Read NT LS 2005 – Инжил ЛС (2005 Işaya 60 Bible Online

Işaya 60 - NT LS 2005 – Инжил ЛС (2005 bible

Işaya 60

¹«Tur, jarkıra, İerusalim, antkeni senin jarıgıŋ keldi, Teŋirdin daŋkı senin üstüŋdön çıktı!

²Antkeni mına, jerdi karaŋgılık, elderdi koyuu karaŋgılık kaptaganı jatat. Al emi senin üstüŋdön Teŋir jarkırayt, Anın daŋkı senin üstüŋö kelet.

³Oşondo senin jarıgıŋa elder kelişet, senin üstüŋdön çıgıp kele jatkan jarkıroogo padışalar kelişet.

⁴Başıŋdı kötörüp, aylanaŋdı kara: alar bardıgı çogulup, saga kele jatışat. Alıstan uuldarıŋ kele jatat, kızdarıŋdı koldoruna salıp kötörüp kele jatışat.

⁵Oşondo körüp kubanasıŋ, jürögüŋ düküldöp keŋeyet, antkeni deŋizdin baylıgı saga burulat, elderdin ençisi saga ötöt.

⁶Senin jeriŋdi köp sandagan töölör, Midian menen Eypanın naarları kaptayt. Alardın baarı Şebadan altın menen ladan jüktöp kelip, Teŋirdin daŋkın jar salışat.

⁷Keydardın büt koyloru saga çogulup kelet, Nebayottun koçkorloru saga kızmat kılat. Alar Menin kurmandık çalınuuçu jayıma Maga jakkan kurmandık bolup çıgat, oşondo Men Özümdün daŋkımdın üyün daŋazalaym.

⁸Buluttarday uçup kele jatışkan bular kimder? Özdörünün kepterkanasına kögüçköndördöy bolup uçup kele jatışkan bular kimder?

⁹Çındıgında, Meni araldar kütüp jatat, senin uuldarıŋdı alıstan altın-kümüşü menen koşo Kuday-Teŋiriŋdin ısımı üçün jana Israyıldın Iyıgı üçün alıp keliş üçün, alardın aldında Tarşış kemeleri kütüp turat, antkeni Al seni daŋktadı.

¹⁰Oşondo çet jerlikterdin uuldarı senin dubaldarıŋdı kuruşat, alardın padışaları saga kızmat kılışat, antkeni Men seni kaardanıp jatkanımda kıyratkam, birok saga Özümdün ırayımım menen ırayım kılam.

¹¹Senin darbazaŋ dayıma açık turat, elderdin baylıgı saga jetkirilip turuşu üçün, alardın padışaları saga alıp kelinip turuşu üçün, darbazaŋ künü-tünü jabılbayt.

¹²Antkeni saga kızmat kılgısı kelbegen elder menen padışaçılıktar kırılat, anday elder taptakır kırılat.

¹³Saga Lebanondun atak-daŋkı kelet, Menin ıyık jayımdı jasalgalaş üçün, kiparis, çınar, kedr daraktarı kelet. Oşondo Men butum turgan jerdi daŋktaym.

¹⁴Seni ezgenderdin uuldarı baştarın iyip aldıŋa kelişet, seni jek körgöndördün baarı but aldıŋa jıgılışat. Seni Teŋirdin şaarı, Israyıldın Iyıgının Sionu dep ataşat.

¹⁵Sen taştalıp, jek köründü bolgonsuŋ, sen arkıluu eç kim ötpöy kalgan, birok Men seni tübölükkö uluu kılam, kılımdan kılımga kubanıçka bölöym.

¹⁶Sen elderdin sütünö toёsuŋ, padışalardın emçegin emesiŋ, oşondo sen Menin Teŋir ekenimdi, senin Kutkaruuçuŋ jana Saktap Kaluuçuŋ ekenimdi, Jakıptın Küçtüüsü ekenimdi bilesiŋ.

¹⁷Men saga jezdin orduna altın, temirdin orduna kümüş, jıgaçtın orduna jez, taştın orduna temir jetkirip turam. Senin başkaruuçuŋdun orduna tınçtıktı, küzötçüŋdün orduna çındıktı koёm.

¹⁸Mından arı senin jeriŋde zorduk-zombuluk degen ugulbayt, senin aymagıŋda kıyratuu, talap-tonoo degen ugulbayt. Dubaldarıŋdı kutkaruuçum dep, darbazaŋdı atak-daŋkım dep ataysıŋ.

¹⁹Mından arı kün saga özünün kündüzgü jarıgı menen kızmat kılbayt, aydın jarıgı jarık berbeyt, birok senin tübölüktüü jarıgıŋ Teŋir bolot, senin daŋkıŋ Kuday bolot.

²⁰Mından arı künüŋ batpayt, ayıŋ jaşınbayt, antkeni Teŋir sen üçün tübölük jarık bolot. Senin kaygıluu kündörüŋ bütöt.

²¹Senin büt eliŋ adil bolot, Menin kolumdan çıkkan, Men oturguzgan butak Meni daŋktaş üçün, jerge tübölükkö ee bolot.

²²Azdan miŋ, eŋ naçardan küçtüü el çıgat. Men, Teŋir, munu öz ubagı kelgende tezdetem».