Read NT LS 2005 – Инжил ЛС (2005 Lebiler 20 Bible Online

Lebiler 20 - NT LS 2005 – Инжил ЛС (2005 bible

Lebiler 20

¹Teŋir Musaga mınday dep ayttı:

²«Israyıl uuldarına mınday dep ayt: “Israyıl uuldarının içinen jana Israyıl uuldarının arasında jaşagan kelginderdin içinen kim öz balasın Molohko kurmandıkka berse, al ölüm jazasına tartılsın. Al jerdin eli anı taş baraŋga alıp öltürsün.

³Men al adamga karşı jüzümdü burup, anı öz elinin arasınan jok kılam, antkeni al öz balasın Molohko kurmandıkka berip, Menin ıyık jayımdı bulgap, Menin ıyık ısımımdı jamanattı kıldı.

⁴Al öz balasın Molohko berip jatkanda, al jerdin eli oşol adamga köŋül burbay, anı öltürböy koyso,

⁵anda Men al adamga karşı jana anın tukumuna karşı jüzümdü burup, anı öz elinin arasınan jok kılam, anı menen koşo Molohtun artınan eerçip adaşıp jürgöndördü da jok kılam.

⁶Kim ölgöndördü çakırgandarga jana sıykırçılarga kayrılıp, alardı eerçip adaşıp jürsö, anda Men al adamga karşı jüzümdü burup, anı öz elinin arasınan jok kılam.

⁷Özüŋördü ıyıktagıla, ıyık bolgula, antkeni Men, silerdin Kuday-Teŋiriŋer, ıyıkmın.

⁸Menin körsötmölörümdü atkargıla, antkeni silerdi ıyık kıla turgan Teŋiriŋer Menmin.

⁹Kim atasına je enesine jaman aytsa, al ölüm jazasına tartılsın. Al atasına je enesine jaman aytkandıktan, öz kanı öz moynunda.

¹⁰Kim küyöösü bar ayal menen oynoştuk kılsa, kim öz jakınının ayalı menen oynoştuk kılsa, anda oynoştuk kılgan erkek da, ayal da ölüm jazasına tartılsın.

¹¹Kim atasının ayalı menen jatsa, al atasının jılaŋaç etin açkan bolot. Eköö teŋ ölüm jazasına tartılsın, özdörünün kanı özdörünün moynunda.

¹²Kim öz kelini menen jatsa, anda eköö teŋ ölüm jazasına tartılsın. Alar jiyirkeniçtüü iş kılıştı, oşonduktan özdörünün kanı özdörünün moynunda.

¹³Kim ayal menen jatkanday, erkek menen jatsa, anda eköö teŋ jiyirkeniçtüü iş kılıştı. Alar ölüm jazasına tartılışsın, özdörünün kanı özdörünün moynunda.

¹⁴Kim ayalının üstünö anın enesin koşo ayaldıkka alsa, bul – mıyzamsızdık. Araŋarda mıyzamsızdık bolboşu üçün, al erkek menen eki ayaldı örttöp salgıla.

¹⁵Kim janıbar menen janaşsa, al ölüm jazasına tartılsın, al janıbardı da öltürgülö.

¹⁶Egerde ayal janıbar menen janaşuu üçün barsa, anda ayaldı da, janıbardı da öltürgülö, alar ölüm jazasına tartılışsın, özdörünün kanı özdörünün moynunda.

¹⁷Kim özünün ejesin je karındaşın, atasının kızın je enesinin kızın alsa, anın jılaŋaç etin körsö, kız da anın jılaŋaç etin körsö, bul – maskaraçılık. Alar öz elinin köz aldında öltürülsün. Al öz karındaşının jılaŋaç etin açtı, öz künöösün özü kötöröt.

¹⁸Kim ayalının ayızı kelip jatkanda jılaŋaç etin açsa, anda al kanı agıp jatkanın kördü, ayal özünün akkan kanın körgözdü. Eköö teŋ öz elinin arasınan jok kılınsın.

¹⁹Kim enesinin eje-siŋdisinin je atasının eje-karındaşının jılaŋaç etin açsa, özünün jılaŋaç etin açkan bolot. Öz künöösün özü kötöröt.

²⁰Kim öz jeŋesi menen jatsa, al agasının jılaŋaç etin açkan bolot. Alardın künöölörü özdörünün moynunda, alar bala körböy ötüşöt.

²¹Kim öz bir tuuganının ayalın alsa, bul jiyirkeniçtüü. Al öz bir tuuganının jılaŋaç etin açkan bolot, alar bala körböy ötüşöt.

²²Menin körsötmölörüm menen mıyzamdarımdı atkargıla, oşondo Men silerdi jaşasın dep berip jatkan jer silerdi silkip salbayt.

²³Men silerdin aldıŋardan kuup çıgarıp jatkan eldin kılganın kılbagıla, antkeni alar uşulardın baarın kılışkan, oşonduktan Men alarga kaarımdı töktüm.

²⁴Men silerge mınday dep aytpadım bele: Alardın jerin eeleysiŋer, antkeni süt menen bal akkan oşol jerdi silerge muraska Men berip jatam. Silerdi başka elderden bölüp algan Kuday-Teŋiriŋer Menmin.

²⁵Adal maldı aram maldan, taza kanattuunu taza emes kanattuudan ajırata bilgile. Men aram dep bölüp koygon janıbar menen, kanattuu menen, booru menen soylop jürüüçü janıbarlar menen bulganbagıla.

²⁶Menin aldımda ıyık bolgula, antkeni Men, Teŋiriŋer, ıyıkmın, silerdi Meniki bolsun dep, başka elderden bölüp aldım.

²⁷Erkek bolobu, ayal bolobu, kim ölgöndördü çakırsa je sıykırçılık kılsa, al ölüm jazasına tartılsın. Al taş baraŋga alınsın, öz kanı öz moynunda”».