Read NT LS 2005 – Инжил ЛС (2005 Lebiler 15 Bible Online

Lebiler 15 - NT LS 2005 – Инжил ЛС (2005 bible

Lebiler 15

¹Teŋir Musa menen Arunga mınday dep ayttı:

²«Israyıl uuldarına mınday dep aytkıla: “Kimdin jınıstık müçösünön iriŋ agıp tursa, al taza emes bolup eseptelet.

³Jınıstık müçösünön iriŋ agıp taza emes bolup kalgan adam jönündögü mıyzam mınday: jınıstık müçösünön iriŋ agıp tursa da, akpay karmalsa da, al taza emes bolup eseptelet.

⁴Jınıstık müçösünön iriŋ agıp turgan kişi jatkan töşök taza emes, al oturgan nersenin baarı taza emes.

⁵Kim anın töşögünö tiyse, al kiyimderin juusun, özü da suuga juunsun, al keçke çeyin taza emes bolot.

⁶Jınıstık müçösünön iriŋ agıp turgan kişi oturgan jerge kim otursa, al kiyimderin juusun, özü da suuga juunsun, al keçke çeyin taza emes bolot.

⁷Kim jınıstık müçösünön iriŋ agıp turgan kişige kolun tiygizse, al kiyimderin juusun, özü da suuga juunsun, al keçke çeyin taza emes bolot.

⁸Egerde jınıstık müçösünön iriŋ agıp turgan kişi taza kişige tükürsö, anda al kiyimderin juusun, özü da suuga juunsun, al keçke çeyin taza emes bolot.

⁹Jınıstık müçösünön iriŋ agıp turgan kişi oturgan unaadagı orunduk keçke çeyin taza emes bolot.

¹⁰Kim anın astına salıngan kandaydır bir nersege tiyse, al keçke çeyin taza emes bolot. Al nerseni kim kötörsö, kiyimderin juusun, özü da suuga juunsun, al keçke çeyin taza emes bolot.

¹¹Jınıstık müçösünön iriŋ agıp turgan kişi kolun juubay turup biröögö tiygizse, al kiyimderin juusun, özü da suuga juunsun, al keçke çeyin taza emes bolot.

¹²Jınıstık müçösünön iriŋ agıp turgan kişi kolun tiygizgen çopo idişti talkalap salış kerek, jıgaç idiş bolso, suuga juuş kerek.

¹³Jınıstık müçösünön iriŋ agıp turgan kişi iriŋinen arılgandan kiyin, tazalanış üçün, özünö jeti kün eseptep alıp, kiyimderin juup, denesin agın suuga juusun, oşondo al taza bolot.

¹⁴Al emi segizinçi künü al eki baktekti je eki jaş kögüçköndü alıp, Teŋirdin aldına, jıyın çatırının eşiginin aldına kelip, alardı ıyık kızmat kıluuçuga beret.

¹⁵Iyık kızmat kıluuçu al kanattuulardın birin künöö üçün çalınuuçu kurmandıkka, ekinçisin bütündöy örttölüüçü kurmandıkka çalat. Teŋirdin aldında ıyık kızmat kıluuçu anı jınıstık müçösünön agıp turgan iriŋinen oşentip tazalayt.

¹⁶Kimdin erendigi agıp ketse, anda al büt denesin suuga juusun, al keçke çeyin taza emes bolot.

¹⁷Erendik tüşüp kalgan kiyimdi da, bulgaarını da suuga juusun, al keçke çeyin taza emes bolot.

¹⁸Egerde erkek ayal menen jatıp, erendigi kuyulsa, anda eköö teŋ suu menen juunsun, alar keçke çeyin taza emes boluşat.

¹⁹Egerde ayaldın ayızı kelse, anda al tazalanış üçün, jeti kün üydö otursun. Kim al ayalga tiyse, al keçke çeyin taza emes bolot.

²⁰Al tazalanıp jatkan ubakta jatkan nersenin baarı taza emes bolup eseptelet. Al oturgan nersenin baarı taza emes bolup eseptelet.

²¹Kim anın töşögünö tiyse, al kiyimderin juusun, özü da suuga juunsun, al keçke çeyin taza emes bolot.

²²Kim al ayal oturgan kandaydır bir buyumga tiyse, al kiyimderin juusun, özü da suuga juunsun, al keçke çeyin taza emes bolot.

²³Kim al ayaldın töşögündögü bir nersege je al oturgan nersege tiyse, al keçke çeyin taza emes bolot.

²⁴Egerde küyöösü al ayal menen jatsa, anda anın taza emestigi küyöösünö ötöt. Küyöösü jeti kün taza emes bolot, al jatkan töşök da taza emes.

²⁵Egerde ayaldan ayızı kelip jatkanda emes, başka ubakta köp küngö çeyin kan aksa, je al kan demeydegi ayızınan da köp aksa, anda al ayal kanı agıp jatkanda, ayızı kelgen ubagındagıday ele, taza emes bolot.

²⁶Ayızı kelip jatkan ubagındagı töşök sıyaktuu ele, kan agıp jatkan ubagında ayal jatkan töşök da taza emes. Ayızı kelip jatkan ubagındagı nerse sıyaktuu ele, kan agıp jatkan ubagında ayal oturgan nerse da taza emes.

²⁷Kim alarga tiyse, al taza emes, al kiyimderin juusun, özü da suuga juunsun, al keçke çeyin taza emes bolot.

²⁸Ayal kanınan arılgandan kiyin, özünö jeti kün eseptep alsın, oşondon kiyin al taza bolot.

²⁹Segizinçi künü ayal jıyın çatırının kire berişine, ıyık kızmat kıluuçuga eki baktek je eki jaş kögüçkön alıp kelet.

³⁰Iyık kızmat kıluuçu kanattuulardın birin künöö üçün çalınuuçu kurmandıkka, ekinçisin bütündöy örttölüüçü kurmandıkka çalat. Teŋirdin aldında ıyık kızmat kıluuçu anı denesinen akkan kanınan oşentip tazalayt.

³¹Alardın arasındagı Menin turagımdı bulgap, özdörünün taza emestiginen ölböşü üçün, Israyıl uuldarın taza emestiginen uşintip arıltkıla».

³²Denesinen iriŋ agıp turgan, erendigi agıp ketip taza emes bolup kalgandar jönündögü,

³³ayızı kelgen ayal jönündögü, taza emes nersesi akkan erkek je ayal jönündögü, taza emes ayalı menen jatkan erkek jönündögü mıyzam uşul”».