Read NT LS 2005 – Инжил ЛС (2005 Lebiler 4 Bible Online

Lebiler 4 - NT LS 2005 – Инжил ЛС (2005 bible

Lebiler 4

¹Teŋir Musaga mınday dep ayttı:

²«Israyıl uuldarına ayt: “Kim Teŋirdin osuyattarının birin jaŋılıştık menen buzup künöö kılsa jana kıluuga bolboy turgan işterdi kılsa,

³je maylangan ıyık kızmat kıluuçu künöö kılıp, eldi künöökör kılsa, anda kılgan künöösü üçün bodo maldan kemçiligi jok bukaçardı Teŋirdin aldına künöö üçün çalınuuçu kurmandıkka alıp kelsin.

⁴Anan al bukaçardı jıyın çatırının eşiginin aldına, Teŋirdin aldına alıp kelip, koldorun bukaçardın başına koyup, Teŋirdin aldında soysun.

⁵Maylangan ıyık kızmat kıluuçu bukaçardın kanınan alıp, jıyın çatırına alıp kirsin.

⁶Anan ıyık kızmat kıluuçu söömöyün kanga malıp, Teŋirdin aldında, ıyık jaydın köşögösünün aldında jeti jolu çaçsın.

⁷Iyık kızmat kıluuçu bukaçardın kanın jıyın çatırında, Teŋirdin aldında turgan jıpar jıttuu zat tütötülüüçü jaydın müyüzdörünö sıypasın. Al emi bukaçardın kalgan kanın jıyın çatırının kire berişindegi kurmandık çalınuuçu jaydın tübünö tögüp salsın.

⁸Anan künöö üçün çalıngan bukaçardın mayının baarın: karın mayın, içindegi büt mayın,

⁹karçıganın astındagı eki böyrögün, böyrök mayın, eki böyrögü menen koşo boor mayın bölüp alsın.

¹⁰Bulardı tınçtık kurmandıgına çalıngan bukaçardıkınday kılıp bölüp alsın. Bulardı ıyık kızmat kıluuçu kurmandık çalınuuçu jayda örttösün.

¹¹Al emi bukaçardın terisin, büt etin, başın, şıyraktarın, içegi-karının kan-jini menen,

¹²bukaçardı büt boydon standın sırtındagı kül tögülüüçü taza jerge alıp çıgıp, otundardın üstünö koyup örttöp jibersin. Al kül tögülüüçü jerde örttölsün.

¹³Egerde Israyıl jamaatı jaŋılıştık menen künöö kılsa, al jamaattın aldında açıkka çıkpasa je Teŋirdin osuyattarının birin buzup, kıluuga bolboy turgan bir iş kılıp, künöölüü bolso,

¹⁴anda alar künöö kılganın bilişkenden kiyin, bütkül jamaattın künöösü üçün kurmandıkka bodo maldan bir bukaçar çıgarıp, anı jıyın çatırının aldına alıp kelişsin.

¹⁵Anan jamaattın aksakaldarı Teŋirdin aldında koldorun bukaçardın başına koyup, anı Teŋirdin aldında soyuşsun.

¹⁶Anan maylangan ıyık kızmat kıluuçu bukaçardın kanın jıyın çatırının içine alıp kirsin.

¹⁷Iyık kızmat kıluuçu söömöyün kanga malıp, Teŋirdin aldına, ıyık jaydın köşögösünün aldına jeti jolu çaçsın.

¹⁸Anan kandı jıyın çatırının içinde Teŋirdin aldında turgan kurmandık çalınuuçu jaydın müyüzdörünö sıypasın, al emi kalgan kandı jıyın çatırının kire berişinde turgan kurmandık bütündöy örttölüüçü jaydın tübünö tögüp salsın.

¹⁹Anan anın mayının baarın çıgarıp alıp, kurmandık çalınuuçu jayda örttöp jibersin.

