Read NT LS 2005 – Инжил ЛС (2005 Işaya 66 Bible Online

Işaya 66 - NT LS 2005 – Инжил ЛС (2005 bible

Işaya 66

¹Teŋir mınday deyt: «Asman Menin tagım, jer bolso – buttarımdı koё turgan jer. Anan siler Maga kaysı jerge üy kurasıŋar? Menin es ala turgan jayım kaysı jerde bolot?

²Antkeni munun baarın Menin kolum jasadı, munun baarı boldu, – deyt Teŋir. Birok men mınday adamga: moyun sungan, ruhu menen kaygırgan, Menin sözümdün aldında titirep turgan adamga köz kırımdı salam.

³Ögüzdü soygon adam kişi öltürgön adamga barabar. Kozunu kurmandıkka çalgan adam itti muuntkan adamga barabar. Nan kurmandıgın alıp kelgen adam çoçkonun kanın alıp kelgen adamga barabar. Jıpar jıttuu zat tütötkön adam burkanga sıyıngan adamga barabar. Alar öz joldorun tandap alıştı, alardın janı özdörünün jiyirkeniçtüü nerselerinen ırakat alat.

⁴Oşonduktan Men alardın azgıruuçu nerselerin paydalanam, alarga korkunuçtuu nerseni kaptatam, antkeni Men çakırganda, eç kim joop bergen jok, Men süylögöndö, alar ukpay koyuşkan. Teskerisinçe, alar Menin köz aldımda jamandık kılıştı, Maga jakpagan nerseni tandap alıştı».

⁵Teŋirdin sözünün aldında titirep turgandar, Anın sözünö kulak salgıla: «Menin ısımım üçün silerdi jek körgön, silerdi kuuguntukka algan silerdin bir tuugandarıŋar: “Teŋir Öz daŋkı menen Özün körsötsün, oşondo biz silerdin kubanganıŋardı köröbüz”, – deşet. Birok alar uyatka kalışat».

⁶Mına, şaardan ızı-çuu çıgıp jatat, iybadatkanadan bir ün çıgıp jatat. Al ün – Öz duşmandarının jazasın berip jatkan Teŋirdin ünü.

⁷Tolgoo tartpay turup ele töröp koydu, tolgoosu kele elekte ele uul törödü.

⁸Mındaydı kim uktu ele? Mındaydı kim kördü ele? Bir kündö payda bolgon ölkö barbı? Bir zamatta jaralgan el barbı? Sion sıyaktuu tolgoosu tartıp-tartpay ele uul törögön barbı?

⁹«Ay-kününö jetkirip, törötpöy koymok belem? – deyt Teŋir. Je bolboso törögöngö küç berip turup, kursaktı bekitip koymok belem?» – deyt senin Kudayıŋ.

¹⁰İerusalim menen koşo kubangıla, anı süygöndördün baarı, aga süyüngülö! Al jönündö kaygırgandardın baarı, anı menen koşo kubangıla!

¹¹Oşondo anın soorotuuçu töşünön tamaktanıp toёsuŋar, anın aşıp-taşıgan daŋkınan toё içip ırakattanasıŋar.

¹²Antkeni Teŋir mınday deyt: «Mına, Men aga tınçtıktı darıyaday agızıp jatam, silerdin jırgalçılıgıŋar üçün elderdin baylıgın taşkındagan suuday agızıp jatam. Silerdi koldoruna kötörüp jürüşöt, tizelerine alıp erkeletişet.

¹³Men silerdi enesi balasın soorotkondoy soorotom. Siler İerusalimde sooronosuŋar.

¹⁴Oşondo munu körüp, jürögüŋör kubanat, söögüŋör jaş ösümdüktöy güldöyt». Teŋirdin kolu Özünün kuldarına açılat, Öz duşmandarına bolso kaardanat.

¹⁵Antkeni Teŋir Özünün açuusun kaarı menen, Özünün kaarın jalındagan ot menen tögüş üçün, ot içinde kelet, Anın arabaları kuyunday bolup kelet.

¹⁶Antkeni Teŋir ar bir adamdı Özünün kılıçı jana otu menen jazalayt, Teŋir öltürgöndör köp bolot.

¹⁷«Al emi tokoyçolorgo barıp tabınış üçün özdörün tazalap, ıyıktagandar, birinin artınan biri çoçkonun etin, jiyirkeniçtüü nerselerdi jana çıçkandardı jegenderdin baarı kırılat, – deyt Teŋir.

¹⁸Antkeni Men alardın işterin jana oylorun bilem. Men bardık elderdi, ar kanday tilde süylögön elderdi çogultuş üçün kelem. Alar kelip, Menin daŋkımdı körüşöt.

¹⁹Oşondo alardın üstünö belgi koёm, alardın içinen kutkarılgandardı elderge jiberem: Tarşışka, Pulga, Lutka, jaa tartkandarga, Tubalga, Jabanga, Men tuuraluu ukpagan jana Menin daŋkımdı körbögön alıskı araldagılarga jiberem. Alar Menin daŋkımdı bardık elderge jarıya kılışat.

²⁰Israyıl uuldarı Teŋirdin üyünö taza idişke salıp tartuu alıp kelgen sıyaktuu, bardık elderdin arasınan büt bir tuugandarıŋardı alıp, attarga mingizip, arabalarga tüşürüp, zambilderge salıp, kaçırlarga jana külük töölörgö mingizip, Teŋirge tartuu katarında İerusalimdegi Menin ıyık toomo alıp kelişet, – deyt Teŋir.

²¹Oşondoy ele alardın arasınan ıyık kızmat kıluuçu jana lebi kılıp alam, – deyt Teŋir.

²²Antkeni Men jarata turgan jaŋı asman jana jaŋı jer dayıma Menin aldımda turganday ele, – deyt Teŋir, – silerdin tukumuŋar da, ısımıŋar da dayıma Menin aldımda turat.

²³Oşondo ay sayın, işembi sayın ar bir adam Menin aldıma taazim kıluuga kelip turat, – deyt Teŋir.

²⁴Sırtka çıgıp, Menden baş tartkan adamdardın ölüktörün körüşöt, antkeni alardın kurtu ölböyt, alardın otu öçpöyt. Alar ar bir adam üçün jiyirkeniçtüü bolot».