Read NT LS 2005 – Инжил ЛС (2005 Lebiler 7 Bible Online

Lebiler 7 - NT LS 2005 – Инжил ЛС (2005 bible

Lebiler 7

¹Ayıp üçün çalınuuçu kurmandık jönündögü mıyzam mınday: bul – eŋ ıyık nerse.

²Ayıp üçün çalınuuçu kurmandık bütündöy örttölüüçü kurmandık soyuluuçu jerde soyulsun, anın kanın kurmandık çalınuuçu jaydın ar tarabına çaçıp çıgış kerek.

³Kurmandıktı alıp kelgen adam anın mayının baarın: kuyruk mayın, karın mayın,

⁴karçıganın astındagı eki böyrögü menen böyrök mayın, böyrögü menen koşo boor mayın bölüp alıp kelsin.

⁵Munun baarın ıyık kızmat kıluuçu Teŋirge arnap kurmandık çalınuuçu jayda örttösün. Bul ayıp üçün çalıngan kurmandık bolot.

⁶Anı ıyık kızmat kıluuçular uruusunun erkek attuularının baarı jese bolot. Al ıyık jerde jelsin. Bul – eŋ ıyık nerse.

⁷Künöö üçün çalınuuçu kurmandık menen ayıp üçün çalınuuçu kurmandıktın mıyzamı bir. Bul kurmandık künöödön tazalagan ıyık kızmat kıluuçuga tieşelüü.

⁸Iyık kızmat kıluuçu biröönün bütündöy örttölüüçü kurmandıgın örttösö, al örttögön bütündöy örttölüüçü kurmandıktın terisi aga tieşelüü.

⁹Tandırga, karapaga je kömöç kazanga bışırılgan nan kurmandıktarının baarı alardı Teŋirdin aldına alıp kelgen ıyık kızmat kıluuçuga tieşelüü.

¹⁰Nan kurmandıktarının zaytun mayı koşulganı da, koşulbaganı da Arundun uuldarının baarına tieşelüü.

¹¹Teŋirge arnap alıp kelgen tınçtık kurmandıgı jönündögü mıyzam mınday:

¹²Kim kurmandıktı ıraazıçılık bildirüü üçün alıp kelse, anda al ıraazıçılık bildirüü kurmandıgına zaytun mayı koşulgan açıtkısız nandardı, açıtkı koşulbay bışırılgan, üstünö zaytun mayı sıypalgan tokoçtordu, zaytun mayı siŋirilgen buuday unun, zaytun mayı koşulgan nandardı alıp kelsin.

¹³Al ıraazıçılık bildirüü üçün alıp kelgen tınçtık kurmandıgın alıp kelgende, tokoçtordon sırtkarı açıtkı koşulgan nan alıp kelsin.

¹⁴Bardık kurmandıktardın içinen biröönü al Teŋirdin aldında öydö kötörsün. Bul kurmandık tınçtık kurmandıgının kanın çaçkan ıyık kızmat kıluuçuga tieşelüü.

¹⁵Iraazıçılık bildirip alıp kelgen tınçtık kurmandıgının eti oşol ele künü jelsin. Andan erteŋ menenkige kalbasın.

¹⁶Kim Teŋirge arnap ubada boyunça je öz kaaloosu boyunça kurmandık alıp kelse, anda al kurmandık alıp kelgen künü jelsin, artıp kalganın ertesi künü jese bolot.

¹⁷Al emi kurmandıktın üçünçü küngö kalgan eti örttölsün.

¹⁸Egerde tınçtık kurmandıgının eti üçünçü künü jele turgan bolso, bul Kuday üçün jagımsız. Anın alıp kelgeni esepke alınbayt. Al taza emes bolup eseptelet, kim anı jese, al künöölüü bolot.

¹⁹Egerde bul et taza emes bir nersege tiyip ketse, anda al jelbesten, örttölsün. Al emi taza etti ar bir taza adam jese bolot.

²⁰Kim taza emes bolup turganda Teŋirge arnalgan tınçtık kurmandıgının etin jese, anda al adam öz elinin arasınan jok kılınsın.

²¹Kim taza emes nerselerge: adamdın taza emes nersesine, je taza emes malga, je taza emes soylooçu janıbarga tiyip, anan Teŋirge arnalgan tınçtık kurmandıgının etinen jese, anda al adam öz elinin arasınan jok kılınsın”».

²²Teŋir Musaga dagı mınday dep ayttı:

²³«Israyıl uuldarına mınday dep ayt: “Ögüzdün da, koydun da, eçkinin da mayın jebegile.

²⁴Ölgön maldın je jırtkıç jara tartkan maldın mayın ar kanday nersege paydalansa bolot, birok jegenge bolboyt.

²⁵Kim Teŋirge kurmandıkka alıp kelingen maldın mayın jese, al öz elinin arasınan jok kılınsın.

²⁶Kaysı jerde jaşasaŋar da, eç kanday kanattuunun, eç kanday maldın kanın jebegile.

²⁷Kim kaysı bir jandıktın kanın jese, anda al adam öz elinin arasınan jok kılınsın”».

²⁸Teŋir Musaga dagı mınday dep ayttı:

²⁹«Israyıl uuldarına mınday dep ayt: “Kim Teŋirge tınçtık kurmandıgın alıp kelse, anda al tınçtık kurmandıgının tieşelüü bölügün Teŋirge özü alıp kelsin.

³⁰Al kurmandıktı Teŋirge öz kolu menen alıp kelüügö tiyiş. Al kurmandıktın mayı menen töşün Teŋirdin aldında silkildetsin.

³¹Mayın ıyık kızmat kıluuçu kurmandık çalınuuçu jayda örttösün, al emi töşü Arun menen anın uuldarına tieşelüü.

³²Tınçtık kurmandıgıŋardın içinen kurmandıktın oŋ sanın silkildetile turgan kurmandık katarı ıyık kızmat kıluuçuga bergile.

³³Arundun uuldarının içinen tınçtık kurmandıgının kanın kurmandık çalınuuçu jayga çaçkan, mayın örttögön uuluna kurmandıktın oŋ sanı tieşelüü.

³⁴Antkeni Men Israyıl uuldarının tınçtık kurmandıktarının içinen silkildetile turgan töş menen öydö kötörülö turgan oŋ sandı Israyıl uuldarınan tübölük ülüş katarı ıyık kızmat kıluuçu Arunga jana anın uuldarına berdim”».

³⁵Arun menen anın uuldarının Teŋirdin aldında ıyık kızmatka çakırılgan kündön baştap, Teŋirge arnalgan kurmandıktardın içinen algan ülüşü uşul.

³⁶Teŋir alardı ıyık kızmatka maylagan kündön baştap, alarga Israyıl uuldarı alıp kelgen kurmandıktardan uşul ülüştü berip turuuga buyruk kılgan. Bul – alardın ukum-tukumuna tübölükkö kalgan körsötmö.

³⁷Bütündöy örttölüüçü kurmandık jönündö, nan kurmandıgı jönündö, künöö üçün çalınuuçu kurmandık jönündö, ayıp üçün çalınuuçu kurmandık jönündö, ıyık kızmatka arnoo kurmandıgı jönündö jana tınçtık kurmandıgı jönündö berilgen mıyzamdar uşular.

³⁸Teŋir Musaga Sinay toosunda bergen mıyzamdar uşular. Al bul mıyzamdardı Sinay çölündö Israyıl uuldarına Teŋirge arnap kurmandıktardı alıp kelüünü buyrugan künü bergen.