Read NT LS 2005 – Инжил ЛС (2005 Lebiler 5 Bible Online

Lebiler 5 - NT LS 2005 – Инжил ЛС (2005 bible

Lebiler 5

¹Kim biröönün kargış aytkanın ugup, oşogo kübö bolup turup je körüp-bilip turup aytpay koyso, anda al künöölüü bolot.

²Kim taza emes bir nersege, adal emes janıbardın, je adal emes maldın, je adal emes soylooçu janıbardın ölügünö bilbey tiyip alsa, al bilbegenine karabastan taza emes jana ayıptuu bolup kalat.

³Kim adamdın bulgay turgan kandaydır bir taza emes nersesine bilbey tiyip alsa, birok anı kiyin bilse, al kiyin bilgenine karabastan ayıptuu bolup kalat.

⁴Adamdar oylonboston ant berip alganday, kim jamanbı-jakşıbı, kandaydır bir işti kılam dep, oylonboy turup ant berip, anısın unutup kalsa, birok kiyin estese, al kiyin estegenine karabastan ayıptuu bolup kalat.

⁵Kim uşulardın birin kılıp ayıptuu bolso, anda al kılgan künöösün moynuna alıp açık aytsın.

⁶Al kılgan künöösü üçün Teŋirge arnap kurmandıkka mayda jandıktan koy je eçki alıp kelsin, oşondo ıyık kızmat kıluuçu anı kılgan künöösünön tazalayt.

⁷Egerde koy alıp kele albasa, anda künöösünün ayıbı üçün Teŋirge arnap kurmandıkka eki baktek je eki jaş kögüçkön alıp kelsin. Birin künöö üçün çalınuuçu kurmandıkka, ekinçisin bütündöy örttölüüçü kurmandıkka alıp kelsin.

⁸Alardı ıyık kızmat kıluuçuga alıp kelsin. Iyık kızmat kıluuçu künöö üçün alıp kelingen birinçi kanattuunun moynun sındırıp koysun, birok julup albasın.

⁹Künöö üçün çalıngan bul kurmandıktın kanın kurmandık çalınuuçu jaydın kaptalına çaçsın, al emi kalgan kandı kurmandık çalınuuçu jaydın tübünö sıgıp salsın. Bul künöö üçün çalıngan kurmandık bolot.

¹⁰Al emi ekinçisin erejesi boyunça bütündöy örttölüüçü kurmandıkka çalsın. Iyık kızmat kıluuçu anı kılgan künöösünön uşintip tazalayt, oşondo anın künöösü keçirilet.

¹¹Egerde al eki baktek je eki jaş kögüçkön alıp kele albasa, anda künöösü üçün kurmandıkka eypanın ondon bir bölügünçölük buuday unun alıp kelsin. Aga zaytun mayın kuybasın, ladan da salbasın, antkeni bul künöö üçün çalıngan kurmandık bolot.

¹²Al anı ıyık kızmat kıluuçuga alıp kelsin. Teŋir esine alışı üçün, ıyık kızmat kıluuçu andan bir uuç toltura alıp, kurmandık çalınuuçu jayda Teŋirge arnap örttösün. Bul künöö üçün çalıngan kurmandık bolot.

¹³Jogoruda aytılgandardın birin kılıp künöögö batkan adamdı ıyık kızmat kıluuçu künöösünön uşintip tazalayt, oşondo anın künöösü keçirilet. Al emi artıp kalganı nan kurmandıgı sıyaktuu ele ıyık kızmat kıluuçuga tieşelüü”».

¹⁴Teŋir Musaga dagı mınday dep ayttı:

¹⁵«Kim kılmış kılsa jana Teŋirge arnalgan nerselerge karşı jaŋılıştık menen künöö kılsa, anda al ayıbı üçün Teŋirge arnap mayda maldan kemçiligi jok koçkor alıp kelsin. Sen al koçkordu ıyık şekel bolgon kümüş şekel menen baala. Bul ayıp üçün çalıngan kurmandık bolot.

¹⁶Al Teŋirdin kaysı ıyık nersesine karşı künöö kılsa, oşonu tölöp bersin. Anın baasına baasının beşten bir bölügün koşup, ıyık kızmat kıluuçuga bersin. Anı ıyık kızmat kıluuçu kılgan künöösünön ayıp üçün çalınuuçu kurmandıkka koçkordu çaluu menen tazalayt, oşondo anın künöösü keçirilet.

¹⁷Kim künöö kılsa jana Teŋirdin osuyattarının birin buzup, kıluuga bolboy turgan bir iş kılsa, bilbestikten künöölüü bolup, moynunda künöösü bolso,

¹⁸anda al ayıp üçün çalınuuçu kurmandıkka ıyık kızmat kıluuçu baalagan kemçiligi jok koçkordu alıp kelsin. Iyık kızmat kıluuçu anı bilbey kılgan künöösünön uşintip tazalayt, oşondo anın künöösü keçirilet.

¹⁹Bul kurmandık Teŋirdin aldındagı ayıp üçün çalıngan kurmandık bolot».