Read NT LS 2005 – Инжил ЛС (2005 Jeremiya 1 Bible Online

Jeremiya 1 - NT LS 2005 – Инжил ЛС (2005 bible

Jeremiya 1

¹Benjemin jerindegi Anatotto jaşagan ıyık kızmat kıluuçulardın biri Hilkiyanın uulu Jeremiyanın sözdörü.

²Aga Jüyüt padışası Amon uulu Joşiyanın tuşunda, anın padışaçılıgının on üçünçü jılında Teŋirden söz boldu.

³Aga Jüyüt padışası Joşiya uulu Jayakimdin tuşunda, Jüyüt padışası Joşiya uulu Sitkiyanın padışaçılıgının on birinçi jılının akırına çeyin, İerusalimdegiler tutkundalıp ketkenge çeyinki beşinçi ayda Teŋirden dagı söz boldu.

⁴Oşondo Teŋirden maga mınday söz boldu:

⁵«Men seni eneŋdin içinde Özüm jaratkanga çeyin ele bilçümün, sen törölgöngö çeyin ele, Men seni ıyıktagam: seni elderge paygambar kılıp koygom».

⁶Birok men: «Oo Kuday-Teŋir! Men söz süylögöndü bilbeym, antkeni ötö ele jaşmın», – dedim.

⁷Birok Teŋir maga mınday dedi: «“Jaşmın”, – debe, antkeni Men seni kimge jibersem, oşolordun bardıgına barasıŋ; Men saga emneni buyrusam, oşonu aytasıŋ.

⁸Alardan korkpo. Seni kutkaruu üçün, Men seni menenmin, – dedi Teŋir».

⁹Oşondo Teŋir Öz kolun sunup, menin oozuma tiygizdi, anan Teŋir maga mınday dedi: «Mına, Men Özümdün sözdörümdü senin oozuŋa saldım.

¹⁰Bayka, bügün Men seni elderdin, padışaçılıktardın üstünö alardı jok kıluu jana talkaloo üçün, kıruu jana kıyratuu üçün, kayra turguzuu jana oturguzuu üçün koydum».

¹¹Teŋirden maga mınday söz boldu: «Jeremiya, sen emneni körüp turasıŋ?» Men: «Badam jıgaçınan jasalgan tayaktı körüp turam», – dedim.

¹²Teŋir maga: «Sen tuura körüp turasıŋ, antkeni Menin sözüm jakında atkarılışı üçün, Men Öz sözümö köz salıp turam», – dedi.

¹³Dagı bir jolu Teŋirden maga mınday söz boldu: «Sen emneni körüp turasıŋ?» Men: «Tündük jaktı karagan, kaynap jatkan kazandı körüp turam», – dedim.

¹⁴Teŋir maga mınday dedi: «Bul jerde jaşooçulardın bardıgına kaygı tündük taraptan kelet.

¹⁵Antkeni mına, Men tündük padışaçılıktarının bardık uruuların çakıram, – deyt Teŋir, – alar kelip, ar biri İerusalimdin darbazasının kire berişine, anın büt dubaldarın tegerete, Jüyüttün bardık şaarlarına öz taktısın ornotot.

¹⁶Büt mıyzamsızdıktarı üçün, Meni taştap ketişkeni üçün, bötön jerlikterdin kudaylarına jıpar jıttuu zat tütötüşkönü üçün, öz koldoru menen jasagan nerselerge tabınışkandıgı üçün, Men alarga Öz ökümdörümdü jarıyalaym.

¹⁷Sen bolso beliŋdi bek buup, orduŋan turgun da, Men saga emneni buyrusam, alarga oşonun bardıgın ayt. Alardın aldında korkpo, bolboso Men seni alardın köz aldında öltürüp salam.

¹⁸Mına, azır Men seni büt ölkögö karşı, Jüyüt padışalarına karşı, anın törölörünö karşı, anın ıyık kızmat kıluuçularına karşı, uşul jerdin eline karşı çeptüü şaar, temir mamı jana jez dubal kılıp koydum.

¹⁹Alar saga karşı küröşöt, birok seni jeŋe alışpayt, antkeni seni kutkarış üçün, Men seni menenmin, – deyt Teŋir».