Read NT LS 2005 – Инжил ЛС (2005 Jeremiya 11 Bible Online

Jeremiya 11 - NT LS 2005 – Инжил ЛС (2005 bible

Jeremiya 11

¹Jeremiyaga Teŋirden bolgon söz:

²«Mına bul kelişimdin sözdörünö kulak salgıla, Jüyüttün erkekterine jana İerusalimdin turgundarına aytkıla.

³Alarga mınday dep ayt: Teŋir, Israyıldın Kudayı, mınday deyt: “Bul kelişimdin sözdörün ukpay koygon adamga kargış tiysin.

⁴Al kelişimdi Men silerdin ata-babalarıŋardı Misir jerinen, temir meşten alıp çıkkanda, alarga: "Menin ünümdü ukkula jana Men silerge emneni buyrusam, oşonun baarın atkargıla, oşondo siler Menin elim bolosuŋar, Men silerdin Kudayıŋar bolom", – dep bergem.

⁵Bul azır işke aşıp oturganday, bal menen süt akkan jerdi berem dep, silerdin ata-babalarıŋarga bergen Özümdün antımdı atkarış üçün, men uşunday kıldım”». Oşondo men joop kılıp: «Oomiyin, Teŋir!» – dedim.

⁶Anan Teŋir maga mınday dedi: «Bul sözdördün baarın Jüyüttün şaarları menen İerusalimdin köçölöründö jarıya kılıp ayt: “Bul kelişimdin sözdörünö kulak salgıla jana alardı atkargıla.

⁷Antkeni Men silerdin ata-babalarıŋardı Misir jerinen alıp çıkkan kündön bügünkü küngö çeyin, dayıma eskertip kelgem. Alarga taŋ zaardan: "Menin ünümdü ukkula!" – dep eskertip kelgem.

⁸Birok alar uguşkan jok, kulak salışkan jok, teskerisinçe, ar kimisi özünün jaman jürögünün öjörlügü menen jürdü. Oşonduktan Men uşul kelişimde aytılgandardın baarın alardın başına tüşürdüm. Men bulardı atkargıla dep buyrugam, birok alar atkarışkan jok”».

⁹Teŋir maga mınday dedi: «Jüyüttün erkekteri menen İerusalimdin turgundarı uyuşup çıkkınçılık kılganı jatışat.

¹⁰Alar kayradan Menin sözdörümdü uguudan baş tartkan ata-babalarının mıyzamsızdıktarına burulup ketişti, başka kudaylarga kızmat kılıp, oşolordun artınan ketişti. Israyıl menen Jüyüt Menin alardın ata-babaları menen tüzgön kelişimimdi buzuştu».

¹¹Oşonduktan Teŋir mınday deyt: «Mına, Men alarga kaygı kaptatam, alar andan kutula alışpayt. Alar Meni çakırganda, alardı ukpaym.

¹²Oşondo Jüyüttün şaarları menen İerusalimdin turgundarı barıp, özdörü jıpar jıttuu zat tütötkön jasalma kudayların çakırışat. Birok al jasalma kudaylar alardın başına kaygı tüşköndö, eç kanday jardam berişpeyt.

¹³Antkeni, Jüyüt, senin kança şaarıŋ bolso, oşonço jasalma kudayıŋ bar, İerusalimde kança köçö bolso, özüŋördü uyatka kaltıra turgan oşonço kurmandık çalınuuçu jaydı – Baalga jıpar jıttuu zat tütötüş üçün kurmandık çalınuuçu jaydı ornotup aldıŋar.

¹⁴Sen bolso bul el üçün suranba, alar üçün sıyınba, jalınba, antkeni alardın başına kırsık tüşüp, Meni çakırganda, Men alardı ukpaym.

¹⁵Menin üyümdö köp jaman işter bolup jatkanda, Menin süyüktüümö al jerde emne kerek? Iyık etter da saga jardam berbeyt, antkeni sen jamandık kılıp kubanıp jatasıŋ.

¹⁶Teŋir seni kögörüp turgan, jakşı jemişteri menen maktanıp turgan zaytun daragı dep atadı ele. Azır bolso katuu dürbölöŋdün ızı-çuusunda Teŋir anın tegeregine ot jalındattı, anın butaktarı kıyradı.

¹⁷Seni oturguzgan Sebayot Teŋir Israyıl menen Jüyüttün kıyanattıgı üçün senin başıŋa müşkül tüşörün ayttı. Buga özdörü sebepker boldu, alar Baalga jıpar jıttuu zat tütötüp Meni kaardantıştı».

¹⁸Teŋir maga açıp berdi, men bilem. Sen maga alardın işterin körsöttüŋ.

¹⁹Men bolso soyuuga jetelenip bara jatkan momun kozudaymın, alardın maga karşı oylop jatkan jaman oylorun bilgen emesmin. Alar: «Anın ısımı da mından arı eskerilbeşi üçün, anın tamagına uuluu jıgaç koşup, anı tirüülör jaşagan jerden jok kılabız», – deşken.

²⁰Birok, Teŋir Sebayot, adamdın jürögü menen için sınagan adilettüü Sot! Özüŋdün alardan öç alganıŋdı maga körsöt, antkeni men öz işimdi Saga işenip tapşırdım.

²¹«Teŋirdin atınan paygambarçılık kılba, bolboso bizdin kolubuzdan ölösüŋ», – dep, seni öltürgüsü kelgen Anatottun erkekteri jönündö Teŋir mınday deyt:

²²Oşonduktan Sebayot Teŋir mınday deyt: «Mına, Men alardı jazalaymın: alardın jigitteri kılıçtan kırılat, alardın uuldarı menen kızdarı açkadan ölüşöt.

²³Alardan kaldık da kalbayt, antkeni alardı jazalay turgan jıl kelgende, Men Anatottun erkekterinin başına müşkül tüşüröm».