²⁰Kılgan künöö üçün alıp kelgen bukaçardı kanday kılsa, bul bukaçardı da dal oşondoy kılsın. Iyık kızmat kıluuçu alardı uşintip tazalayt, oşondo alardın kılgan künöösü keçirilet.

²¹Murunku bukaçardı örttögöndöy ele, bul bukaçardı da standın sırtına alıp çıgıp örttöp jibersin. Bul jamaattın künöösü üçün çalıngan kurmandık bolot.

²²Al emi başçı künöö kılsa jana Kuday-Teŋirinin osuyattarının birin jaŋılıştık menen buzup, kıluuga bolboy turgan bir iş kılıp, künöölüü bolso,

²³anda al künöö kılganın bilgenden kiyin, kemçiligi jok tekeni kurmandıkka alıp kelsin.

²⁴Anan kolun tekenin başına koyup, Teŋirdin aldındagı bütündöy örttölüüçü kurmandıktar soyuluuçu jerde soysun. Bul kurmandık künöö üçün çalıngan kurmandık bolot.

²⁵Anan ıyık kızmat kıluuçu künöö üçün çalıngan kurmandıktın kanına söömöyün malıp, kurmandık bütündöy örttölüüçü jaydın müyüzdörünö sıypasın. Al emi anın kalgan kanın kurmandık çalınuuçu jaydın tübünö tögüp salsın.

²⁶Anın büt mayın tınçtık kurmandıgının mayın örttögöndöy kılıp örttösün. Iyık kızmat kıluuçu anı kılgan künöösünön uşintip tazalayt, oşondo anın künöösü keçirilet.

²⁷Eldin içinen bir adam jaŋılıştık menen künöö kılsa jana Teŋirdin osuyattarının birin buzup, kıluuga bolboy turgan bir iş kılıp, künöölüü bolso,

²⁸anda al künöö kılganın bilgenden kiyin, künöösü üçün kemçiligi jok eçkini kurmandıkka alıp kelsin.

²⁹Anan künöösü üçün alıp kelgen kurmandıktın başına kolun koyup, künöösü üçün çalınuuçu eçkini bütündöy örttölüüçü kurmandıktar soyuluuçu jerde soysun.

³⁰Anan ıyık kızmat kıluuçu anın kanına söömöyün malıp, kurmandık bütündöy örttölüüçü jaydın müyüzdörünö sıypasın, al emi anın kalgan kanın kurmandık çalınuuçu jaydın tübünö tögüp salsın.

³¹Anın mayının baarın tınçtık kurmandıgının mayın bölüp alganday kılıp bölüp alsın. Anan ıyık kızmat kıluuçu anı kurmandık çalınuuçu jayda örttöp jibersin. Bul – jıtı Teŋirge jakkan kurmandık. Iyık kızmat kıluuçu anı uşintip tazalayt, oşondo anın künöösü keçirilet.

³²Egerde al kılgan künöösü üçün koy alıp kelgisi kelse, anda kemçiligi jok urgaaçı koy alıp kelsin.

³³Anan al kolun künöösü üçün çalınuuçu kurmandıktın başına koyup, anı bütündöy örttölüüçü kurmandıktar soyuluuçu jerde soysun.

³⁴Anan ıyık kızmat kıluuçu künöö üçün çalıngan bul kurmandıktın kanına söömöyün malıp, kurmandık bütündöy örttölüüçü jaydın müyüzdörünö sıypasın, al emi anın kalgan kanın kurmandık çalınuuçu jaydın tübünö tögüp salsın.

³⁵Anan anın büt mayın tınçtık kurmandıgına çalıngan koydun mayınday kılıp bölüp alsın. Anan bul maydı ıyık kızmat kıluuçu Teŋirge arnap kurmandık çalınuuçu jayda örttösün. Iyık kızmat kıluuçu anı kılgan künöösünön uşintip tazalayt, oşondo anın künöösü keçirilet.