Read NT LS 2005 – Инжил ЛС (2005 Lebiler 22 Bible Online

Lebiler 22 - NT LS 2005 – Инжил ЛС (2005 bible

Lebiler 22

¹Teŋir Musaga dagı mınday dep ayttı:

²«Arunga jana anın uuldarına mınday de: Menin ısımımdı bulgabaş üçün, alar Israyıl uuldarının Maga tartuulagan ıyık nerselerine etiyat mamile kılışsın. Men Teŋirmin.

³Alarga mınday de: “Silerdin ukum-tukumuŋardan kim taza emes bolup turup, Israyıl uuldarının Teŋirge arnagan ıyık nerselerine jakındasa, anda al Menin aldımdan jok kılınat. Men Teŋirmin”.

⁴Arundun tukumunan kim pes oorusu menen oorusa je jınıstık müçösünön iriŋ agıp tursa, anda al tazalanmayınça, ıyık tamaktan jebesin; kim ölükkö tiyip taza emes bolup kalgan nersege tiyse, je kimdin erendigi agıp ketse,

⁵je adamdı taza emes kıla turgan kandaydır bir soylooçu janıbarga je kanday gana taza emestigi menen bolbosun, taza emes kıla turgan adamga tiyse,

⁶uşulardın birine tiyse, al keçke çeyin taza emes bolot, al denesin juumayınça, ıyık tamaktan jebesin.

⁷Al kün batkandan kiyin gana taza bolot, oşondo ıyık tamaktan jese bolot, antkeni bul – anın azıgı.

⁸Al bulganbaş üçün, ölüktü, jırtkıç jara tartkan janıbardı jebesin. Men Teŋirmin.

⁹Alar Menin uşul buyruktarımdı buzup künöögö batıp, oşol künöösünün ayınan ölüp kalbaşı üçün, Menin buyruktarımdı saktaşsın. Alardı ıyık kılgan Teŋir Menmin.

¹⁰Iyık tamaktı bölök biröö jebesin. Anı ıyık kızmat kıluuçunun üyündö jaşagan adam da, jaldanma adam da jebesin.

¹¹Iyık tamaktı ıyık kızmat kıluuçu kümüşkö satıp algan adam jese bolot. Oşondoy ele anın üyündö törölgön kuldar da jese bolot.

¹²Egerde ıyık kızmat kıluuçunun kızı jat kişige küyöögö çıksa, anda al tartuuga kelgen ıyık tamaktardı jebesin.

¹³Egerde ıyık kızmat kıluuçunun kızı jesir kalsa, je küyöösü menen ajıraşıp ketse, birok baldarı jok bolso, kız kezinde jaşagan atasının üyünö kaytıp kelgen bolso, anda al atasının tamagınan jese bolot. Anın üy-bülösünön başka eç kim anı jebesin.

¹⁴Kim ıyık tamaktan bilbey jep alsa, al tamaktın baasına anın baasının beşten bir bölügün koşup, ıyık kızmat kıluuçuga tölöp bersin.

¹⁵Iyık kızmat kıluuçular özdörü Israyıl uuldarının Teŋirge alıp kelgen ıyık tamaktarın bulgaşpasın.

¹⁶Iyık kızmat kıluuçular ıyık tamaktı jep jatkanda, kılmış kılıp ayıpka jıgılışpasın, antkeni alardı ıyık kılgan Teŋir Menmin».

¹⁷Teŋir Musaga dagı mınday dep ayttı:

¹⁸«Arunga, anın uuldarına jana Israyıldın bardık uuldarına mınday dep jarıyala: “Israyıl uuldarının içinen je Israyıl uuldarının arasında jaşap jatkan kelginderdin içinen kim ubada boyunça je öz kaaloosu boyunça Teŋirge arnap bütündöy örttölüüçü kurmandık alıp kelse,

¹⁹anda al Kudaydın aldında ırayım tabış üçün, alıp kelgen kurmandıgı eç kanday kemçiligi jok erkek bodo, je koy, je eçki bolsun.

²⁰Kemçiligi bar eç bir maldı kurmandıkka çalbagıla, antkeni mınday kurmandık menen siler ırayım tappaysıŋar.

²¹Kim ubada boyunça je öz kaaloosu boyunça Teŋirge arnap bodo je mayda maldan tınçtık kurmandıgın alıp kelse, anda al Kudaydan ırayım tabışı üçün, alıp kelgen kurmandıgı eç kanday kemçiligi jok bolsun. Kurmandıktın eç kanday kemçiligi bolbosun.

²²Maldın sokurun, mayıbın, çabırın, ooruluusun, koturun, tülögönün Teŋirge kurmandıkka çalbagıla. Anday maldı Teŋirdin kurmandık çalınuuçu jayına alıp kelbegile.

²³Müçölörü ötö uzun je ötö kıska bukaçardı je kozunu öz kaaloosu boyunça çalınuuçu kurmandıkka çalsa bolot, birok ubada boyunça çalınuuçu kurmandıkka çalganga bolboyt.

²⁴Enegi mayıp bolgon, jançılgan, üzülgön je kesilip alıngan maldı Teŋirge kurmandıkka çalbagıla, öz jeriŋerde anday kılbagıla.

²⁵Uşunday maldardı başka jerdik adamdardın kolunan alıp Kudayıŋarga tartuu kılbagıla, antkeni alar mayıp, alardın kemçiligi bar, oşonduktan ırayım tappaysıŋar”».

²⁶Teŋir Musaga dagı mınday dep ayttı:

²⁷«Muzoo, je kozu, je ulak tuulgandan kiyin enesinin janında jeti kün bolsun, al emi segizinçi kündön baştap Teŋirge kurmandıkka çalsa bolot.

²⁸Birok uydu da, koydu da balası menen soybogula.

²⁹Egerde Teŋirge ıraazıçılık bildirüü kurmandıgın çalgıŋar kelse, anda ırayım taba turganday kılıp çalgıla.

³⁰Al kurmandık oşol ele künü jelsin. Andan erteŋ menenkige kaltırbagıla. Men Teŋirmin.

³¹Menin osuyattarımdı saktagıla jana atkargıla. Men Teŋirmin.

³²Meni Israyıl uuldarı ıyık tutuş üçün, Menin ıyık ısımımdı bulgabagıla. Silerdi ıyık kılgan Teŋiriŋer Menmin.

³³Silerdin Kudayıŋar boluş üçün, silerdi Misir jerinen alıp çıkkan Teŋiriŋer Menmin».