» Oşondo men: «Mına men, meni jiber», – dedim.

⁹Al mınday dedi: «Bar, bul elge mınday dep ayt: Kulagıŋar menen ugup turasıŋar, birok tüşünböysüŋör, közüŋör menen karap turasıŋar, birok körböysüŋör.

¹⁰Antkeni bul eldin jürögün may basıp kalgan, kulagın jaap, közün jumup algan, oşonduktan alardın közdörü körböyt, kulaktarı ukpayt, jüröktörü menen tüşünüşpöyt jana ayıgış üçün Maga kayrılışpayt».

¹¹Oşondo men: «Köpkö çeyin uşunday bolobu, Teŋir?» – dep suradım. Al: «Şaarlar kıyrap, elsiz kalganga çeyin, üylördö kişi kalbay kalganga çeyin, bul jer taptakır een kalganga çeyin uşunday bolot», – dep joop berdi.

¹²Teŋir adamdardı kuup jiberet, oşondo bul jer een kalat.

¹³Egerde al jerde eldin ondon bir bölügü kala turgan bolso, al da bülgüngö uçurayt, birok miste daragı menen emen daragı kıyılganda, alardın tamırı kalganday, ıyık uruk anın tamırı bolot.