Read NT LS 2005 – Инжил ЛС (2005 Jeremiya 13 Bible Online

Jeremiya 13 - NT LS 2005 – Инжил ЛС (2005 bible

Jeremiya 13

¹Teŋir maga: «Bar, özüŋö zıgır kur satıp al, anı menen beliŋdi kurça, birok anı suuga salba», – dedi.

²Oşondo men Teŋirdin sözü boyunça kur satıp alıp, anı belime kurçadım.

³Maga Teŋirden ekinçi jolu mınday söz aytıldı:

⁴«Sen satıp alıp, beliŋe kurçagan kurdu al da, tur, Epratka bar, anı oşol jerge, askanın jarakasına katıp koy».

⁵Teŋir maga buyruganday, men bardım da, anı Epratka katıp koydum.

⁶Köp kün ötköndön kiyin, Teŋir maga: «Tur, Epratka bar, Men saga katıp koy degen jerden kurdu al», – dedi.

⁷Men Epratka kelip, kurdu katıp koygon jerden kazıp aldım. Kur buzulup, eç nersege jaraksız bolup kalıptır.

⁸Oşondo maga Teŋirden söz boldu:

⁹Teŋir mınday deyt: «Jüyüttün tekeberdigin jana İerusalimdin ıgı jok tekeberdigin uşintip kıyratam.

¹⁰Menin sözdörümdü ukkusu kelbegen, özünün jürögünün öjörlügü menen jaşagan, başka kudaylarga kızmat kılıp, alarga taazim etiş üçün, alardın artınan jürgön uşul bolbogon el eç nersege jarabay kalgan uşul kur sıyaktuu bolot.

¹¹Antkeni kur adamdın beline jakın jatkanday, Men Israyıl menen Jüyüttü Özümö jakındattım, – deyt Teŋir, – alar Menin elim bolsun dedim, alar Menin daŋkım, maktanıçım, körküm bolsun dedim, birok alar til alışkan jok.

¹²Oşonduktan alarga mına bul sözdü ayt: Israyıldın Kuday-Teŋiri mınday deyt: “Şarap kuyuluuçu ar bir çanaç şarapka tolup jatat”. Alar saga: “Biz emne, şarap kuyuluuçu ar bir çanaç şarapka tolorun bilbeyt bekenbiz?” – deşet.

¹³Sen bolso alarga mınday de: Teŋir mınday deyt: “Mına, Men bul jerdin bardık turgundarın, Dööttün tagında oturgan padışalardı, ıyık kızmat kıluuçular menen paygambarlardı, İerusalimdin bardık turgundarın mas bolguça şarapka toyguzam.

¹⁴Alardı biri-birine urup kıyratam, ataların da, uuldarın da kıyratam, – deyt Teŋir. Alardı ayabaym, alarga ırayım kılbaym, alardı kırganıma ökünböym”».

¹⁵Kulak salgıla, ukkula. Tekeber bolbogula, antkeni Teŋir aytıp jatat.

¹⁶Teŋir karaŋgılık kaptata elekte, karaŋgılıktın toosunda butuŋar müdürülö elekte, Kuday-Teŋiriŋerdi daŋktagıla. Oşondo siler jarıktı kütösüŋör, birok Teŋir anı ölüm kölökösünö aylantıp, karaŋgılık kılat.

¹⁷Egerde siler munu ukpay turgan bolsoŋor, anda menin janım jaşıruun jerlerde silerdin tekeberdigiŋer üçün ıylayt, katuu ıylayt, közdörümdön jaş tögülöt, antkeni Teŋir üyürü tutkundalıp ketet.

¹⁸«Padışa menen hanışaga mınday dep ayt: “Moyun sungula, tömönüröök oturgula, antkeni silerdin başıŋardan daŋkıŋardın taajısı kuladı”.

¹⁹Tüştüktögü şaarlar jabıluu, alardı aça turgan eç kim jok. Jüyüt büt boydon tutkunga ketip jatat, büt boydon tutkunga ketti.

²⁰Başıŋardı kötörüp, tündüktön kele jatkandardı karagıla: saga berilgen üyür kayda, senin sonun üyürüŋ kayda?

²¹Sion kızı, Teŋir seni jazalaganda, sen emne deysiŋ? Özüŋö üstömdük kıluuga alardı özüŋ üyrötpödüŋ bele. Töröp jatkan ayalday kıynalıp jatkan joksuŋbu?

²²Egerde sen öz jürögüŋdö: “Emne üçün bul menin başıma tüştü?” – dey turgan bolsoŋ, bul senin köp sandagan mıyzamsız işteriŋ üçün boldu: etegiŋ açıldı, sogonçoguŋ jılaŋaçtaldı.

²³Etiopiyalık adam öz terisin özgörtö alabı? İlbirs özünün çaar temgilin özgörtö alabı? Oşondoy ele jamandık kılıp köngön siler, jakşılık kıla alasıŋarbı?

²⁴Oşonduktan alardı çöl şamalı uçurgan topondoy kılıp uçurup jiberem.

²⁵Mına, senin ençiŋ, saga Menden çenelgen ülüş uşul, – deyt Teŋir, – antkeni sen Meni unutup, jalgançılıkka tayandıŋ.

²⁶Oşonduktan senin abiyiriŋ açılışı üçün, etegiŋ betiŋe kötörülöt.

²⁷Men senin buzuktuguŋdu, senin toktolbogon kumardanuuŋdu, toybostuguŋdu, talaadagı adırlardın üstündögü jiyirkeniçtüü işteriŋdi kördüm. Kaygı saga, İerusalim! Sen kaçankıga çeyin tazalanbaysıŋ?»