Read NT LS 2005 – Инжил ЛС (2005 Işaya 9 Bible Online

Işaya 9 - NT LS 2005 – Инжил ЛС (2005 bible

Işaya 9

¹Murunku mezgilde Zabulun jeri menen Naptalı jeri basıntılgan. Birok kiyinki mezgilde deŋiz jeektep ketken jol, İordandın arkı öyüzündögü ölkö, butparas el jaşagan Galileya kötörülöt.

²Karaŋgıda jürgön el uluu jarıktı köröt. Ölüm kölökösü öküm sürgön ölködö jaşagandardın üstünö jarık jarkırayt.

³Sen eldi köböytösüŋ, kubanıçın arttırasıŋ, al el oruu-jıyuu uçurunda kubanganday, oljo bölüşköndö süyüngöndöy, Senin aldıŋda kubanat.

⁴Antkeni Sen anı ezgen moyunturuktu, anı urgan tayaktı, anın ezüüçüsünün kamçısın Midiandı talkalaganday talkalaysıŋ.

⁵Antkeni jookerdin soguş uçurunda kiygen but kiyimi menen üstündögü kanga çılangan kiyimi otko ırgıtılıp örttölöt.

⁶Antkeni bizge nariste töröldü, bizge Uul berildi. Biylik kıluu Anın iyninde, Aga: Keremettüü, Keŋeşçi, Küçtüü Kuday, Tübölüktün Atası, Tınçtıktın Törösü degen at koyulat.

⁷Al Özünün padışaçılıgın adilettik menen, çındık menen bügünkü kündön tartıp tübölükkö bekitişi jana bekemdeşi üçün, Dööttün tagında jana anın padışaçılıgında Anın biyligi jana tınçtık çeksiz ösöt. Munu Sebayot Teŋirdin kızganıçı işke aşırat.

⁸Teŋir Jakıpka karşı söz jiberdi, al söz Israyılga tüşöt.

⁹Bul jönündö büt el, Eprayım jana Samariyanın turgundarı bilip kalışat, alar tekeberdüülük menen, menmensingen jürök menen mintip aytıp jatışat:

¹⁰«Kıştar kulap kaldı, birok biz jılmalangan taştardan turguzabız. Tıt daraktarı kıyılıp kaldı, birok biz alardı kedr daraktarına almaştırabız».

¹¹Birok Teŋir aga karşı Retsindin duşmandarın kötöröt, anın joolorun kuraldandırat:

¹²çıgıştan siriyalıktardı, batıştan peliştilikterdi kötöröt, alar Israyıldı aç közdük menen jeşet. Oşondo da Teŋirdin kaarı kaytpayt, Anın kolu sunulgan boydon tura beret.

¹³Birok el özün Urup Jatkanga kayrılbay jatat, Teŋir Sebayottu izdebey jatat.

¹⁴Oşon üçün Teŋir Israyıldın başı menen kuyrugun, palma menen kamıştı bir kündö keset:

¹⁵aksakal menen ataktuu adam – başı, al emi jalgan paygambar – kuyrugu.

¹⁶Bul eldin jol başçıları anı teskeri jolgo salışat, alardın jeteginde jürgöndör kıyraşat.

¹⁷Oşonduktan anın jaş ulandarına Teŋir kubanbayt, alardın jetimderine da, jesirlerine da ırayım kılbayt, antkeni alardın baarı – eki jüzdüü jana kılmışker, bardıgı jiyirkeniçtüü sözdördü süylöşöt. Oşondo da Anın kaarı basılbayt, Anın kolu sunulgan boydon tura beret.

¹⁸Antkeni mıyzamsızdık ottoy jalındap küyüp, koko tikendi da, tikenektüü badaldı da jalmap jatat, çıtırman tokoydo ot aloolonup, uyulgugan tütün asmanga kötörülüp jatat.

¹⁹Sebayot Teŋirdin kaarı jerdi kuykalayt, el otko jem bolot. Adam öz bir tuuganın ayabayt.

²⁰Alar oŋ tarabındagısın da jutuşat, birok açka boydon kalışat, sol tarabındagısın da jeşet, birok toyuşpayt. Ar kimisi öz bulçuŋ etin jeyt.

²¹Menaşe Eprayımdı jeyt, Eprayım Menaşeni jeyt, eköö birigip Jüyüttü jeyt. Oşondo da Anın kaarı kaytpayt, Anın kolu sunulgan boydon tura beret.