Read NT LS 2005 – Инжил ЛС (2005 Lebiler 11 Bible Online

Lebiler 11 - NT LS 2005 – Инжил ЛС (2005 bible

Lebiler 11

¹Teŋir Musa menen Arunga mınday dep ayttı:

²«Israyıl uuldarına mınday dep aytkıla: “Jer üstündögü janıbarlardın içinen siler mına bul janıbarlardı jeseŋer bolot:

³aça tuyaktuu, açası tereŋ, kepşegen janıbardı jeseŋer bolot.

⁴Birok aça tuyaktuu, kepşegen janıbarlardın içinen mına bul janıbarlardı jebegile: töö, antkeni al kepşeyt, birok aça tuyaktuu emes. Al siler üçün aram.

⁵Koş ayak, antkeni al kepşegeni menen, aça tuyaktuu emes. Al siler üçün aram.

⁶Koёn, antkeni al kepşeyt, birok aça tuyaktuu emes. Al siler üçün aram.

⁷Çoçko, antkeni al aça tuyaktuu, tuyagının açası tereŋ, birok kepşebeyt. Al siler üçün aram.

⁸Alardın etin jebegile, alardın ölügünö tiybegile. Alar siler üçün aram.

⁹Suudagı janıbarlardın içinen mına bul janıbarlardı jeseŋer bolot: deŋizderde jana darıyalarda jaşagan janıbarlardın içinen süzö turgan kanatı bar, kabırçıgı bar janıbarlardı jeseŋer bolot.

¹⁰Al emi deŋizderde jana darıyalarda jaşagan janıbarlardın içinen, suuda süzgön jana suuda jaşagan soylooçu janıbarlardın içinen, jerde-suuda jaşagan janıbarlardın içinen süzö turgan kanatı, kabırçıgı joktoru siler üçün aram.

¹¹Alar siler üçün aram bolup eseptelsin. Alardın etin jebegile, alardın ölügünön jiyirkengile.

¹²Suuda jaşagan janıbarlardın içinen süzö turgan kanatı, kabırçıgı joktorunun baarı siler üçün aram.

¹³Kanattuulardın içinen mına bul kanattuulardı jebegile: bürküt, joru, suu bürküt,

¹⁴kulaalı, şumkar jana anın türlörü,

¹⁵karga jana anın türlörü,

¹⁶töö kuş, japalak ükü, çardak, tuygun jana anın türlörü,

¹⁷ükü, balıkçı kuş jana ibis,

¹⁸ak kuu, birgazan jana ak kajır,

¹⁹ak kıtan, ilegilek jana anın türlörü, sasık üpüp jana jarganat.

²⁰Uçuuçu, tört ayaktuu kurt-kumurskalar siler üçün aram.

²¹Uçuuçu, tört ayaktuu kurt-kumurskalardın içinen jerde sekirip jürö turgan uzun şıyraktuulardı gana jeseŋer bolot.

²²Alardın içinen: kelgin çegirtkesinin, talaa çegirtkesinin, darak çegirtkesinin jana karmooç çegirtkesinin bardık türlörün jeseŋer bolot.

²³Bulardan başka tört ayaktuu, uçuuçu kurt-kumurskalar siler üçün aram.

²⁴Alar arkıluu siler taza emes bolup kalasıŋar, kim alardın ölügünö tiyip alsa, al keçke çeyin taza emes bolot.

²⁵Kim alardın ölügün kötörsö, kiyimderin juusun, al keçke çeyin taza emes bolot.

²⁶Aça tuyaktuu, birok açası tereŋ bolbogon jana kepşebegen mal siler üçün aram. Kim aga tiyse, al taza emes bolot.

²⁷Tört ayaktuu aybanattardın içinen tamanı menen baskandarı siler üçün aram. Kim alardın ölügünö tiyip alsa, al keçke çeyin taza emes bolot.

²⁸Kim alardın ölügün kötörsö, kiyimderin juusun, al keçke çeyin taza emes bolot. Alar siler üçün aram.

²⁹Jerde jaşagan mayda janıbarlardın içinen siler üçün aram bolup eseptelgenderi mına bular: momoloy çıçkan, çıçkan, keskeldirik jana anın türlörü,

³⁰kirpi, çütkör, taş baka, ülül jana hameleon.

³¹Jerde jaşagan mayda janıbarlardın içinen mına uşular siler üçün aram. Kim alardın ölügünö tiyip alsa, al keçke çeyin taza emes bolot.

³²Alardın kaysı birinin ölügü bir nersege: jıgaç idişke bolobu, kiyimge bolobu, terige, je kapka, je işke koldonuluuçu ar kanday buyumga bolobu, tüşüp ketse, al taza emes bolup kalat. Alardı suuga salıp koyuş kerek, keçke çeyin taza emes bolot, andan kiyin taza bolot.

³³Egerde alardın kaysı birinin ölügü çopo idişke tüşüp ketse, anda al idiştin içindegi nerse taza emes bolup kalat, idiştin özün talkalap salgıla.

³⁴Anday idiştegi suu siler jey turgan tamakka koşulup ketse, al tamak taza emes bolup kalat, al idişke kuyulgan suusunduktun baarı taza emes bolup kalat.

³⁵Alardın ölügünön bir nersenin üstünö tüşüp kalsa, alardın baarı taza emes bolup kalat. Meş bolobu, oçok bolobu, alardı buzup salış kerek, alar taza emes. Alar siler üçün da taza emes bolup eseptelsin.

³⁶Birok suusu bar bulak menen kuduk gana taza boydon kalat. Al emi kim alardın ölügünö tiyse, al taza emes bolot.

³⁷Egerde alardın ölügünön bir nerse sebile turgan üröngö tüşüp kalsa, al taza boydon kalat.

³⁸Egerde sebile turgan üröngö suu kuyulup kalgandan kiyin, alardın ölügünön bir nerse tüşüp kalsa, anda al siler üçün taza emes bolup kalat.

³⁹Egerde siler jey turgan kaysı bir mal ölüp kalıp, kim anın ölügünö tiyse, al keçke çeyin taza emes bolot.

⁴⁰Kim anın ölügün jese, kiyimderin juusun, al keçke çeyin taza emes bolot. Kim anın ölügün kötörsö, kiyimderin juusun, al keçke çeyin taza emes bolot.

⁴¹Soylooçu janıbarlardın baarı siler üçün aram, alardı jebegile.

⁴²Jer betinde soylop jürüüçü janıbarlardın içinen booru menen jıluuçu, tört ayaktuu, köp ayaktuu janıbarlardı jebegile, antkeni alar aram.

⁴³Özüŋördü jer betinde soylop jürüüçü eç bir aram janıbar menen bulgabagıla. Alar arkıluu taza emes bolup kalbaşıŋar üçün, özüŋördü alar menen bulgabagıla.

⁴⁴Antkeni silerdin Kuday-Teŋiriŋer Menmin, ıyıktalıp, ıyık bolgula, antkeni Men ıyıkmın. Özüŋördü kandaydır bir soylooçu janıbar menen bulgabagıla.

⁴⁵Antkeni silerdin Kudayıŋar boluş üçün, silerdi Misir jerinen alıp çıkkan Teŋiriŋer Menmin. Oşonduktan ıyık bolgula, antkeni Men ıyıkmın.

⁴⁶Maldar, janıbarlar, kanattuular, suuda jaşooçular, jerde soylooçular jönündögü mıyzam uşul.

⁴⁷Tazanı taza emesten, jegenge bolgon janıbarlardı jegenge bolbogon janıbarlardan ajıratış üçün berilgen mıyzam uşul”».