Read NT LS 2005 – Инжил ЛС (2005 Lebiler 27 Bible Online

Lebiler 27 - NT LS 2005 – Инжил ЛС (2005 bible

Lebiler 27

¹Teŋir Musaga mınday dep ayttı:

²«Israyıl uuldarına mınday dep jarıyala: “Kim Teŋirge kaysı bir nersesin arnoogo ubada berse, senin baalaganıŋ boyunça

³al adam ıyık şekel menen baalansın. Egerde al jıyırma jaştan altımış jaşka çeyinki erkek bolso, elüü ıyık kümüş şekelge baalansın.

⁴Egerde ayal bolso, anda otuz kümüş şekelge baalansın.

⁵Beş jaştan jıyırma jaşka çeyinki erkek jıyırma kümüş şekelge, al emi ayal on kümüş şekelge baalansın.

⁶Bir aydan beş jaşka çeyinki erkek bala beş kümüş şekelge, al emi kız üç kümüş şekelge baalansın.

⁷Altımış jaştan jogorku erkek on beş kümüş şekelge, al emi ayal on kümüş şekelge baalansın.

⁸Egerde al adam ötö ele jardı bolso, aytılgan baanı bere albasa, anda anı ıyık kızmat kıluuçuga alıp kelişsin, ıyık kızmat kıluuçu anı jaşoo şartına jaraşa baalasın.

⁹Kim Teŋirge arnap mal alıp kelse, anda al mal kurmandıkka çalınsın. Teŋirge arnala turgandın baarı ıyık bolsun.

¹⁰Al mal başka nersege ayırbaştalbasın, jakşısı jamanga je jamanı jakşıga almaştırılbasın. Kim maldı malga almaştırsa, anda eköö teŋ ıyık bolup eseptelsin.

¹¹Egerde Teŋirge arnap kurmandıkka çalganga jarabagan taza emes mal alıp kelse, anda al maldı ıyık kızmat kıluuçuga alıp kelsin.

¹²Al mal jakşı bolobu, jaman bolobu, anı ıyık kızmat kıluuçu baalayt. Al kanday baalasa, oşondoy bolsun.

¹³Kim al maldın kunun tölöp kayrıp algısı kelse, anda al maldın baasına baasının beşten bir bölügün koşup satıp alsın.

¹⁴Kim Teŋirdin ıyık jayı üçün üyün arnasa, al üy jakşı bolobu, jaman bolobu, anı ıyık kızmat kıluuçu baalasın. Al kanday baalasa, oşondoy bolsun.

¹⁵Egerde arnagan kişi üyünün kunun tölöp kayrıp algısı kelse, anda sen koygon baa boyunça üydün baasına kümüştün beşten bir bölügün koşsun, oşondo üy anıkı bolot.

¹⁶Kim öz ülüşünön Teŋirge jer arnasa, anda anın baası sebilgen üröngö jaraşa bolsun. Sebilgen bir homer arpa üçün elüü kümüş şekel.

¹⁷Kim özünün jerin yubiley jılı arnasa, anda al ıyık kızmat kıluuçu koygon baada bolsun.

¹⁸Kim özünün jerin yubiley jılınan kiyin arnasa, anda ıyık kızmat kıluuçu anı kiyinki yubiley jılına çeyinki, kalgan jıldardın sanına jaraşa baalasın, oşondo baası azayat.

¹⁹Egerde jerin arnagan kişi anı kunun tölöp kayrıp algısı kelse, anda anın baasına kümüştün beşten bir bölügün koşsun, oşondo jer özündö kalat.

²⁰Egerde al jerin kunun tölöp kayrıp albasa, jer başka kişige satılıp ketse, anda anı kunun tölöp kaytarıp aluuga bolboyt.

²¹Al jerdi eç kim satıp albasa, yubiley jılı Teŋirge arnalgan ıyık jer bolup kalat. Al jer tübölükkö ıyık kızmat kıluuçunuku bolot.

²²Kim Teŋirge özünün jerin emes, satıp algan jerin arnasa,

²³anda ıyık kızmat kıluuçu anı yubiley jılına çeyinki jıldardın sanına jaraşa baalap, oşol ele künü Teŋirge arnasın.

²⁴Al jer yubiley jılı jerdin birinçi eesine ötöt.

²⁵Ar bir nersenin baası ıyık şekel menen baalansın, bir şekelde jıyırma ger bar.

²⁶Maldın birinçi tölün eç kim Teŋirge arnabasın, antkeni birinçi töl Teŋirge tieşelüü. Ögüz bolobu, mayda jandık bolobu, alar Teŋirdiki.

²⁷Egerde mal taza emes bolso, anda anı sen koygon baanın üstünö baasının beşten bir bölügün koşup kayra kayrıp alsın. Egerde al kunun tölöbösö, anda al sen koygon baada satılışı kerek.

²⁸Kim Teŋirge öz mençiginen adam, mal, jer arnasa, anda alar satılbayt jana kun tölönüp kayra kaytarılbayt. Teŋirge arnalgandın baarı Teŋir aldında ıyık.

²⁹Teŋirge arnalgan adam kun tölönüp kayra kaytarılbayt. Al öltürülsün.

³⁰Bardık tüşümdün: jerdin tüşümünün, daraktardın jemişinin ondon bir bölügü Teŋirge taandık. Bul Teŋirdin aldında ıyık.

³¹Kim özü bergen tüşümdün ondon bir bölügünün kunun tölöp kayra algısı kelse, anda anın baasına baasının beşten bir bölügün koşup bersin.

³²Bodo mal menen mayda maldın ondon bir bölügü, tayak astınan ötkön maldın onunçusu Teŋirge arnalsın.

³³Al jakşı je jaman dep tandalbasın, almaştırılbasın. Egerde anı almaştırsa, anda eköö teŋ Teŋirge taandık bolup kalat da, kunu tölönüp kayra kaytarılbayt”».

³⁴Mına uşul osuyattardı Teŋir Sinay toosunda Israyıl uuldarına Musa arkıluu bergen.