Read NT LS 2005 – Инжил ЛС (2005 Jeremiya 15 Bible Online

Jeremiya 15 - NT LS 2005 – Инжил ЛС (2005 bible

Jeremiya 15

¹Teŋir maga mınday dedi: «Menin aldıma Musa menen Şemuel kelse da, Menin janım bul el menen bolboyt. Bulardı Menin aldıman kuup jiber, alar ketişsin.

²Egerde alar saga: “Biz kayda barabız?” – deşse, anda alarga ayt: Teŋir mınday deyt: “Ölö turgan adam ölsün, kılıçtan ölö turgan kılıçtan ölsün, açkaçılıkka duuşar bolo turgan adam açkaçılıkka duuşar bolsun, tutkunga kete turgan adam tutkunga ketsin”.

³Teŋir mınday deyt: Men alarga tört türdüü jaza jiberem. Öltürüş üçün kılıçtı, tıtış üçün döböttördü, jeş üçün, kırış üçün asman kanattuuların jana talaa jırtkıçtarın jiberem.

⁴Jüyüt padışası, Hiskiya uulu Menaşenin İerusalimde kılgan işteri üçün, Men alardı büt padışaçılıktardın üröyün uçurgan korkunuçka aylantam.

⁵Antkeni seni kim ayayt, İerusalim? Kim saga boor ooruyt? Senin aman-esendigiŋdi suraş üçün, senikine kim kiret?

⁶Sen Meni taştap koyduŋ, – deyt Teŋir, – artka kettiŋ. Oşonduktan Men saga kolumdu sunup, seni jok kılam: Men ırayım kılgandan çarçadım.

⁷Men alardı sapırgıç menen jerdin darbazasınan narı sapırıp jatam. Alardı baldarınan ajıratıp jatam, Öz elimdi kırıp jatam, birok alar öz joldorunan burulbay jatışat.

⁸Men alardın jesirlerin deŋiz kumunan köp kılam. Enege jana anın uuldarına çak tüştö kıyratuuçunu jönötöm. Kütülbögön jerden alar dürbölöŋgö tüşüp, üröylörü uçat.

⁹Jetini törögön ayal alsırap jatıp jan berdi. Anın künü kündüz ele batkan, al uyatka kalgan, maskara bolgon. Anan alardın kaldıgın özdörünün duşmandarının köz aldında kılıçka salıp berem, – deyt Teŋir».

¹⁰Ene, sen meni talaşıp-tartışkan, büt jer jüzü menen çataktaşkan adam kılıp törögönüŋ üçün, maga kaygı! Men eç kimge üstökkö bergen emesmin, maga da eç kim üstökkö bergen emes, birok bardıgı meni kargap jatışat.

¹¹Teŋir mınday dedi: «Senin akırkı kündörüŋ jakşı bolot, başıŋa kıyınçılık tüşkön ubakta, kaygı uçurunda Men duşmanıŋdı saga jakşı mamile kıluuga majbur kılam.

¹²Temir tündük temirin jana jezdi talkalay alabı?

¹³Senin mal-mülküŋdü jana baylıktarıŋdı talatıp-tonotom. Bul özüŋdün bardık jerleriŋdegi bardık künöölörüŋ üçün bolot.

¹⁴Seni duşmandarıŋ menen koşo özüŋ bilbegen jerge jönötöm, antkeni Menin kaarımdın otu tutandı, al silerge karşı jalındayt».

¹⁵Oo Teŋir! Sen baarın bilesiŋ. Meni estep, maga kel, men üçün kuugunçularımdan öç al. Meni öltürbö, antkeni Sen ötö çıdamduusuŋ. Sen bilesiŋ, men Sen üçün korduk körüp jatam.

¹⁶Men Senin sözdörüŋö kulak salıp, alardı jutup aldım. Senin sözüŋ men üçün kubanıç, menin jürögümö şattık bolup kaldı, antkeni, Sebayot Kuday-Teŋir, men Senin ısımıŋ menen atalam.

¹⁷Men külgöndördün arasında oturgan jokmun, kubangan jokmun. Men Senin oor koluŋdun astında jalgız oturdum, antkeni Sen meni açuu sezimge tolturduŋ.

¹⁸Emne üçün menin oorum ayıkpas ooru? Emne üçün menin jaraatım oor, darıloogo mümkün emes? Çın ele, Sen men üçün aldamçı agın suu sıyaktuu, işenimsiz suu sıyaktuu bolup kalasıŋbı?

¹⁹Buga Teŋir mınday dep ayttı: «Egerde sen kayrılıp kelseŋ, Men seni kabıl alam, Menin aldımda turasıŋ. Egerde sen jaman sözdön jakşı sözdü ajırata bilseŋ, anda Menin oozumday bolosuŋ. Alar saga özdörü kayrılışat, sen alarga kayrılbaysıŋ.

²⁰Oşondo seni bul el üçün bekem jez dubal kılam. Alar saga karşı küröşüşöt, birok seni jeŋe alışpayt, antkeni seni saktaş üçün, kutkarış üçün, Men seni menenmin, – deyt Teŋir.

²¹Seni kaarduulardın kolunan saktaym, seni ezüüçülördün kolunan kutkaram».