Read NT LS 2005 – Инжил ЛС (2005 Jeremiya 14 Bible Online

Jeremiya 14 - NT LS 2005 – Инжил ЛС (2005 bible

Jeremiya 14

¹Kurgakçılık jönündö Teŋirden Jeremiyaga bolgon söz:

²«Jüyüt ıylap jatat, anın darbazaları kıyradı, kara kiyip oturuşat, İerusalimde ökürük çıgıp jatat.

³Törölör kızmatçıların suuga jiberip jatışat. Alar kuduktarga kelip, suu tappay jatışat, boş idişteri menen kaytıp jatışat. Uyat bolgon, şıldıŋ bolgon alar baştarın jaap alıştı.

⁴Jerge jamgır jaabay, kırtış jarılgandıktan, dıykandar da uyat bolup, baştarın jaap alıştı.

⁵Atügül, elik da talaaga tuup, çaarçıktarın taştap ketip jatat, antkeni çöp jok.

⁶Japayı eşekter da biyik jerlerge çıgıp, çöö sıyaktuu aba jutup jatışat. Alardın közdörü tunarıp kaldı, antkeni çöp jok».

⁷Özübüzdün mıyzamsızdıgıbız özübüzgö karşı kübölöndürüp jatkanına karabastan, Sen, Teŋir, bizge Özüŋdün ısımıŋ üçün jasa. Biz ötö işenimsiz bolduk, biz Senin aldıŋda künöögö battık.

⁸Israyıldın ümütü, başına kıyınçılık tüşköndö anın Kutkaruuçusu! Emne üçün Sen bul jerde çooçundaysıŋ, emne üçün Sen tünöp ketiş üçün kirgen jolooçudaysıŋ?

⁹Emne üçün Sen taŋ kalgan kişideysiŋ, kutkara albagan küçtüüdöysüŋ? Oşondoy bolso da Sen, Teŋir, bizdin arabızdasıŋ, Senin ısımıŋ menen atalgan bizdi taştaba.

¹⁰Teŋir bul elge mınday deyt: «Alar tentigendi jakşı körgöndügü üçün, buttarın karmabagandıgı üçün, Teŋir alarga ırayım kılbayt, Al azır alardın mıyzamsızdıgın estep, alardı künöölörü üçün jazalap jatat».

¹¹Teŋir maga mınday dedi: «Sen bul elge jakşı bolsun dep sıyınba.

¹²Egerde alar orozo karmaşsa, Men alardın ıyın ukpaym. Egerde alar bütündöy örttölüüçü kurmandık çalışsa, tartuulardı alıp kelişse, Men alardı kabıl albaym. Birok Men alardı kılıç menen, açarçılık menen, juguştuu ooru menen kıram».

¹³Oşondo men mınday dep ayttım: «Kuday-Teŋir! Mına, alarga paygambarlar mınday dep jatışat: “Kılıçtı körböysüŋör, silerde açarçılık bolboyt, birok men silerge uşul jerde turuktuu tınçtık berem”».

¹⁴Anan Teŋir maga mınday dedi: «Paygambarlar Menin ısımım menen jalgan paygambarçılık kılıp jatışat. Alardı Men jibergen emesmin, alarga Men buyruk bergen emesmin, alarga Men süylögön emesmin. Alar silerge jalgan ayandardı, tölgölördü, jok nerselerdi, öz jüröktörünün kıyaldarın aytıp jatışat».

¹⁵Oşonduktan paygambarlar jönündö Teŋir mınday deyt: «Alar Menin ısımım menen paygambarçılık kılıp jatışat, birok Men alardı jibergen emesmin. Alar: “Bul jerde kılıç da, açarçılık da bolboyt”, – dep jatışat. Oşonduktan bul paygambarlar kılıçtan jana açarçılıktan kırılat.

¹⁶Alar kaysı elge paygambarçılık kılsa, oşol el da kılıçtan jana açarçılıktan kırılıp, İerusalimdin köçölörünö taştalat, alardı kömö turgan eç kim bolboyt, özdörü da, ayaldarı da, uuldarı da, kızdarı da kırılat. Alardın jamandıgın Men öz baştarına salam.

¹⁷Alarga mına bul sözdü ayt: Menin köz jaşım künü-tünü tögülsün, toktobosun, antkeni menin elimdin kızı, biykeç çoŋ kıyroo menen, katuu sokku menen kıyradı.

¹⁸Talaaga çıksam, kılıçtan kırılgandar jatat; şaarga kirsem, açkaçılıktan jabırkagandar jatat. Al tursun, paygambar da, ıyık kızmat kıluuçu da çooçun jerde jüröt».

¹⁹Çın ele, Sen Jüyüttön birotolo baş tarttıŋ bele? Çın ele, Saga Sion taptakır jek körünüp kaldıbı? Emne üçün Sen bizdi ayıkkıs kılıp, uşunçalık kırdıŋ? Biz tınçtıktı kütüp jatabız, birok eç kanday jakşı nerse jok. Biz sakaya turgan mezgildi kütüp jatabız, birok mına, korkunuç keldi.

²⁰Teŋir, özübüzdün mıyzamsızdıgıbızdı, ata-babalarıbızdın künöösün moyunga alıp jatabız, antkeni biz Senin aldıŋda künöögö battık.

²¹Bizdi Özüŋdün ısımıŋ üçün çetke kakpa. Özüŋdün daŋkıŋdın tagın kemsintpe. Este, biz menen tüzgön Özüŋdün kelişimiŋdi buzba.

²²Butparastardın maanisiz kudaylarının arasında jamgır jarata turganı barbı? Je bolboso asman özünön özü ele nöşörlöp jamgır tögö alabı? Bizdin Kuday-Teŋiribiz Sensiŋ, oşonduktan biz Senden ümüttönöbüz, antkeni munun baarın Sen jaratıp jatasıŋ.