Read NT LS 2005 – Инжил ЛС (2005 Jeremiya 16 Bible Online

Jeremiya 16 - NT LS 2005 – Инжил ЛС (2005 bible

Jeremiya 16

¹Maga Teŋirden söz boldu:

²«Sen ayal alba, bul jerde senin uuldarıŋ da, kızdarıŋ da bolbosun».

³Antkeni bul jerde törölüp jatkan uuldar jana kızdar tuuraluu, alardı töröp jatkan eneler tuuraluu, alardı törötkön atalar tuuraluu Teŋir mınday deyt:

⁴«Alar oor ölüm menen ölüşöt, alardı joktop ıylaşpayt, alar kömülböyt. Alar jer üstündö kık boluşat. Alar kılıçtan jana açkaçılıktan kırılışat, alardın ölüktörü asman kanattuularına, jerdegi jırtkıçtarga azık bolot».

⁵Antkeni Teŋir mınday deyt: «Kaygı tartkandardın üyünö kirbe, ıylaganı barba, alardı joktop ıylaba. Antkeni Men bul elden Özümdün tınçtıgımdı, ırayımımdı jana aёomdu tartıp aldım, – deyt Teŋir.

⁶Bul jerde uluular da, kiçüülör da ölüşöt. Alar kömülböyt, alardı joktop ıylaşpayt, özdörün tıtışpayt, alar üçün çaçtarın kırdırışpayt.

⁷Alar üçün kaygı uçurunda, ölgön kişi jönündö köŋül aytıp nan sındırışpayt. Alardın atası jönündö, enesi jönündö köŋül aytıp çöyçök sunuşpayt.

⁸Oşondoy ele toy bolup jatkan üygö kirbe, alar menen oturup jep-içpe».

⁹Antkeni Israyıldın Kudayı, Sebayot Teŋir mınday deyt: «Mına, Men bul jerde silerdin köz aldıŋarda, silerdin büt kündörüŋördö kubanıçtın jana şattıktın ünün, küyöönün jana koluktunun ünün toktotom.

¹⁰Sen bul sözdördün baarın bul elge aytıp bergeniŋde, alar saga: “Emne üçün Teŋir bizge karşı bul oor kaygının baarın ayttı, bizdin ayıbıbız kaysı, Kuday-Teŋiribizdin aldında kılgan künööbüz kaysı?”, – deşse,

¹¹anda alarga mınday de: “Antkeni silerdin ata-babalarıŋar Meni taştap koyuştu, – deyt Teŋir, – başka kudaylardı eerçip ketişti, alarga kızmat kılıştı, alarga tabınıştı, Meni bolso taştap koyuştu, Menin mıyzamdarımdı saktaşkan jok.

¹²Siler bolso ata-babalarıŋardan da jaman kılıp jatasıŋar, Meni ukpay, ar kimiŋer jaman jürögüŋördün öjördügü boyunça jaşap jatasıŋar.

¹³Bul üçün Men silerdi bul jerden özüŋör da, ata-babalarıŋar da bilbegen jerge ırgıtıp jiberem, oşol jerde başka kudaylarga künü-tünü kızmat kılasıŋar, antkeni Men silerge ırayım kılbaym”.

¹⁴Oşonduktan mına, kündör kele jatat, – deyt Teŋir, – oşol kündörü “Israyıl uuldarın Misir jerinen alıp çıkkan Teŋir tirüü!” dep aytpay kalışat.

¹⁵Birok “Israyıl uuldarın tündük jerinen jana alardı kaysı jerlerge kuup jiberse, oşol jerlerdin baarınan alıp çıkkan Teŋir tirüü”. Antkeni Men alardı ata-babalarına bergen jerge kayradan alıp kelem.

¹⁶Mına, Men köptögön balıkçılardı jiberem, – deyt Teŋir, – oşol balıkçılar alardı karmaşat. Andan kiyin köp aŋçılardı jiberem, oşol aŋçılar alardı ar kaysı toodon, ar kaysı adırdan jana askalardın kapçıgaylarınan karmaşat.

¹⁷Antkeni Menin közdörüm alardın bardık joldorunda, alar Menin jüzümdön jaşıruun emes, alardın antkorlugu Menin közümdön jaşıruun emes.

¹⁸Oşonduktan Men alardı baarınan murda antkorlugu üçün, künöösü üçün eki ese jazalaym, antkeni alar Menin jerimdi bulgaştı. Menin murasımdı alar özdörünün jiyirkeniçtüü ölüktörünö jana jiyirkeniçtüü nerselerine tolturuştu».

¹⁹Teŋir! Menin küçüm, kubatım, kaygı künü baş paanam Sensiŋ! Saga jer kıyırınan elder kelip, mınday deşet: «Bizdin ata-babalarıbız jalgandı, eç kanday paydası jok kurulay kudaylardı gana murastap kelişti».

²⁰Adam özünö kuday emes nerselerdi kuday kıla alabı?

²¹«Oşonduktan mına, Men azır alarga körsötöm, Men alarga Öz kolumdu jana Özümdün kuduretimdi körsötöm, oşondo alar Menin ısımım Teŋir ekenin bilişet.